சினிமா
சூர்யா படத்தில் இணைந்த சமீபத்திய ஆஸ்கார் பிரபலம்
சுதா கொங்காரா இயக்கத்தில் சூர்யாவின் 38-வது படமாக உருவாகவிருக்கும் படத்தில் சமீபத்தில் ஆஸ்கார் விருது வென்ற பிரபலம் குனீத் மோங்கா இணைந்துள்ளார். #Suriya38
செல்வராகவன் இயக்கத்தில் சூர்யா நடித்துள்ள `என்ஜிகே' படம் விரைவில் ரிலீசாக இருக்கிறது. சூர்யா தற்போது கே.வி.ஆனந்த் இயக்கத்தில் காப்பான் படத்தில் நடித்து வருகிறார்.
இந்த படத்தை முடித்த பிறகு `இறுதிச்சுற்று' பட இயக்குநர் சுதா கொங்காரா இயக்கத்தில் நடிக்க இருக்கிறார். சூர்யாவின் 38-வது படமாக உருவாகும் இந்த படத்திற்கு ஜி.வி.பிரகாஷ் இசையமைக்கிறார். பாடலாசிரியர் விவேக் பாடல்களை எழுதுகிறார்.
Congratulations @guneetm, on your Academy Awards! We are proud to be associated with you for #Suriya38! pic.twitter.com/Vj7P6pGZPF
— 2D Entertainment (@2D_ENTPVTLTD) March 2, 2019
சூர்யாவின் 2டி எண்டர்டெயின்மெண்ட் தயாரிக்கும் இந்த படத்தில் குனீத் மோங்கா இணைந்திருப்பதாக படக்குழு அறிவித்துள்ளது. இவர் சமீபத்தில் சிறந்த குறும்படத்திற்கான ஆஸ்கார் விருதை வென்ற பீரியட் எண்ட் ஆஃப் சென்டன்ஸ் படத்தை தயாரித்திருந்தார் என்பது குறிப்பிடத்தக்கது. #Suriya38 #SudhaKongara #GuneetMonga