விருச்சகம் - வார பலன்கள்

வார ராசிபலன் 6.10.2024 முதல் 12.10.2024 வரை

6.10.2024 முதல் 12.10.2024 வரை

ஏற்ற இறக்கம் நிறைந்த வாரம். 2, 5-ம் அதிபதி குரு வக்ரம். புதிய முயற்சிகளில் சிந்தித்து செயல்பட வேண்டும். தன வரவில் தாமதம் இருந்தாலும் தேவைகள் கடைசி நேரத்தில் பூர்த்தியாகும். உத்தியோகத்தில் பணிச்சுமை அதிகரிக்கும். உயர் அதிகாரிகள் மூலம் சில விஷயங்களை கற்றுக் கொள்வீர்கள். தொழில், உத்தியோக ரீதியான பயணங்கள் லாபம் பெற்றுத்தரும். போட்டி பொறாமையைச் சந்திக்க நேரும். அரசு சம்பந்தப்பட்ட முயற்சிகளில் தாமத பலன் உண்டு. விசாரணைக்கு வராத வழக்கு, விவகாரங்கள் மீண்டும் தலை தூக்கும். தாய் வழி இல்ல விசேஷங்களில் நடைபெறும்

விருந்துகளில் கலந்து கொண்டு மகிழ்வீர்கள். உறவுகளின் சந்திப்பு பால்ய வயது இன்பங்களை மலரச் செய்யும். பழைய வீட்டை புதுப்பித்து பொலிவு பெறச் செய்வீர்கள். வாழ்க்கைத் துணைவர் வழியில் ஆதரவு மேம்படும்.குழந்தைகளை சிரத்தையோடு கண்காணிக்கவும். சிலர் இது வரை ஒத்தி வைத்த அறுவை சிகிச்சைக்காக மருத்து வமனை செல்ல நேரும். செயற்கை கருத்தரிப்பிற்கான முயற்சியை சிறிது காலம் ஒத்தி வைக்கவும். சண்டி ஹோமங்களில் கலந்து கொள்ளவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (29.9.2024 முதல் 5.10.2024 வரை)

29.9.2024 முதல் 5.10.2024 வரை

சுப விரயங்கள் செய்ய உகந்த காலம். ராசியை 3, 4-ம் அதிபதி சனியும் 2,5-ம் அதிபதி குருவும் பார்க்கிறார்கள். லாபஸ்தான அதிபதி புதன் உச்சம் பெறுவதால் கிரகங்கள் சாதகமாக உள்ளது. சேமிப்பு அதிகரிக்கும். தாராள வரவு செலவு இருக்கும். பங்குச் சந்தை ஆதாயம் மற்றும் அதிர்ஷ்ட பணம், பூர்வீகச் சொத்து கிடைக்க வாய்ப்புள்ளது. உயர் கல்வியில் இருந்த தடை தாமதம் விலகும். இந்த காலகட்டத்தில் எதையும் யோசிக்காமல் ஒரு வீட்டை வாங்கிப் போடுவது உத்தமம். நிலைமை சீராகும் போது கடன் தானாக அடைபட்டு விடும்.குடும்பத்தை நிர்வகிக்கும் பெண்களுக்கு மிகவும் மகிழ்ச்சியான வாரமாகும். கணவரின் அன்பும் ஆதரவும் உற்சாகம் தரும்.

சிலருக்கு இடப்பெயர்ச்சி சிறப்பான பலன்களைத் ஏற்படுத்தும். எதிர்பார்த்த இடத்தில் இருந்து பணம் வரும்.எதிர் பாலினத்தவரால் பொருள் பணம் சார்ந்த விசயத்தில் அவமானம் ஏற்படலாம். குழந்தைகள் வழியில் மகிழ்ச்சியான சம்பவங்கள் ஏற்படும். சிலருக்கு உஷ்ணம் சம்பந்தமான நோய்கள் உடலை தாக்கும்.சிலருக்கு காது வலி, ஞாபக மறதி போன்ற அசவுகரியங்கள் தலை தூக்கும். அமாவாசையன்று பித்ருக்களை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (22.9.2024 முதல் 28.9.2024 வரை)

