மீனம் - தமிழ் மாத ஜோதிடம்

2025 பங்குனி மாத ராசிபலன்

எவரையும் பகைத்துக் கொள்ளக் கூடாது என்று சொல்லும் மீன ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் சகாய ஸ்தானத்தில் சுக்ரன் வீட்டில் உங்கள் ராசிநாதன் குரு பரிவர்த்தனை யோகம் பெற்று சஞ்சரிக்கிறார். யோகங்களில் சிறப்பான யோகம் 'பரிவர்த்தனை யோகம்' என்றாலும், உங்கள் ராசிக்கு அஷ்டமாதிபதியாக சுக்ரன் விளங்குவதால், ஏற்றமும், இறக்கமும் கலந்த சூழ்நிலை உருவாகும். சில நேரங்களில் இழப்புகளை உருவாக்கும். உடன்பிறப்புகள் வழியே பிரச்சினைகள் ஏற்படலாம். காரியங்கள் கடைசி நேரத்தில் கைகூடும். என்றாலும் போராடி வெற்றிபெறும் சூழ்நிலையே உண்டு. சுக ஸ்தானத்தில் தனாதிபதி செவ்வாய் இருப்பதால் தனவரவு திருப்தி தரும். என்றாலும் வந்தவுடன் செலவாகும் சூழ்நிலை அதிகம் உண்டு.

மீன - புதன் சஞ்சாரம்

மாதத் தொடக்கத்தில் மீன ராசியில் புதன் நீச்சம் பெற்றும், வக்ரம் பெற்றும் சஞ்சரிக்கிறார். உங்கள் ராசிக்கு 4, 7 ஆகிய இடங்களுக்கு அதிபதியான புதன் நீச்சம் பெறுவது நன்மைதான். கேந்திராதிபத்ய தோஷம் பெற்ற கிரகம் நீச்சம் பெறும்பொழுது, மிகுந்த நற்பலன்கள் கிடைக்கும் என்பது நியதி. அந்த அடிப்படையில் பொருளாதார பிரச்சினை அகலும். புதிய முயற்சிகளில் வெற்றி கிடைக்கும். தாய்வழி ஆதரவு உண்டு. தக்க விதத்தில் திருமண முயற்சி வெற்றிபெறும். உறவினர்களோடு இருந்த பகைமாறும். வீடு, இடம் வாங்குவது பற்றி சிந்திப்பீர்கள். உத்தியோகத்தில் மேலதிகாரிகளின் ஆதரவு உண்டு. பயணங்கள் பலன் தருவதாக அமையும்.

கும்ப - புதன் சஞ்சாரம்

பங்குனி 4-ந் தேதி புதன், கும்ப ராசிக்கு வக்ர இயக்கத்தில் செல்கிறார். உங்கள் ராசிக்கு சுக ஸ்தானாதிபதியாக விளங்குபவர் புதன். 'மறைந்த புதனால் நிறைந்த தன லாபம் கிடைக்கும்' என்பது பழமொழி. அந்த அடிப்படையில் பொருளாதாரத்தில் நிறைவு ஏற்படும். புதிய பாதை புலப்படும். அனுபவஸ்தர்களின் ஆலோசனை அவ்வப்போது கைகொடுக்கும். வரன்கள் வாசல் தேடி வந்துசேரும். வருங்கால நலன் கருதி எடுத்த முயற்சிகளில் வெற்றி கிடைக்கும். உத்தியோகத்தில் இடமாற்றம், இலாகா மாற்றம் உண்டு. நூதனப் பொருள் சேர்க்கை ஏற்படும்.

மீன - சுக்ரன் வக்ரம்

மீனத்தில் உள்ள சுக்ரன், இந்த மாதம் முழுவதும் வக்ரம் பெற்று சஞ்சரிக்கிறார். அசுர குருவான சுக்ரன், உங்கள் ராசிக்கு அஷ்டமாதிபதியாகவும் விளங்குவதால், அவர் வக்ரம் பெறுவது நன்மைதான். வீட்டிற்குத் தேவையான விலை உயர்ந்த பொருட்களை வாங்கி மகிழ்வீர்கள். சுபச்செலவுகள் அதிகரிக்கும். ஆடை, ஆபரணச் சேர்க்கை உண்டு. தொழில் வளம் சிறப்பாக இருக்கும். கொடுக்கல் - வாங்கல்களில் இருந்த பிரச்சினை அகலும். தொழிலில் புதிய கூட்டாளிகள் வந்து இணைவர்.

கடக - செவ்வாய்

பங்குனி 24-ந் தேதி கடக ராசிக்குச் செல்லும் செவ்வாய், அங்கு நீச்சம் பெறுகிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் செவ்வாய். எனவே இக்காலத்தில் மிக கவனமாக இருப்பது நல்லது. துளி வருமானம் இல்லாவிட்டாலும், செலவு அதிகரிக்கும். குடும்பச்சுமை கூடும். நினைத்தது ஒன்றும் நடந்தது ஒன்றுமாக இருக்கலாம். வாங்கிய இடத்தால் பிரச்சினையும், வளர்ச்சியில் தளர்ச்சியும் வரும் நேரம் இது. எதையும் திட்டமிட்டுச் செய்ய இயலாது.

பொதுவாழ்வில் உள்ளவர்களுக்கு செல்வாக்கு உயரும். வியாபாரம் மற்றும் தொழில் செய்பவர்களுக்கு கூடுதல் லாபம் கிடைக்கும். உத்தியோகத்தில் உள்ளவர்களுக்கு மேலதிகாரிகளின் ஆதரவு உண்டு. கலைஞர்களுக்கு புதிய முயற்சிகளில் வெற்றி கிடைக்கும். மாணவ- மாணவிகளுக்கு நினைவாற்றல் அதிகரிக்கும். பெண்களுக்கு எதிர்பார்ப்புகள் நிறைவேறும். சுபச்செய்திகள் வந்து சேரும்.

பணத்தேவையைப் பூர்த்தி செய்யும் நாட்கள்:-

மார்ச்: 19, 20, 25, 26, 31, ஏப்ரல்: 1, 4, 5, 6.

மகிழ்ச்சி தரும் வண்ணம்:- பொன்னிற மஞ்சள்.

2025 மாசி மாத ராசிபலன்

வேகமும், விவேகமும் ஒருசேர அமைந்த மீன ராசி நேயர்களே!

மாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்தக்தில் உங்கள் ராசிநாதன் குரு, சகாய ஸ்தானத்தில் பலம்பெற்று சஞ்சரிக்கிறார். அதுமட்டுமல்ல தானாதிபதி செவ்வாயும், வக்ர நிர்வத்தியாகப் போகிறார். எனவே சென்ற மாதத்தைக் காட்டிலும் இந்த மாதம் சிறப்பாகவே அமையும்.

செய் தொழிலில் எதிர்பார்த்ததைக் காட்டிலும் கூடுதல் லாபம் கிடைக்கும். நீடித்த நோயில் இருந்து நிவாரணம் பெறுவீர்கள். நினைத்த காரியத்தை நினைத்த நேரத்தில் செய்து முடிக்க இயலும். வளர்ச்சிக்கு நண்பர்கள் உறுதுணைபுரிவர்.

சூரியன் - சனி சேர்க்கை

இந்த மாதம் முழுவதும் கும்ப ராசியில் சூரியன் - சனி சேர்க்கை ஏற்படுகிறது. உங்கள் ராசிக்கு விரயாதிபதியாக விளங்குபவர் சனி. 6-க்கு அதிபதியாக விளங்குபவர் சூரியன். இவர்கள் இருவரும் இணையும் இந்த நேரம் நல்ல பலன்களே நடைபெறும். 'கெட்டவன் கெட்டிடில் கிட்டிடும் ராஜயோகம்' என்பதற்கேற்ப, அரசு வழியில் எதிர்பார்த்த சலுகைகள் கிடைக்கும்.

அரசாங்க வேலைக்கு விண்ணப்பித்தவர்களுக்கு அது கைகூடும். கடமையைக் கண்ணும், கருத்துமாகச் செய்வீர்கள். உத்தியோகத்தில் திடீர் முன்னேற்றம் ஏற்பட்டு மகிழ்ச்சியடைவீர்கள். கடன் சுமை பாதிக்கு மேல் குறையும். கவலை என்ற மூன்றெழுத்து, உங்கள் அகராதியை விட்டு அகலும். இக்காலத்தில் 'உத்தியோகத்தில் இருந்து விடுபட்டு, சுயதொழில் செய்யலாமா?' என்று சிந்திப்பீர்கள். உங்கள் சிந்தனைகள் அனைத்தும் வெற்றி பெறும் நேரம் இது.

செவ்வாய் வக்ர நிவர்த்தி

மிதுன ராசியில் சஞ்சரிக்கும் செவ்வாய், மாசி 9-ந் தேதி வக்ர நிவர்த்தியாகிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் செவ்வாய். தன - பாக்கியாதிபதி பலம் பெறும் இந்த நேரம் பொன்னான நேரமாகும். பொருளாதாரம் திருப்தி தரும். புதிய முயற்சிகளில் வெற்றி கிடைக்கும். குடும்பத்தில் உள்ளவர்களின் குறைகளைத் தீர்க்க முன்வருவீர்கள். கடுமையாக முயற்சித்தும் நடைபெறாத காரியங்கள், இப்பொழுது நடைபெறும். கடமையைச் செவ்வனே செய்து பாராட்டு பெறுவீர்கள்.

உத்தியோகத்தில் உங்கள் திறமை பரிசீலிக்கப்படும். ஒரு சிலருக்கு ஊதிய உயர்வும், பதவி உயர்வும் கிடைக்கலாம். நல்ல சம்பவங்கள் பலவும் நடைபெறும் நேரம் இது. தொழில் வெற்றிநடைபோடும். புதிய பங்குதாரர்கள் வந்திணைந்து, பொருளாதாரம் உயர வழிகாட்டுவர். பாகப் பிரிவினை சுமுகமாக முடியும். சகோதர ஒற்றுமை பலப்படும்.

மீன - புதன் சஞ்சாரம்

மாசி 14-ந் தேதி மீன ராசிக்குச் செல்லும் புதன், அங்கு நீச்சம் பெறுகிறார். உங்கள் ராசிக்கு 4, 7 ஆகிய இடங் களுக்கு அதிபதியானவர் புதன். அவர் நீச்சம் பெறுவது நன்மைதான். தாய்வழி ஆதரவு கிடைக்கும். கல்யாணக் கனவுகள் நனவாகும். கடமையைச் செவ்வனே செய்து வெற்றி பெறுவீர்கள். இடம், பூமி வாங்குவதில் இருந்த பிரச்சினைகள் அகலும்.

மாமன், மைத்துனர் வழியில் இருந்த மனக்கசப்பு மாறும். நீண்டநாள் முயற்சி கை கூடும். உத்தியோகத்தில் மேலதிகாரிகள் உங்கள் குரலுக்கு செவிசாய்ப்பர். பொதுவாழ்வில் உள்ளவர்களுக்கு செல்வாக்கு உயரும். வியாபாரம் மற்றும் தொழில் செய்பவர்களுக்கு முயற்சிகளில் வெற்றி கிடைக்கும். உத்தியோகத்தில் உள்ளவர்களுக்கு மேலதிகாரிகளின் ஆதரவு உண்டு.

கலைஞர்களுக்கு நீண்ட நாள் எண்ணம் நிறைவேறும். மாணவ - மாணவிகளுக்கு படிப்பில் வெற்றி வந்து சேரும். பெண்கள் தங்கள் காதுக்கு வரும் சுபச் செய்திகளால் மகிழ்ச்சியடைவர். இடமாற்றம் இனிமை தரும்.

பணத்தேவையைப் பூர்த்தி செய்யும் நட்கள்:-

பிப்ரவரி: 20, 21, 22, 26, 27, மார்ச்: 4, 5, 8, 9.

மகிழ்ச்சி தரும் வண்ணம்:- கரும்பச்சை.

2025 தை மாத ராசிபலன்

நல்ல மனம் படைத்தவர்களால் புகழப்படும் மீன ராசி நேயர்களே!

தை மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் குரு பகவான் வக்ரம் பெற்று சஞ்சரிக்கிறார். உங்கள் ராசிநாதன் வக்ரம் பெறுவது அவ்வளவு நல்லதல்ல. எதையும் திட்டமிட்டுச் செய்ய இயலாது. திடீர், திடீரென மன மாற்றம் ஏற்படும். கொடுக்கல் - வாங்கல்களில் கவனம் தேவை. 'நினைத்தது ஒன்றும், நடந்தது ஒன்றுமாக இருக்கிறதே' என்று கவலைப்படுவீர்கள். அதிகாரப் பதவியில் உள்ளவர்களை பகைத்துக்கொள்ள வேண்டாம். ஆதாயத்தை விட விரயங்களே கூடுதலாக இருக்கும். சொன்ன சொல்லைக் காப்பாற்ற இயலாது. தன்னம்பிக்கையும், தைரியமும் குறையாமல் பார்த்துக்கொள்வது நல்லது.

மிதுன - செவ்வாய்

தை 5-ந் தேதி மிதுன ராசிக்குச் செல்லும் செவ்வாய், அங்கு வக்ர இயக்கத்தில் இருக்கிறார். உங்கள் ராசிக்கு 2, 9 ஆகிய இடங்களுக்கு அதிபதியான செவ்வாய் பலம் இழக்கும் இந்த நேரத்தில் குடும்ப பிரச்சினைகள் தலைதூக்கும். கடன்சுமை கொஞ்சம் அதிகரிக்கலாம். தேவை இல்லாத வீண் விரோதங்கள் அலைமோதும். விலை உயர்ந்த பொருட்களை கையாள்வதில் கவனம் தேவை. வரவைக் காட்டிலும் செலவு கூடும். உடன் இருப்பவர்களிடமும், உடன்பிறப்புகளிடமும் விரோதத்தை வளர்த்துக்கொள்ள வேண்டாம்.

மகர - புதன்

உங்கள் ராசிக்கு 4, 7 ஆகிய இடங்களுக்கு அதிபதியான புதன், தை 6-ந் தேதி மகர ராசிக்குச் செல்கிறார். லாப ஸ்தானத்திற்கு வரும் புதனால், தொழில் முன்னேற்றம் ஏற்படும். எதிர்பார்த்த ஒப்பந்தங்கள் எளிதில் கிடைக்கும். வருமானம் திருப்தி தரும். வாகனங்கள் வாங்கி மகிழும் யோகம் உண்டு. கல்யாண முயற்சிகளில் வெற்றி கிடைக்கும். குடும்பத்தில் விலகி இருந்த சொந்தங்கள் விரும்பி வந்து இணையும். அரசியலில் உள்ளவர்களுக்கு நீண்ட நாட்களாக காத்திருந்த பொறுப்புகள், பதவிகள் கிடைக்கும்.

கும்ப - புதன்

தை 23-ந் தேதி கும்ப ராசிக்கு புதன் செல்கிறார். கேந்திராதிபத்ய தோஷம் பெற்ற கிரகம் 12-ம் இடத்திற்கு செல்லும் பொழுது யோகம் தரும் என்பதால் இடம், பூமி வாங்கி மகிழ்வீர்கள். தொழில் செய்யும் சிந்தனை அதிகரிக்கும். வெளிநாட்டில் பணிபுரிய அழைப்புகள் வரலாம். வீட்டிற்குத் தேவையான அத்தியாவசியப் பொருட்களை வாங்கும் முயற்சி கைகூடும். சுபகாரியப் பேச்சு முடிவாகும். பத்திரப்பதிவில் இருந்த தடை அகலும்.

