தேவர் மகன் வீட்டில் கமல்ஹாசன்

கமல்ஹாசன், சிவாஜி கணேசன் நடிப்பில் வெளியாகி மிகப்பெரிய வெற்றி பெற்ற படம் தேவர் மகன். இந்த படத்தில் ஒரு பெரிய அரண்மனை காட்டப்படும்.

பொங்கல் பண்டிகையின் போது கோவை மாவட்டம் பொள்ளாச்சிக்கு சென்றிருந்த கமல், தேவர் மகன் படம் எடுக்கப்பட்ட ‘சிங்கா நல்லூர் அரண்மனைக்கு’ செல்ல வேண்டும் என விரும்பியுள்ளார். ஆனால் நேரம் இல்லாததால் அங்கு செல்ல முடியாத சூழல் ஏற்பட்டுள்ளது.

இதையடுத்து தற்போது மீண்டும் பொள்ளாச்சி சென்றுள்ள அவர், தேவர் மகன் எடுத்த அந்த அரண்மனைக்குச் சென்றுள்ளார். 27 வருடங்களுக்குப் பிறகு அந்த இடத்தை சுற்றிப்பார்த்துள்ளார்.

பின்னர் அந்தப் படம் உருவாக்கப்பட்டபோது நடிகர் சிவாஜியுடன் தனக்கு ஏற்பட்ட அனுபவம் குறித்தும் படம் பற்றிய பழைய நினைவுகள் குறித்தும் கட்சி நிர்வாகிகளிடம் பகிர்ந்துள்ளார்.

கமலின் இந்தப் புகைப்படங்கள் வெளியான பிறகு ’தேவர் மகன் 2’ உருவாக உள்ளதாக தகவல்கள் பரவின. ஆனால் இந்த செய்தி மறுக்கப் பட்டுள்ளது. இருந்தும் அந்தப் புகைப்படங்கள் வைரலாகி வருகிறது.