22.9.2024 முதல் 28.9.2024 வரை

லாபகரமான வாரம். லாப ஸ்தானத்தில் தொழில் ஸ்தான அதிபதி சூரியன் மற்றும் உச்சம் பெற்ற புதன் சேர்க்கை. கிணற்றில் போட்ட கல்லாக கிடந்த சில முயற்சிகள் முடிவிற்கு வரும். கைக்கு எட்டி வாய்க்கு எட்டாத நிலை மறையும். தொழில், வேலை, வியாபாரம் போன்ற ஜீவன அமைப்புகள் உயர்வாக இருக்கும். பங்குதாரர்கள் ஆதரவாக இருப்பார்கள். எதிராக இருந்தவர்கள் விலகிச் செல்வார்கள். உடன் பிறந்த சகோதர, சகோதரிகள் மூலம் ஏற்பட்ட சொத்து தகராறு, கருத்து வேறுபாடு அகலும்.

சிலருக்கு தாயார் மூலம் கனிசமான தொகை கிடைக்கும். பிள்ளைகளால் ஏற்பட்ட மனக்கவலை அகலும். சிலருக்கு திருமணத் தடை நீடிக்கும். சிலருக்கு. மறு விவாகம் நடக்கும். மே 2025 வரை ராசிக்கு குருப் பார்வை இருப்பதால் பெரிய பாதகங்கள் ஏற்படாது என்பதை உறுதியாக கூறலாம். 24.9.2024 அன்று காலை 9.55 மணி முதல் 26.9.2024 அன்று மாலை 5.12 வரை சந்திராஷ்டமம் இருப்பதால் உத்தியோகம் ,நோய் , கடன், தாய்மாமா, போட்டித் தேர்வுகள் போன்றவற்றில் ஏமாற்றங்கள் ஏற்படலாம். சிவப்பு துவரை தானம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (15.9.2024 முதல் 21.9.2024 வரை)

15.9.2024 முதல் 21.9.2024 வரை

திட்டங்களில் நிலவிய தடை, தாமதங்கள் அகலும் வாரம். ராசிக்கு சனி,குரு பார்வை.எதையும் சமாளிக்கும் தைரியமும் ஆற்றலும் உண்டாகும். புதிய திட்டங்களில் ஏற்பட்ட தடைகள் தாமதங்கள் அகலும். ஆக்கப் பூர்வமான ஆலோசனைகள் உதயமாகும்.புதிய பதவிகள் கிடைத்து, அதற்கேற்ப அந்தஸ்தும் உயரும். உழைப்பிற்கேற்ற ஊதியம் உண்டு. இடமாற்றங்கள் ஏற்படலாம். வெளிநாடு செல்லும் வாய்ப்புக்கள் வரும்.புதிய தொழில் முயற்சிகள் அரசு உதவியுடன் வெற்றி பெரும். பூர்வீகச் சொத்து தொடர்பான பாகப்பிரிவினை மற்றும் முக்கிய ஆவணங்கள் எழுத ஏற்ற காலம். புத்திர பாக்கியம் உண்டாகும்.

அரசாங்கத் துறைகளின் மூலமாக எதிர்பார்த்த அனுகூலங்கள் யாவும் வந்து சேரும். தொழிலிலும் வருமானத்திலும் குறையில்லை என்றாலும் மனநிறைவு ஏற்படாது. எப்போதும் பணம் விஷயமான சிந்தனையுடன் இருப்பீர்கள். இடைவிடாத கடின உழைப்பின் காரணமாக நேரத்துக்கு சாப்பிட முடியாது.சிலருக்கு தலைவலி போன்ற சிறுசிறு உபாதைகள் ஏற்படலாம்.செவ்வாய் கிழமை சுப்ரமணிய புஜங்கம் படிக்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிப்பலன் 8.9.2024 முதல் 14.9.2024 வரை

குரு பலம் மிகுந்த வாரம். ராசி அதிபதி செவ்வாய் அஷ்டம ஸ்தானத்தில் மறைந்தாலும் குருவின் சஞ்சாரம் மிகச் சாதகமாக உள்ளது. நிறைந்த அறிவு, திறமை இருந்தும் பயன்படுத்தவோ சாதிக்கவோ முடிய வில்லையே என்ற மனக்குறை தீரும். உண்மையான உழைப்பிற்கான பலனை அறுவடை செய்யும் நேரம்.

திடமான நம்பிக்கையும், தெம்பும், உற்சாகமும் அதிகரிக்கும். பல வருடங்களாக புத்திர பாக்கியம் தடைபட்டவர்கள் செயற்கை கருத்தரிப்பு முறையை அணுக உகந்த காலம். தொழில் நிறுவனத்திற்கு நம்பிக்கையும், நன்றியும் உள்ள புதிய வேலையாட்கள் அமைவார்கள். சக ஊழியர்களால் அதிக நன்மை கிடைக்கும். திருமணத்தடை அகலும். தடைப்பட்ட பாக்கிகள் வசூலாகும்.

பழைய கடன்களையும், சிக்கல்களையும் தீர்க்கும் நிலை உருவாகும். உங்களின் வெற்றிக்கு வாழ்க்கை துணையின் ஆதரவு இருக்கும். ஆடை, ஆபரணச் சேர்க்கை அதிகரிக்கும்.குடும்ப சுமை குறையும். சொத்துக்கள் சம்பந்தப்பட்ட பஞ்சாயத்துக்கள் சாதகமாகும். ராசியை சனி பகவான் பார்ப்பதால் சிறு சோர்வு, அசதி அலுப்பு தோன்றி மறையும். பிரதோஷ காலங்களில் நந்தியம் பெருமானை வழிபடவும்.

`பிரசன்ன ஜோதிடர்' ஐ.ஆனந்தி

செல்: 98652 20406

வார ராசிபலன் (1.9.2024 முதல் 7.9.2024 வரை)

1.9.2024 முதல் 7.9.2024 வரை

குறிக்கோளுடன் செயல்படும் வாரம். ராசி அதிபதி செவ்வாய் அஷ்டம ஸ்தானம் சென்றாலும் ராசியை குரு பகவான் பார்க்கிறார்.இதனால் பய உணர்வு நீங்கும். மன சஞ்சலம் அகலும்.ஆன்ம பலமும் நம்பிக்கையும் அதிகரிக்கும். எதிர்காலத் தேவைக்கான திட்டமிடுவீர்கள். தொழிலில் உன்னத நிலையை அடைய முடியும். செல்வாக்கு, திறமை மற்றும் கவுரவத்தோடு செயல்பட்டு சிறப்பும் பெருமையும் அடைய முடியும். தொழில் போட்டிகள் நீங்கி திடீர் அதிர்ஷ்டம் ஏற்படும். வீடு கட்டத் தேவையான கடன் அல்லது புதிய தொழில் கடன் கிடைக்கும்.

வேலை பார்க்கும் இடத்தில் சக ஊழியர்களிடம் இருந்த வேற்றுமை மறையும்.ஊடகங்களில் பணி புரிபவர்களின் தனித்திறமை வெளிப்படும்.நோய்,நொடிகள் நிவர்த்தியாகும். ஒரு சிலர் வீடு மாற்றம், வேலை மாற்றம், ஊர் மாற்றம், நாடு மாற்றம் செய்ய நேரும். குழந்தை பாக்கியம் உண்டாகும். வீண் அலைச்சல் விரயம் தொடரும். கொடுக்கல், வாங்கலில் சிரத்தை தேவை. விரயத்தை சுபமாக்க முயற்சிப்பது நலம். அரசியல் பிரமுகர்களின் சொல்வாக்கு ஓங்கும். சதுர்த்தியன்று விநாயகர் அகவல் படிக்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (25.8.2024 முதல் 31.8.2024 வரை)