குரு வக்ர நிவர்த்தி

ரிஷப ராசியில் சஞ்சரிக்கும் குரு பகவான், தை 29-ந் தேதி வக்ர நிவர்த்தியாகிறார். உங்கள் ராசிக்கும், தொழில் ஸ்தானத்திற்கும் அதிபதியான குரு, வக்ர நிவர்த்தியாவதால் செல்வ நிலை உயரும். செல்வாக்கு மேலோங்கும். உயரதிகாரிகள் சில நுணுக்கங்களை கற்றுக் கொடுப்பர். நண்பர்களைக் கொண்டு நல்ல தொழில் தொடங்க முயற்சிப்பீர்கள். ஆரோக்கியம் சீராகும்.

பொதுவாழ்வில் இருப்பவர்களுக்கு மேலிடத்து அனுகூலம் உண்டு. வியாபாரம் மற்றும் தொழில் செய்பவர்களுக்கு விரிவு செய்யும் முயற்சி வெற்றி தரும். உத்தியோகத்தில் உள்ளவர்களுக்கு திறமைக்குரிய அங்கீகாரம் கிடைக்கும். கலைஞர்களுக்கு வருமானம் உயரும். மாணவ- மாணவிகளுக்கு கல்வியில் ஆர்வம் அதிகரிக்கும். பெண்களுக்கு மனதில் உற்சாகமும், தன்னம்பிக்கையும் கூடும். மணமாலை சூடும் வாய்ப்பு கைகூடும்.

பணத்தேவையைப் பூர்த்தி செய்யும் நாட்கள்:-

ஜனவரி: 14, 23, 24, 25, 30, 31, பிப்ரவரி: 1, 4, 5, 9, 10.

மகிழ்ச்சி தரும் வண்ணம்:- மஞ்சள்.

2024 மார்கழி மாத ராசிபலன்

எந்த நேரமும் சிந்தனையில் ஆழ்ந்திருக்கும் மீன ராசி நேயர்களே!

மார்கழி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு வக்ரம் பெற்று சஞ்சரிக்கிறார். ஏழரைச் சனியில் விரய சனியின் ஆதிக்கம் நடைபெறுகிறது. எனவே விரயங்கள் கொஞ்சம் அதிகரிக்கும். எந்த புது முயற்சி செய்தாலும் அதில் தடை, தாமதம் உருவாகும்.

காரியங்கள் கடைசி நேரத்தில் கைகூடிவிடும். என்றாலும் அதுவரை மன நிம்மதி குறைவாகவே இருக்கும். புதிய முயற்சிகளில் வெற்றி கிடைக்க போராட்டம் அதிகரிக்கும். அதிகாரப் பதவியில் உள்ளவர்களையும், அருகில் உள்ளவர்களையும் பகைத்துக்கொள்ள வேண்டாம்.

செவ்வாய் - சுக்ரன் பார்வை

மாதத் தொடக்கத்தில் கடகத்தில் உள்ள செவ்வாய், மகரத்தில் சஞ்சரிக்கும் சுக்ரனைப் பார்க்கிறார். சுக்ரன், கும்பத்திற்குச் சென்ற பிறகும் செவ்வாயின் பார்வை அவர் மீது பதிகிறது. உங்கள் ராசிக்கு 2, 9 ஆகிய இடங்களுக்கு அதிபதியானவர், செவ்வாய். 3, 8 ஆகிய இடங்களுக்கு அதிபதியானவர், சுக்ரன். இதன் பார்வை பலனால் விலை உயர்ந்த பொருட்களை வாங்கும் யோகம் உண்டு.

கடன் சுமை குறைய புதிய முடிவெடுப்பீர்கள். நெருக்கடி நிலை அகலும். நீண்டதூர பயணங்கள் பலன் தருவதாக அமையும். ஆடை, ஆபரணச் சேர்க்கை உண்டு. துணிவும், தன்னம்பிக்கையும் கூடும். தொழில் ரீதியாக எடுத்த புது முயற்சிகளில் வெற்றி கிடைக்கும்.

குரு வக்ரம்

உங்கள் ராசிக்கு அதிபதியானவர் குரு. அதுமட்டுமல்லாமல் உங்கள் ராசியின் தொழில் ஸ்தானத்திற்கும் அவரே அதிபதி. அப்படிப்பட்ட குரு வக்ரம் பெறுவது அவ்வளவு நல்லதல்ல. ஆரோக்கியத் தொல்லை அதிகரிக்கும். அடுத்தவருடைய விஷயத்தில் தலையிடுவதன் மூலம் வீண் விவாதங்கள் ஏற்பட்டு, மன வருத்தம் அடைவீர்கள். தொழிலில் உள்ள பங்குதாரர்கள் விலகுவதாக சொல்லி அச்சுறுத்துவர்.

உத்தியோகத்தில் சகப் பணியாளர்களால் தொல்லை உண்டு. உங்களிடம் ஒப்படைக்கப்பட்ட பொறுப்புகளை மற்றவர்களிடம் கொடுக்க வேண்டாம். பரிகார தலங்களுக்கு சென்று வர வேண்டும் என்ற ஆசை இருந்தாலும், அது நிறைவேறுவதில் தாமதம் ஏற்படும்.

கும்ப - சுக்ரன்

மார்கழி 15-ந் தேதி, கும்ப ராசிக்கு சுக்ரன் செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியானவர் சுக்ரன். அஷ்டமாதிபதி 12-ல் மறையும் இந்த நேரம் நல்ல நேரம்தான். 'கெட்டவன் கெட்டிடில் கிட்டிடும் ராஜயோகம்' என்பதற்கேற்ப, எதிர்பாராத நல்ல சம்பவங்கள் நடைபெறும்.

பொதுவாழ்வில் உள்ளவர்களுக்கு தலைமை பொறுப்புகள் தேடி வரலாம். பொன், பொருள் சேர்க்கை உண்டு. பயணங்களால் பலன் கிடைக்கும். பாகப்பிரி வினைகள் சுமுகமாக முடிவடையும்.

தனுசு - புதன்

மார்கழி 17-ந் தேதி, தனுசு ராசிக்கு புதன் செல்கிறார். உங்கள் ராசிக்கு 4, 7 ஆகிய இடங்களுக்கு அதிபதியானவர் புதன். அவர் தொழில் ஸ்தானத்திற்கு வருவது நல்ல நேரம்தான். புதிய ஒப்பந்தங்கள் வந்துசேரும். புகழ் மிக்கவர்களின் ஒத்துழைப்பு கிடைத்து மகிழ்வீர்கள். மாமன் - மைத்துனர் வழியில் இருந்த மனக்கசப்பு மாறும். வாழ்க்கை துணைக்கு வேலை கிடைத்து உதிரி வருமானம் உண்டு. தொழிலை விரிவுபடுத்த எடுத்த முயற்சி பலன் தரும். உத்தியோகத்தில் சலுகைகள் கிடைக்கும். உங்கள் கை ஓங்கும்.

பொதுவாழ்வில் உள்ளவர்களுக்கு எதிர்பார்ப்புகள் நிறைவேறும். வியாபாரம் மற்றும் தொழில் செய்பவர் களுக்கு எதிர்பார்த்த ஒப்பந்தங்கள் வந்து சேரும். உத்தியோகத்தில் உள்ளவர்களுக்கு கேட்ட சலுகைகள் கிடைக்கும். கலைஞர்களுக்கு புதிய வாய்ப்புகள் கிடைக்கப் பெறும். மாணவ - மாணவிகளுக்கு, படிப்பில் அக்கறை கூடும். பெண்களுக்கு உடல்நலனில் கவனம் தேவை. வருமானம் போதுமானதாக இருக்கும்.

