மீண்டும் தள்ளிப்போன எஸ்.ஜே. சூர்யா படத்தின் ரிலீஸ் தேதி

இயக்குனர் வெங்கட் ராகவன் இயக்கத்தில் எஸ்.ஜே சூர்யா நடித்துள்ள படம் 'கடமையை செய்'. இந்த படத்தில் கதாநாயகியாக யாஷிகா ஆனந்த் நடித்திருக்கிறார். ராஜேந்திரன், சார்லஸ் வினோத், வின்சென்ட் அசோகன், இராஜசிம்மன், மோகன் வைத்யா ஆகியோர் முக்கிய கதாபாத்திரத்தில் நடித்துள்ளனர்.

எஸ். ஜே. சூர்யா - யாஷிகா ஆனந்த்

டி.ஆர் ரமேஷ், ஷாகீர் உசேன் இணைந்து தயாரித்துள்ள இப்படம் ஜூன் 24-ஆம் தேதி திரையரங்குகளில் வெளியாகும் என அறிவிக்கப்பட்டிருந்ததை அடுத்து சில காரணங்களால் வெளியாகவில்லை. இந்நிலையில், இப்படத்தின் புதிய ரிலீஸ் தேதியை படக்குழு வெளியிட்டுள்ளது.

அதன்படி, 'கடமையை செய்' திரைப்படம் ஆகஸ்ட் 12-ஆம் தேதி திரையரங்குகளில் வெளியாகவுள்ளது. இதனை படக்குழு போஸ்டர் ஒன்றை வெளியிட்டு அறிவித்துள்ளது. இந்த போஸ்டர் சமூக வலைதளத்தில் வைரலாகி வருகிறது.

Gd news 🌟The most awaited @iam_SJSuryah 's #KadamaiyaiSei releasing worldwide on August 12th ..Get ready fr a grt entertainment 😊👍

@iamyashikaanand@arunrajmusic @srikanth_nb @vinothrsamy @Arunbharathioff @iamSandy_Off @vasymusicoffl@ProBhuvan @CtcMediaboy pic.twitter.com/C4JxZ2h3oV

— Venkatt Ragavan (@Venkatt_Ragavan) July 22, 2022