25.8.2024 முதல் 31.8.2024 வரை

தைரியமும், தன்னம்பிக்கையும் கூடும் வாரம். தொழில் ஸ்தான அதிபதி சூரியன் ஆட்சியால் நினைப்பதொன்று நடப்பது ஒன்றாக இருந்த நிலை மாறும்.எந்த முயற்சி எடுத்தாலும் அதில் வெற்றிக்கனியை பறிக்காமல் விடமாட்டீர்கள். தடைபட்ட நிலுவையில் உள்ள சம்பள பாக்கிகள் இந்த வாரம் கிடைத்துவிடும்.கடன் தொல்லையில் இருந்து இடைக்கால நிவாரணம் கிடைக்கும் . எதிரிகள் தொல்லை குறையும். வியாபாரிகள் வணிக ரீதியான பயணம் செய்ய வாய்ப்பு உள்ளது. திருமண முயற்சி கைகூடும். பிரிந்த தம்பதிகள் மீண்டும் இணைவார்கள். இறை வழிபாட்டில் ஆர்வம் அதிகரிக்கும். இந்த வாரத்தில் எல்லா வகையிலும் உங்களுக்கு சாதகமான நன்மைகள் உண்டாகும்.

நோய் தொல்லை கட்டுக்குள் இருக்கும். தாய்வழி அரசு வகையில் எதிர்பார்த்த உதவிகள் அனைத்தும் தாமதமின்றிக் கிடைக்கும். 28.8.2024 அன்று 3.41 காலை முதல் 30.8.2024 காலை 11.33 மணி வரை சந்திராஷ்டமம் இருப்பதால் மனதில் தோன்றும் திட்டங்களை செயல்படுத்துவதில் சற்று கால தாமதம் உண்டாகும்.திட்டமிட்ட சில காரியங்களில் மாற்றமான சூழல் அமையும். அவல் படைத்து கிருஷ்ணரை வழியடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (19.8.2024 முதல் 25.8.2024 வரை)

19.8.2024 முதல் 25.8.2024 வரை

செயல்களில் வெற்றி உண்டாகும் வாரம். ராசி அதிபதி செவ்வாய் பூர்வ புண்ணிய அதிபதி குருவுடன் இணைந்து குரு மங்கள யோகத்தை வழங்கும் அமைப்பு சில நாட்களுக்கு மட்டுமே உள்ளது. வருமானமும் வசதியும் பெருகும். இதுவரை நிலவிய பொருளாதார நெருக்கடிகள் விலகும். பொன் பொருள் சேரும். குல தெய்வ அருள் கிடைக்கும். குல தெய்வ பிரார்த்தனைகள், வேண்டுதல்களை நிறைவேற்ற உகந்த காலம். குழந்தைக்காக ஏங்கிய வர்களின் விருப்பம் நிறைவேறும். பிள்ளைகளால் பெற்றோருக்கும், பெற்றோர்களால் பிள்ளைகளுக்கும் பயன் உண்டு.

உயர் கல்வி யோகம் உண்டு.பூர்வீக சொத்து பிரச்சனை முடிவிற்கு வரும். தொழில், கூட்டுத் தொழில், உத்தியோகத்தில் நிலவிய சர்ச்சைகள் சீராகும். காதல் திருமணத்திற்கு வாய்ப்பு உள்ளது. சுய ஜாதகரீதியான தோஷங்கள் விலகி திருமணம் நடைபெறும் .நல்ல உணவு ,விருந்து, மகிழ்ச்சிக் கொண்டாட்டம், ஆரவாரம், என வீட்டில் மகிழ்ச்சி பொங்கும். சுபச் செய்திகளை எதிர்பார்க்கலாம். பெண்களுக்கு அழகிய ஆடை ஆபரணங்கள் அணிவதால் மனமகிழ்ச்சி அதிகரிக்கும். குலதெய்வ வழிபாடு மேன்மை தரும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (12.8.2024 முதல் 18.8.2024 வரை)

12.8.2024 முதல் 18.8.2024 வரை

மகிழ்ச்சியான வாரம். தொழில் ஸ்தான அதிபதி சூரியன் ஆட்சி. ராசியை குரு பார்ப்பதால் மனதில் ஏற்பட்ட இனம் புரியாத வேதனைகளும் பயங்களும் முற்றிலும் விலகும். தொழில் தொடர்பான அனைத்து திட்டங்களும் வெற்றியடையும்.வியாபாரிகளுக்கு சிறிய முயற்சியில் பெரிய வெற்றி உண்டு. சமூக அந்தஸ்து கவுரவம் அதிகரிக்கும். குடும்பத்தில் சுகமும், நிம்மதியும் இருக்கும். உற்றார், உறவுகளிடம் சுமூகமான நிலை நீடிக்கும். இயன்றவரை வேலையை மாற்றாமல் இருப்பது நல்லது. பெற்றோர்கள், உடன் பிறந்தவர்களின் ஆதரவு இருக்கும்.குழந்தைகளின் திறமைகளைக் கண்டு மனம் மகிழ்வீர்கள்.

கர்மம் செய்ய புத்திரன் பிறப்பான். குற்றம் குறை கண்டு பிடித்த மனைவி உங்களை புரிந்து கொள்வார். குடும்பத்தில் சுப காரியம் நடக்கும் வாய்ப்பு உள்ளது. பண வரவும் அதிகரிக்கும் அதற்கு இணையான செலவும் உண்டாகும். திருமணம் நிச்சயமாகும். சிலருக்கு முக்கிய தேவையான வீடு, வாகன தேவைக்கு கடன் வாங்கும் நிலை உண்டாகும். அப்படி வாங்கினால் அதை அடைத்து விட முடியுமா? என்ற கவலையும் உண்டாகும். வரலட்சுமி நோன்பு அன்று வயது முதிர்ந்த சுமங்கலிகளிடம் நல்லாசி பெறவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் (5.8.2024 முதல் 11.8.2024 வரை)

5.8.2024 முதல் 11.8.2024 வரை

செயல் திறன் மிகவும் சிறப்பானதாக இருக்கும் வாரம்.10-ம் அதிபதி சூரியன் 9-ல் நிற்பது பாக்கிய பலன்களை மிகைப்படுத்தும் அமைப்பாகும். வியாபாரத்தில் நிலவிய மந்த நிலைகள் மாறி சூடு பிறக்கும். இலாபமும் அதிகரிக்கும். சிலர் புதிய வீடு, நிலம் வாங்கும் முயற்சியில் ஈடுபடலாம். தாய், தந்தை உங்களை புரிந்து கொண்டு உதவுவார்கள். கடன் தொல்லை குறையும். எதிர்பாராத தனச் சேர்க்கையால் கடந்த கால இழப்புகள் இருந்த இடம் தெரியாது.மனம் நிம்மதியாக இருக்கும். குடும்பத்தில் சந்தோ ஷம் நிறைந்திருக்கும். தம்பதிகளிடையே அன்னி யோன்யம் அதிகரிக்கும்.

அண்டை வீட்டார், நண்பர்கள் மற்றும் சகோதரரால் ஏற்பட்ட பிரச்சனைகள் முடிவுக்கு வரும். தகாத நட்புகளையும் தவிர்ப்பது நல்லது. மேலதிகாரிகளின் உதவியால் உயர்பதவிகள் கிடைக்கும். புதிய வேலை கிடைக்கும். பூர்வீகச் சொத்து தொடர்பான சர்ச்சைகள் ஓரிரு வாரங்களில் முடிவுக்கு வந்து விடும் எதிர்காலம் சார்ந்து சில முடிவுகளை எடுப்பீர்கள். சேமிப்பு சார்ந்த ஆலோசனைகளில் ஈடுபடுவீர்கள். அரசு பணிகளில் இருந்து வந்த இழுபறிகள் மறையும். ஆடிப் பூர நாளில் அம்மனுக்கு சிவப்பு நிற புடவை சாற்றி வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

29.7.2024 முதல் 4.8.2024 வரை

மகிழ்சியான வாரம். ராசியை குரு, செவ்வாய் பார்ப்பதால் கடன் தொல்லைகள் குறையும். சேமிப்பு உயரும். வாழ்க்கைத் துணை, வியாபார பங்குதாரரை அனுசரித்து செல்ல வேண்டிய காலம். பங்குச் சந்தை ஆதாயம் உபரி வருமானத்தைப் பெற்றுத்தரும். கொடுக்கல், வாங்கலில் சிறப்பான நிலை நீடிக்கும். பங்குதாரர்கள் மற்றும் வேலையாட்கள் ஆதரவால் தொழிலில் ஏற்படும் நெருக்கடியை சமாளிக்க முடியும். சிலருக்கு வெளிநாட்டு கம்பெனியில் வேலை கிடைக்கும்.பூர்வீக சொத்து சம்பந்தமாக உங்களுக்கும் சகோதரருக்கும் கைகலப்பு ஏற்பட வாய்ப்புண்டு.

சனி வக்ரமாக இருப்பதால் சித்தப்பா உங்களை தூண்டி விட்டு வேடிக்கை பார்ப்பார். உடல் ஆரோக்கியத்தில் முன்னேற்றம் உண்டாகும். பெண்களுக்கு கோட்சார ரீதியான திருமணத் தடை நீடிக்கும். 31.7.2024 அன்று இரவு 10.15 மணி முதல் 3.8.2024 அன்று காலை 5.41 வரை சந்தி ராஷ்டமம் இருப்பதால் சொத்துக்கள் தொடர்பான முயற்சிகளை ஒத்திவைக்கவும். கையிருப்புப் பொருள்களைப் பத்திரப்படுத்தவும். அம்மன் கோயில் திருப்பணி நடக்கும் ஆலயங்களுக்கு செங்கல் தானம் வழங்கவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

இந்தவார ராசிபலன்

22.7.2024 முதல் 28.7.2024 வரை

பொருளாதார மேன்மை உண்டாகும் வாரம்.ராசி அதிபதி செவ்வாய் 2,5-ம் அதிபதி குருவுடன் இணைந்து ராசியை பார்க்கிறார்.அரசாங்க காரியங்களில் லாபமும் அனுகூலமும் ஏற்படும்.பிள்ளைகளால் நன்மை, தந்தை வழி ஆதாயம், தொழிலில் முன்னேற்றம், லாபம், மகிழ்ச்சி என்று எல்லா வகையிலும் நன்மைகளை உண்டாகப் போகிறது. குடும்ப உறவுகளுடன் பெருந்தன்மையாக நடந்து கொள்வீர்கள். ஆடம்பர விருந்து, உபசாரங்களில் கலந்து மகிழ்வீர்கள். நீண்ட நாட்களாக நினைத்த சில ஆடம்பர பொருட்களை வாங்குவீர்கள். நல்ல தகவல்கள் வீடு தேடி வரும்.வரவேண்டிய பணம் விரைவில் வசூலாக வாய்ப்புள்ளது.

நல்ல ஆடம்பரம், வசதி நிறைந்த வாழ்க்கைத் துணை அமையும். சுபமங்கள நிகழ்விற்கு தாராளமான பணச் செலவு செய்து மகிழ்வீர்கள். வேலைப்பளுவால் நேரம் தவறிய உணவு, தூக்க மின்மை, உடல் அசவுகரியம் அல்லது உஷ்ணம் சம்பந்தமான உபாதைகள் தோன்றி மறையும். உடலில் உள்ள சிறுசிறு உபாதைகளைக் கண்டு பயப்படாமல் மனம் தளராமல் வாழ்க்கையை எதிர்கொள்வது நல்லது. ஆடி வெள்ளிக்கிழமை பால் அபிசேகம் செய்து அம்மன் வழிபாடு செய்யவும்.

`பிரசன்ன ஜோதிடர்'

ஐ.ஆனந்தி

செல்: 98652 20406