பணத்தேவையைப் பூர்த்தி செய்யும் நாட்கள்:-

டிசம்பர்: 16, 17, 27, 28, 29, ஜனவரி: 2, 3, 12, 13.

மகிழ்ச்சி தரும் வண்ணம்:- ரோஸ்.

2024 கார்த்திகை மாத ராசிபலன்

எதிலும் முக்கியத்துவம் பெற்று விளங்கும் மீன ராசி நேயர்களே!

கார்த்திகை மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு வக்ர இயக்கத்தில் இருக்கிறார். சனி வக்ர நிவர்த்தியாகி பலம் பெற்று விரயச் சனியாக சஞ்சரிக்கிறார். எனவே இம்மாதம் எதையும் திட்டமிட்டுச் செய்ய இயலாது.

திடீர் விரயங்கள் அதிகரிக்கும். உற்றார் - உறவினர்களின் பகை உருவாகும். ஊர் மாற்றம், உத்தியோக மாற்றம் போன்றவை கிடைப்பதுபோல் வந்து, கை நழுவிச் செல்லலாம். அதிக நிதானத்தோடு செயல்பட வேண்டிய மாதம் இது. பல காரியங்கள் அரைகுறையாக நிற்கலாம். வழிபாட்டின் மூலமே வளர்ச்சி ஏற்படும் என்பதை அறிந்து கொள்ளுங்கள்.

குரு வக்ரம்

ரிஷப ராசியில் உள்ள குரு பகவான், இந்த மாதம் முழுவதும் வக்ரம் பெற்று சஞ்சரிக்கிறார். உங்கள் ராசிக்கு அதிபதியான குரு பகவான் வக்ரம் பெறுவதால், முதலில் ஆரோக்கிய தொல்லை அதிகரிக்கும். பண நெருக்கடி ஏற்படும். தொழிலில் எதிர்பார்த்தது ஒன்றும், நடந்தது ஒன்றுமாக இருக்கும்.

'யாரை நம்பியும் செயல்பட முடியவில்லையே' என்று கவலைப்படுவீர்கள். திட்டமிட்ட காரியங்கள் திசைமாறிச் செல்லும். உற்றார், உறவினர்கள் உங்களுக்கு உதவுவதாக சொல்லி கடைசி நேரத்தில் கையை விரிப்பார்கள். 'கடன் சுமை கூடிக்கொண்டே செல்கிறதே' என்று கவலைப்படுவீர்கள்.

சனி - செவ்வாய் பார்வை

கடகத்தில் உள்ள செவ்வாய், இந்த மாதம் முழுவதும் கும்பத்தில் உள்ள சனியைப் பார்க்கிறார். இந்த முரண் பாடான கிரகங்களின் பார்வை அவ்வளவு நல்லதல்ல. எதிர்ப்பார்ப்புகள் எதுவும் நடைபெறாமல் போகலாம். இல்லத்தில் வீண் விரயங்கள் அதிகரிக்கும்.

பிள்ளைகளாலும் தொல்லை, பிறராலும் தொல்லை என்ற நிலை உருவாகும். உள்ளத்தில் மகிழ்ச்சி குறையும். உத்தியோகத்தில் உள்ளவர்கள் விலகும் நிலை உருவாகலாம். உறவினர்களின் பகை அதிகரிக்கும். இக்காலத்தில் தன்னம்பிக்கையும், தெய்வ வழிபாடும் கைகொடுக்கும்.

மகர - சுக்ரன்

கார்த்திகை 18-ந் தேதி, மகர ராசிக்கு சுக்ரன் செல்கிறார். உங்கள் ராசிக்கு லாப ஸ்தானத்திற்கு வரும் சுக்ரனால் நற்பலன்கள் கிடைக்கப் போகிறது. இருப்பினும் உங்கள் ராசிநாதன் குருவுக்கு, சுக்ரன் பகை கிரகம் என்பதால், சில காரியங்களில் தடைகளையும், தாமதத்தையும் சந்திக்க நேரிடும். வாங்கிய இடத்தை விற்க முன் வருவீர்கள். வாகனத்தால் தொல்லை உண்டு. கடன் சுமை அதிகரிக்கும். ஆரோக்கியம் சார்ந்த விஷயங்களில் அக்கறை தேவை.

செவ்வாய் வக்ரம்

கடக ராசியில் உள்ள செவ்வாய், கார்த்திகை 18-ந் தேதி வக்ரம் அடைகிறார். கொஞ்சம் கவனத்துடன் செயல்பட வேண்டிய காலம் இது. பண நெருக்கடி அதிகரிக்கும். ஓய்வின்றி உழைத்தாலும் உழைப்புக்கேற்ற பலன் கிடைக்காது. 'பெற்றோரின் ஆதரவு மற்ற சகோதரர் களுக்கு கிடைக்கும் அளவு நமக்கு கிடைக்கவில்லையே' என்று கவலைப்படுவீர்கள். உத்தியோகத்தில் நினைக்க இயலாத விதத்தில் மாற்றங்கள் ஏற்படும். மனக்குழப்பமும், தன்னம்பிக்கை குறைவும் உண்டாகும் நேரம் இது. எனவே நிதானமாக செயல்படுங்கள்.

பொதுவாழ்வில் உள்ளவர்களுக்கு எதையும் துணிந்து செய்ய இயலாது. வியாபாரம் மற்றும் தொழில் செய்பவர் களுக்கு உழைப்புகேற்ற பலன் கிடைக்காது. உத்தியோகத்தில் உள்ளவர்களுக்கு மேலதிகாரிகளின் கெடுபிடி அதிகரிக்கும். கலைஞர்களுக்கு புதிய முயற்சிகளில் வெற்றி கிடைக்கும்.

மாணவ - மாணவிகளுக்கு படிப்பில் கூடுதல் கவனம் தேவை. பெண்கள் அனைவரும், அருகில் இருப்பவர்களை அனுசரித்து செல்ல வேண்டிய மாதமிது. ஆதாயத்தை காட்டிலும் விரயங்கள் கூடும்.

பணத்தேவையைப் பூர்த்தி செய்யும் நாட்கள்:-

நவம்பர்: 19, 20, 30, டிசம்பர்: 1, 2, 6, 7, 12, 13.

மகிழ்ச்சி தரும் வண்ணம்:- பொன்னிற மஞ்சள்.

2024 ஐப்பசி மாத ராசிபலன்

வரவேற்பதில் வல்லவர்களாக விளங்கும் மீன ராசி நேயர்களே!

ஐப்பசி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு வக்ர இயக்கத்தில் சஞ்சரிக்கிறார். ஏழரைச் சனியும் தொடர்கிறது. மேலும் விரயச் சனியும் இம்மாதம் வக்ர நிவர்த்தியாகி பலம் பெறுகிறார்.

எனவே வருமான பற்றாக்குறை, வளர்ச்சியில் தளர்ச்சி, மனக்கவலை ஏற்படும். நினைத்தது நிறைவேறுவதில் தடைகளும், தாமதங்களும் அதிகரிக்கும். எதையும் திட்டமிட்டுச் செய்ய இயலாது. உறவினர் பகை உருவாகி மனக்கலக்கத்தை ஏற்படுத்தும். தன்னம்பிக்கை அதிகம் தேவைப்படும் மாதம் இது.

