சினிமா
புதிரான இயக்குனர் படத்தில் ஹரிஷ் கல்யாண்
பியார் பிரேமா காதல் படத்தை தொடர்ந்து அடுத்ததாக புரியாத புதிர் படத்தை இயக்கிய ரஞ்சித் ஜெயக்கொடி படத்தில் ஹரிஷ் கல்யாண் நடித்து வருகிறார். #HarishKalyan
ஹரிஷ் கல்யாண் நடிப்பில் தற்போது வெளியாகி இருக்கும் படம் ‘பியார் பிரேமா காதல்’. இதில் இவருக்கு ஜோடியாக ரைசா நடித்திருந்தார். இளன் இயக்கி இருந்த இப்படத்தை இசையமைத்து தயாரித்திருக்கிறார் யுவன் சங்கர் ராஜா. இப்படம் வெளியாகி ரசிகர்களிடம் நல்ல வரவேற்பு பெற்று வெற்றிகரமாக திரையரங்குகளில் ஓடிக்கொண்டிருக்கிறது.
இப்படத்தை அடுத்து விஜய் சேதுபதியை வைத்து ‘புரியாத புதிர்’ படம் இயக்கிய ரஞ்சித் ஜெயக்கொடி இயக்கத்தில் நடிக்கிறார் ஹரிஷ் கல்யாண். இதில் ஹரிஷுக்கு ஜோடியாக ஷில்பா மஞ்சுநாத் நடித்து வருகிறார்.
மேலும், மாகாபா ஆனந்த், பால சரவணன், பொன்வண்ணன் உள்ளிட்ட பலர் நடிக்கிறார்கள். சாம் சிஎஸ் இசையமைத்து வரும் இப்படத்திற்கு கவின் ராஜ் ஒளிப்பதிவு செய்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது.