வார ராசிபலன் 20.7.2025 முதல் 26.7.2025 வரை

20.7.2025 முதல் 26.7.2025 வரை

விரும்பிய மாற்றங்கள் தேடிவரும் வாரம். ராசி அதிபதி புதன் தனம், வாக்கு, குடும்ப ஸ்தானத்தில் சஞ்சரிக்கிறார். நல்ல யோகமான பலன்கள் நடக்கும். மனதில் நம்பிக்கையும், உறுதியும் அதிகரிக்கும். கடந்த கால மனச் சோர்வுகள் நீங்கும். திடமான எண்ணத்தோடு அனைத்து காரியத்தையும் எளிதாக முடிப்பீர்கள்.

நீண்ட நாட்களாக தடைப்பட்டு வந்த முக்கிய பணிகளை இந்த வாரம் சிறப்பாக செய்து முடிப்பீர்கள். பொருளாதார நெருக்கடி குறையும். வெளியூர், வெளிநாட்டுத் தொடர்புடைய வாய்ப்புகள் தேடிவரும். விவசாயிகளுக்குத் தடைபட்ட குத்தகை வருமானம் வந்து சேரும். சொந்த வீட்டுக் கனவை பிள்ளைகள் நனவாக்குவர். காதல் வெற்றியாகும். திருமணப் பேச்சுவார்த்தை சுமூகமாக முடியும்.

சிலர் புதிய பாலிசி எடுப்பார்கள். தந்தைக்கு கண், இருதயம் தொடர்பான சிகிச்சை செய்ய நேரும். உயர் ஆராய்ச்சி கல்வி படிப்பில் ஏற்பட்ட தடைகள் அகலும். பெண்களுக்கு ஆன்மீகம் நாட்டம் அதிகமாகும். ஆடி வெள்ளிக்கிழமை வெண் பொங்கல் தானம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406