செவ்வாய் நீச்சம்

ஐப்பசி 6-ந் தேதி, கடக ராசிக்கு செவ்வாய் செல்கிறார். கடக ராசியானது, செவ்வாய்க்கு நீச்ச வீடாகும். உங்கள் ராசிக்கு 2, 9 ஆகிய இடங்களுக்கு அதிபதியானவர் செவ்வாய். அவர் நீச்சம் பெறுவது அவ்வளவு நல்லதல்ல. குறிப்பாக குடும்பத்தில் குழப்பங்கள் அதிகரிக்கும். கொடுக்கல் - வாங்கலில் தடுமாற்றம் ஏற்படும்.

பெற்றோர் வழி பிரச்சினை மீண்டும் தலைதூக்கும். பாகப்பிரிவினைகள் முடிவடையாமல் இழுபறி நிலையில் இருக்கும். மனச்சோர்வு அதிகரிக்கும். விழிப்புணர்ச்சியோடு செயல்பட வேண்டிய நேரம் இது.

விருச்சிகம் - புதன்

ஐப்பசி 8-ந் தேதி, விருச்சிக ராசிக்கு புதன் செல்கிறார். உங்கள் ராசிக்கு 4, 7 ஆகிய இடங்களுக்கு அதிபதியானவர் புதன். 4-ம் இடத்திற்கு அதிபதியான புதன், 9-ம் இடத்திற்குச் செல்வது யோகமான நேரம்தான். புதிய முயற்சிகளில் வெற்றி கிடைக்கும். கல்யாண வாய்ப்புகள் கைகூடும்.

தந்தை வழி உறவில் இருந்த விரிசல் அகலும். தன்னிச்சையாக செயல்பட வேண்டும் என்று விரும்புவீர்கள். 'பூர்வீக சொத்துக்களை விற்று புதிய சொத்துக்களை வாங்கலாமா?' என்ற சிந்தனை மேலோங்கும். வருமானம் திருப்தி தரும்.

சனி வக்ர நிவர்த்தி

கும்ப ராசியில் சஞ்சரிக்கும் சனி பகவான், ஐப்பசி 18-ந் தேதி வக்ர நிவர்த்தியாகிறார். எனவே ஏழரைச் சனி வலுவடைகிறது. விரயங்கள் கூடும். விழிப்புணர்ச்சி அதிகம் தேவை. இடமாற்றம், வீடு மாற்றம் எதிர்பார்த்தபடியே வந்துசேரும்.

கடன் சுமை குறைந்தாலும் மீண்டும் புதிய கடன்கள் உருவாகும். தொழில் கூட்டாளிகளை தேர்ந்தெடுக்கும் பொழுது, அவசரம் காட்ட வேண்டாம். உத்தியோகத்தில் வேலைப்பளு கூடும்.

தனுசு - சுக்ரன்

ஐப்பசி 22-ந் தேதி, தனுசு ராசிக்கு சுக்ரன் செல்கிறார். உங்கள் ராசிக்கு 3, 8-க்கு அதிபதியானவர் சுக்ரன். அவர் தொழில் ஸ்தானத்திற்கு வரும் வேளையில், தொழிலில் மிகுந்த கவனத்துடன் செயல்பட வேண்டும். யாரையும் நம்பி பொறுப்புகளை ஒப்படைக்க வேண்டாம்.

கொடுக்கல்- வாங்கலில் ஏமாற்றங்களை சந்திக்க நேரிடும். உங்கள் ராசிநாதன் குருவிற்கு, சுக்ரன் பகைக்கிரகம் என்பதால் எதிர்பார்த்த காரியங்களில் இடையூறுகள் அதிகரிக்கும். சிந்தித்து செயல்பட வேண்டிய நேரம் இது.

பொதுவாழ்வில் உள்ளவர்களுக்கு திடீர் மாற்றம் ஏற்பட்டு, மனக்கலக்கம் உருவாகும். வியாபாரம் மற்றும் தொழில் செய்பவர்களுக்கு வரவை காட்டிலும் செலவு கூடுதலாக இருக்கும். உத்தியோகத்தில் உள்ளவர்களுக்கு நிர்வாகத் திறமை பளிச்சிடும்.

கலைஞர்களுக்கு எதிர்பார்த்த இடத்தில் இருந்து நல்ல தகவல் கிடைக்கும். மாணவ - மாணவிகளுக்கு படிப்பில் கவனம் தேவை. மறதி அதிகரிக்கலாம். பெண்களுக்கு செலவு கூடும்.

பணத்தேவையைப் பூர்த்தி செய்யும் நாட்கள்:-

அக்டோபர்: 18, 19, 23, 24, நவம்பர்: 3, 4, 5, 9, 10.

மகிழ்ச்சி தரும் வண்ணம்:- நீலம்.

2024 புரட்டாசி மாத ராசிபலன்

முயற்சியும் பயிற்சியும் நமக்கு மூலதனம் என்று சொல்லும் மீன ராசி நேயர்களே!

புரட்டாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு பகவான் சகாய ஸ்தானத்தில் சஞ்சரிக்கிறார். தனாதிபதி செவ்வாய் சுக ஸ்தானத்தில் அமர்ந்தபடி, தொழில் ஸ்தானத்தை பார்க்கிறார்.

எனவே தொழில் வளம் சிறப்பாக இருக்கும். தொல்லை தந்த எதிரிகள் விலகுவர். நிலையான வருமானத்திற்கு வழி அமைத்துக்கொள்வீர்கள். நிகழ்காலத் தேவை பூர்த்தியாகும். பூமி வாங்கும் யோகம் உண்டு. புனிதப் பயணங்கள் உருவாகும். சர்ப்பக் கிரகங்களை முறையாக வழிபட்டால் சகல யோகங்களும் வந்துசேரும்.

சனி வக்ரம்

கும்ப ராசியில் சஞ்சரிக்கும் சனி பகவான், இந்த மாதம் முழுவதும் வக்ர இயக்கத்தில் இருக்கிறார். உங்கள் ராசிக்கு லாபாதிபதியாகவும், விரயாதிபதியாகவும் இருப்பவர் சனி. அவர் வக்ரம் பெறுவது, ஒரு வகையில் நன்மைதான். என்றாலும் லாபாதிபதியாகவும் சனி இருப்பதால், பொருளாதாரத்தைப் பொறுத்தவரை அடிக்கடி பிரச்சினைகளும், குறுக்கீடுகளும் வந்துகொண்டே இருக்கும்.

இருப்பினும் தைரியமும் தன்னம்பிக்கையும் மிக்க நீங்கள் எதையும் சமாளித்து விடுவீர்கள். வெளிநாட்டு பயணத்தில் கொஞ்சம் தாமதங்கள் ஏற்படலாம். இக்காலத்தில் முறையான வழிபாடுகள் முன்னேற்றப் பாதிப்பில் இருந்து விடுபட வைக்கும்.

புதன் உச்சம்

புரட்டாசி 3-ந் தேதி, கன்னி ராசியில் புதன் உச்சம் பெறுகிறார். உங்கள் ராசிக்கு 4, 7 ஆகிய இடங்களுக்கு அதிபதியானவர் புதன். களத்திர ஸ்தானாதிபதியான அவர், களத்திர ஸ்தானத்திலேயே உச்சம் பெறுவது யோகமான நேரமாகும். 'இல்லத்தில் மங்கல ஓசை கேட்க முடியவில்லையே' என்ற நீண்ட நாட்களாக இருந்த ஏக்கம் தீரும். 'வரன்கள் வாசல்வரை வந்து கைநழுவிப் போகிறதே' என்ற மன வாட்டம் மறையும்.

தங்களுக்கோ, தங்களை சார்ந்தவர்களுக்கோ, தங்கள் பிள்ளைகளுக்கோ திருமணம் கைகூடிவரும். திடீரென வரன்கள் வந்து திக்குமுக்காட வைக்கும். குடும்ப ஒற்றுமை பலப்படும். ஒரு சிலர் குடியிருக்கும் வீட்டையே விலைக்கு வாங்கும் யோகம் உண்டு.

துலாம் - சுக்ரன்

புரட்டாசி 3-ந் தேதி, துலாம் ராசிக்கு சுக்ரன் செல்கிறார். அது சுக்ரனுக்கு சொந்த வீடாகும். இக்காலத்தில் கொஞ்சம் கவனம் தேவை. அஷ்டமாதிபதி வலுவடையும் இந்த நேரத்தில், தடைகள் அதிகரிக்கும். உறவுகள் பகையாகலாம். உள்ளத்தில் நினைத்ததை உடனடியாக செய்ய இயலாது.

வரவைக் காட்டிலும் செலவு இருமடங்காகும். வாகனப்பழுது அதிகரிக்கும். உத்தியோகத்தில் இருப்பவர்கள், உயர் அதிகாரிகளின் முரண்பாடான குணத்தினால் 'வேலையில் இருந்து விலகிக் கொள்ளலாமா?' என்று சிந்திப்பீர்கள்.

துலாம் - புதன்

புரட்டாசி 20-ந் தேதி, துலாம் ராசிக்கு புதன் செல்கிறார். அவர் அங்குள்ள சுக்ரனோடு இணைந்து 'புத சுக்ர யோக'த்தை உருவாக்குகிறார். இக்காலத்தில் பொருள் வரவு திருப்திகரமாக இருந்தாலும், விரயங்கள் இரு மடங்காகும். வீடு மாற்றம், இடமாற்றம், உத்தியோக மாற்றம், நாடு மாற்றம் போன்றவை நிகழும் நேரம் இது.

பிள்ளைகளின் எதிர்கால நலன்கருதி செலவிடுவீர்கள். முக்கிய பொறுப்புகளை பிறரிடம் ஒப்படைக்க வேண்டாம். பொதுவாழ்வில் உள்ளவர்களுக்கு புதிய பொறுப்புகள் கிடைக்கும். வியாபாரம் மற்றும் தொழில் செய்பவர்களுக்கு விரயங்கள் கூடும். உத்தியோகத்தில் உள்ளவர்களுக்கு, விருப்பமான வகையில் பணியிட மாற்றம் அமையாது.

கலைஞர்களுக்கு, நண்பர்களின் மூலம் நல்ல தகவல் கிடைக்கும். மாணவ - மாணவிகள் கவனச்சிதறல் ஏற்படாமல் பார்த்துக்கொள்வது நல்லது. பெண் களுக்கு 'வரவைக் காட்டிலும் செலவு கூடுகிறதே' என்ற கவலை மேலோங்கும். சேமிப்பு கரையும் நேரம் இது.

பணத்தேவையைப் பூர்த்தி செய்யும் நாட்கள்:-

செப்டம்பர்: 21, 22, 25, 26, அக்டோபர்: 5, 6, 11, 12.

மகிழ்ச்சி தரும் வண்ணம்:- நீலம்.

2024 ஆவணி மாத ராசிபலன்

வாழ்க்கையை வளமாக்க வளைந்து கொடுத்து செல்லும் மீன ராசி நேயர்களே!

ஆவணி மாதக் கிரக நிலைகளை ஆராய்ந்து பார்க்கும் பொழுது, உங்கள் ராசிநாதன் குரு சகாய ஸ்தானத்தில் சஞ்சரிக்கிறார். அவரோடு தைரியகாரகன் செவ்வாயும் இணைந்திருக்கிறார். எனவே தைரியத்தோடும் தன்னம்பிக்கையோடும் வாழ்க்கை பாதையை சீராக்கிக் கொள்வீர்கள். எடுத்த முயற்சிகளில் வெற்றி கிடைக்கும்.

இல்லம் தேடி நல்ல தகவல்கள் வந்த வண்ணமாக இருக்கும். ஜென்ம ராசியில் ராகு இருக்கிறார். 'ராகுவை போல கொடுப்பானுமில்லை' என்பது பழமொழி. எனவே பொருளா தாரம் மிக திருப்தியாக இருக்கும். கேது 7-ல் இருப்பதால் வாழ்க்கை துணை வழியே சில பிரச்சினைகள் மீண்டும் வந்து தலைதூக்கும்.

சனி - சூரியன் பார்வை

கும்ப ராசியில் சஞ்சரிக்கும் சனி பகவான், இம்மாதம் முழுவதும் வக்ர இயக்கத்தில் இருக்கிறார். சிம்மத்தில் சஞ்சரிக்கும் சூரியன் அவரை பார்க்கிறார். இந்த பகைக் கிரகங்களின் பார்வை அவ்வளவு நல்லதல்ல. என்றாலும், உங்கள் ராசியை பொறுத்தவரை யோகம்தான். ஏன் என்றால் 6-ம் இடத்திற்கு அதிபதியான சூரியன் 12-ம் இடத்திற்கு அதிபதியான சனியை பார்ப்பதால் 'விபரீத ராஜயோக' அடிப்படையில் சில நல்ல காரியங்களும், எதிர் பாராத திருப்பங்களும் நடைபெறும்.

ஆரோக்கியம் சீராகி ஆனந்தப்படுத்தும். வெளிநாடு செல்லும் வாய்ப்பு ஒரு சிலருக்கு கைகூடும். உத்தியோகத்தில் இருப்பவர்களுக்கு நல்ல நிறுவனங்களில் பணிபுரிய அழைப்புகள் வரலாம். பிள்ளைகளின் எதிர்கால நலன் கருதி தீட்டிய திட்டங்கள் வெற்றி பெறும். மணி விழா, மணவிழா போன்ற சுப நிகழ்ச்சிகள் இல்லத்தில் நடைபெறும் சூழல் உருவாகும். அருகில் இருப்பவர்களின் ஆதரவோடு நல்ல காரியமொன்றை நடத்தி வைப்பீர்கள்.

சுக்ரன் நீச்சம்

ஆவணி 10-ந் தேதி கன்னி ராசிக்குச் செல்லும் சுக்ரன், அங்கு நீச்சம் பெறுகிறார். உங்கள் ராசிக்கு அதிபதியானவர் குரு. அவருக்கு பகைக் கிரகமாக விளங்கும் சுக்ரன் நீச்சம் பெறும் இந்த நேரத்தில் நினைத்த காரியங்கள் நிறைவேறும். அனைத்து முயற்சிகளிலும் வெற்றி கிடைக்கும்.

விலகிச் சென்ற உடன்பிறப்புகள் விரும்பி வந்து இணைவர். முன்னேற்றப் பாதையில் அடியெடுத்து வைக்கும் இந்த நேரத்தில் முக்கிய புள்ளிகளின் ஒத்துழைப்பு கிடைக்கும். வருமானம் உயரும். வளர்ச்சிக்கு தடையாக இருந்தவர்கள் விலகுவர். இடமாற்றம், ஊர் மாற்றம் இனிமை தரும் விதம் அமையும்.

மிதுன - செவ்வாய்

ஆவணி 10-ந் தேதி, மிதுன ராசிக்கு செவ்வாய் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் செவ்வாய். அவர் சுக ஸ்தானத்திற்கு வரும்போது, தொட்டது துலங்கும். தொழில் முன்னேற்றம் ஏற்படும். வெற்றிக்குரிய செய்திகள் வந்த வண்ணமாகவே இருக்கும்.

உற்றார் - உறவினர்கள் மட்டுமல்லாமல், நண்பர்களும் உறுதுணையாக இருப்பர். உத்தியோகத்தில் கைநழுவி சென்ற வாய்ப்புகள் மீண்டும் கைகூடிவரும். புதிய ஒப்பந்தங்கள் அதிகரித்து பொருளாதார நிலையை உயர்த்தும். புனிதப் பயணங்களை மேற்கொண்டு மகிழ்ச்சி அடைவீர்கள்.

சிம்ம - புதன்

ஆவணி 15-ந் தேதி, சிம்ம ராசிக்கு புதன் செல்கிறார். உங்கள் ராசிக்கு 4,7 ஆகிய இடங்களுக்கு அதிபதியானவர் புதன். கேந்திராதிபத்ய தோஷம் பெற்ற புதன் 6-ம் இடத்தில் சஞ்சரிப்பது அற்புதமான நேரமாகும். மறைந்த புதனால் நிறைந்த தன லாபம் கிடைக்கும். வீடு, இடம் வாங்கும் முயற்சி கைகூடும். வரன்கள் வாசல் தேடி வரலாம். உத்தியோகத்தில் உயர் பதவிகள் கிடைப்பதற்கான அறிகுறி தென்படும்.

தொழில் நடத்துபவர்களுக்கு கிளைத் தொழில் தொடங்கும் வாய்ப்பும், திடீர் தனவரவும் உண்டு. பெற்றோரின் ஆதரவு திருப்தி தரும். பொதுவாழ்வில் உள்ளவர்களுக்கு எதிர்பார்ப்புகள் நிறைவேறும். வியாபாரம் மற்றும் தொழில் செய்பவர் களுக்கு கூட்டாளிகளின் ஒத்துழைப்பு கிடைக்கும்.

உத்தியோகத்தில் உள்ளவர்களுக்கு உயர் பதவிகள் உண்டு. கலைஞர்களுக்கு முன்னேற்றப் பாதையில் அடியெடுத்து வைக்கும் யோகம் உண்டு. மாணவ - மாணவிகள் கல்வி யில் தேர்ச்சி பெறுவர். பெண்களுக்கு குடும்ப ஒற்றுமை பலப்படும். உங்கள் பெயரிலேயே சொத்துகள் வாங்கும் யோகம் உண்டு.

பணத்தேவையைப் பூர்த்தி செய்யும் நாட்கள்:-

ஆகஸ்டு: 19, 20, 25, 29, 30, செப்டம்பர்: 10, 11, 15, 16.

மகிழ்ச்சி தரும் வண்ணம்:- மஞ்சள்.

ஆடி மாத ராசிபலன்

நட்புக்கு முக்கியத்துவம் கொடுக்கும் மீன ராசி நேயர்களே!

ஆடி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு, 3-ம் இடத்தில் தனாதிபதி செவ்வாயோடு இணைந்து சஞ்சரிக்கிறார். எனவே பொருளாதார பற்றாக்குறை அகலும். புதிய முயற்சிகளில் வெற்றி கிடைக்கும். அருள்தரும் ஆலய வழிபாடுகளை மேற்கொள்வதில் ஆர்வம் காட்டுவீர்கள். ஜென்மத்தில் ராகு இருப்பதால் பயணங்கள் அதிகரிக்கும். தொழில் வளர்ச்சியில் புதியவர்கள் வந்து இணைவர். சப்தம ஸ்தானத்தில் கேது இருப்பதால் வாழ்க்கைத் துணை வழியே விட்டுக் கொடுத்துச் செல்வது நல்லது.

குரு - செவ்வாய் சேர்க்கை

மாதத் தொடக்கத்திலேயே குருவும், செவ்வாயும் இணைந்து 3-ம் இடத்தில் சஞ்சரிக்கின்றனர். வெற்றிகள் ஸ்தானத்தில் ராசிநாதன் குருவோடு தன - பாக்கியாதி பதியான செவ்வாய் இணைந்து சஞ்சரிப்பதால் 'குரு மங்கள யோகம்' ஏற்படுகிறது. பூமி சேர்க்கையும், பொருள் சேர்க்கையும் ஏற்பட புதிய வழியைக் கையாளுவீர்கள். விலகிச்சென்ற உடன்பிறப்புகள் விரும்பி வந்து இணைவர். உடன் பிறப்பு களுக்கோ அல்லது அவர்களின் இல்லங்களிலோ நடைபெறும் சுப காரியங்களை முன்நின்று நடத்தி வைத்து மகிழ்ச்சி காண்பீர்கள். இடம், பூமி விற்பனையால் லாபம் உண்டு. படித்து முடித்த பிள்ளைகளுக்கு வேலை கிடைத்து, அதன் மூலம் உதிரி வருமானங்களும் வரலாம்.

புதன்-வக்ரம்

கடக ராசியில் சஞ்சரிக்கும் புதன், ஆடி 5-ந் தேதி வக்ரம் பெறுகிறார். உங்கள் ராசிக்கு 4,7 ஆகிய இடங்களுக்கு அதிபதியானவர் புதன். அவர் வக்ரம் பெறும் இந்த நேரத்தில் மிகுந்த நன்மைகள் கிடைக்கும். கேந்திராதிபத்ய தோஷம் பெற்ற கிரகங்கள் வலிமை இழக்கும் பொழுது யோகம் செய்யும். எனவே இக்காலத்தில் கல்யாணக் கனவுகள் நனவாகும். பெற்றோரின் மணி விழா, பவள விழா போன்றவை நடைபெற எடுத்த முயற்சிகள் கைகூடும். வெளிநாட்டில் இருந்து வரும் அழைப்புகளை ஏற்றுக்கொண்டு செயல்படுவீர்கள். படித்து முடித்த வாழ்க்கை துணைக்கு இப் பொழுது வேலை கிடைக்கும்.

சிம்ம - சுக்ரன்

ஆடி 16-ந் தேதி, சிம்ம ராசிக்கு சுக்ரன் செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியானவர் சுக்ரன். அஷ்டமாதிபதி 6-ம் இடத்திற்கு வரும் போது, 'கெட்டவன் கெட்டிடில் கிட்டும் ராஜயோகம்' என்பதற்கேற்ப, திடீர் மாற்றங்கள் நல்லவிதமாக அமையும். வருமானம் உயரும். கடன் பாக்கிகள் வந்துசேரும். உத்தியோகத்தில் உங்கள் கை ஓங்கும். தலைமை பொறுப்புகள் தானாக கிடைக்கும். தங்கம், வெள்ளி போன்றவற்றில் முதலீடு செய்வீர்கள். தன்னிச்சையாக இயங்குவதில் ஆர்வம் ஏற்படும். சென்ற மாதத்தில் ஏற்பட்ட இழப்புகளை ஈடுசெய்ய எடுத்த முயற்சிகளில் வெற்றி கிடைக்கும்.

பொதுவாழ்வில் உள்ளவர்களுக்கு திட்டமிட்ட காரியங்கள் சிறப்பாக நடைபெறும். வியாபாரம் மற்றும் தொழில் செய்பவர்களுக்கு பயணங்களால் பலன் கிடைக்கும். உத்தியோகத்தில் உள்ளவர்களுக்கு புதிய பொறுப்புகள் கிடைக்கும். கலைஞர்களுக்கு எதிர்காலத்தைப் பற்றிய பயம் அகலும். மாணவ-மாணவிகளுக்கு கல்வியில் எதிர்பார்த்த வெற்றி உண்டு. பெண்களுக்கு குடும்ப ஒற்றுமை பலப்படும். கொடுக்கல் - வாங்கல்கள் ஒழுங்காகும்.

பணத்தேவையைப் பூர்த்தி செய்யும் நாட்கள்:-

ஜூலை: 17, 18, 22, 23, 28, 29, ஆகஸ்டு: 13, 14, 15.

மகிழ்ச்சி தரும் வண்ணம்:- வைலட்.

ஆனி மாத ராசிபலன்

பிறருக்கு சேவை செய்யும் குணம் பெற்ற மீன ராசி நேயர்களே!

ஆனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு சகாய ஸ்தானத்தில் சஞ்சரிக்கிறார். உங்கள் ராசியில் ராகுவும், சப்தம ஸ்தானத்தில் கேதுவும் சஞ்சரிக் கிறார்கள். எனவே சர்ப்ப கிரகங் களின் ஆதிக்கம் மேலோங்கி இருக்கிறது. அதே நேரம் தனாதிபதி செவ்வாய் பலம் பெற்றிருப்பதால், தன வரவு திருப்திகரமாக இருக்கும். கட்டிடப் பணி தொடரும். தொழில் வளர்ச்சியில் புதியவர்களைப் பங்குதாரர் களாக்கி மகிழ்வீர்கள்.

சனி வக்ரம்

ஆனி 5-ந் தேதி, சனி வக்ரம் பெறுகிறார். உங்கள் ராசிக்கு லாபாதிபதியாகவும், விரயாதிபதியாகவும் விளங்குபவர் சனி பகவான். விரயாதிபதியான சனி வக்ரம் பெறுவது நன்மைதான். என்றாலும் அவர் லாபாதிபதியாகவும் இருப்பதால் பொருளாதாரத்தில் ஏற்ற இறக்க நிலை ஏற்படும். திட்டமிட்ட காரியங்களை செய்ய இயலாமல் போகலாம். பணம் கைக்கு வந்த மறுநிமிடமே செலவாகிவிடும். உத்தியோக மாற்றமோ, வீடு மாற்றமோ வருவதை எதிர்பார்த்துக் காத்திருப்பீர்கள். வெளிநாட்டில் இருப்பவர்கள் சொந்த ஊர் திரும்பும் சூழல் உருவாகலாம்.

கடக - புதன்

ஆனி 12-ந் தேதி, கடக ராசிக்கு புதன் செல்கிறார். எனவே பூர்வ புண்ணிய ஸ்தானம் பலம்பெறுகிறது. உங்கள் ராசிக்கு 4, 7 ஆகிய இடங்களுக்கு அதிபதியானவர் புதன். அவர் பூர்வ புண்ணிய ஸ்தானத்திற்கு வரும்போது பெற்றோரின் ஆதரவு கிடைக்கும். பாகப்பிரிவினைகள் சுமுகமாக முடியும். பிள்ளைகளின் மேற்படிப்பு சம்பந்தமாக எடுத்த முயற்சி கைகூடும். கட்டிய வீட்டைப் பழுது பார்ப்பது பற்றி சிந்திப்பீர்கள். கல்யாணத்தை முன்னிட்டு சீர்வரிசைப் பொருட்களை வாங்கி மகிழவும் உகந்த நேரம் இது.

கடக - சுக்ரன்

ஆனி 23-ந் தேதி, கடக ராசிக்கு சுக்ரன் செல்கிறார். உங்கள் ராசி நாதன் குருவிற்கு பகை கிரகமான அவர், பஞ்சம ஸ்தானத்திற்கு வரும்போது கவனமாக செயல்பட வேண்டும். உடன்பிறப்புகள் எதிரியாகலாம். உற்றார், உறவினர்கள் பகையாகலாம். கடன்சுமை கூடும். கவலை அதிகரிக்கும். பிள்ளை களால் விரயம் உண்டு. உத்தியோகத்தில் உங்களுக்கு கிடைக்க வேண்டிய பதவி உயர்வு சகப் பணியாளர் களுக்கு போய்ச் சேரும்.

ரிஷப - செவ்வாய்

ஆனி 27-ந் தேதி, ரிஷப ராசிக்கு செவ்வாய் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதி யானவர் செவ்வாய். அவர் சகாய ஸ்தானத்திற்கு வரும்போது குடும்ப ஒற்றுமை பலப்படும். குடியிருக்கும் வீட்டை விலைக்கு வாங்கும் யோகம் உண்டு. விலகிச் சென்றவர்கள் விரும்பி வந்து இணைவர். பணியில் இருக்கும் தொய்வு அகலும். பாகப் பிரிவினைகள் சுமுகமாக முடியும். தந்தை வழி உறவினர் மூலம் தனவரவு உண்டு. வருங்காலத்தைப் பற்றிய பயம் அகலும்.

பொதுவாழ்வில் உள்ளவர்களுக்கு ஆதாயம் தரும் தகவல் கிடைக்கும். வியாபாரம் மற்றும் தொழில் செய்பவர் களுக்கு கூட்டாளிகளின் அனுசரிப்பு குறையும். உத்தியோகத்தில் உள்ளவர்களுக்கு இடமாற்றம், இலாகா மாற்றம் வரலாம். கலைஞர்களுக்கு புதிய முயற்சிகளில் வெற்றி கிடைக்கும். மாணவ - மாணவிகளுக்கு கல்வியில் தேர்ச்சி உண்டு. பெண்களுக்கு குடும்ப ஒற்றுமை குறையலாம். எனவே விட்டுக் கொடுத்துச் செல்லுங்கள். வரவைக் காட்டிலும் செலவு கூடும்.

பணத்தேவையைப் பூர்த்தி செய்யும் நாட்கள்:-

ஜூன்: 19, 20, 21, 27, 28, ஜூலை: 1, 2, 4, 5.

மகிழ்ச்சி தரும் வண்ணம்:- மஞ்சள்.

வைகாசி மாத ராசிபலன்

வைகாசி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு பகவான் வெற்றிகள் ஸ்தானத்தில் சஞ்சரிக்கிறார். எனவே இம்மாதம் யோகமான மாதமாகவே அமைகிறது. ராசியிலேயே தனாதிபதி செவ்வாயும், ராகுவும் இருப்பதால், பணப்புழக்கம் அதிகரிக்கும். சென்ற மாதத்தில் தாமதப்பட்டு வந்த காரியங்கள், இப்பொழுது தடையின்றி நடை பெறும். தொழிலில் இருந்த ஏற்ற இறக்க நிலை மாறும். பொதுவாழ்வில் உள்ளவர்களுக்கு புதிய பொறுப்புகள் கிடைக்கும்.

ரிஷப - சுக்ரன்

வைகாசி 7-ந் தேதி, ரிஷப ராசிக்கு சுக்ரன் செல்கிறார். உங்கள் ராசிக்கு 3, 8 ஆகிய இடங்களுக்கு அதிபதியானவர் சுக்ரன். அவர் 3-ம் இடத்தில் பகை கிரகமான குருவோடு இணையும் நேரத்தில், உடன்பிறப்புகள் வழியில் பிரச்சினைகள் ஏற்படலாம். சொத்து பிரச்சினைகள் மீண்டும் தலைதூக்கும். முடிவுக்கு வந்த வழக்குகள் மீண்டும் தொடரலாம். இடமாற்றம் இனிமை தரும் விதம் அமையாது. வீண் விரயங்களில் இருந்து விடுபட சுப விரயங்களை மேற்கொள்வது நல்லது. உறவினர்களிடம் பகையை வளர்த்துக்கொள்ள வேண்டாம். இதுபோன்ற காலங்களில் வழிபாடுகளை மேற்கொள்வதன் மூலம் நல்ல பலன்களை வரவழைத்துக்கொள்ள இயலும்.

ரிஷப - புதன்

வைகாசி 11-ந் தேதி, ரிஷப ராசிக்கு புதன் செல்கிறார். உங்கள் ராசிக்கு 4, 7 ஆகிய இடங்களுக்கு அதிபதியானவர் புதன். அவர் சகாய ஸ்தானத்தில் வரும் பொழுது, தாய்வழி ஆதரவு கிடைக்கும். தடைக் கற்கள் அகலும். சொத்துக்கள் வாங்கும் யோகம் உண்டு. படித்து முடித்து வேலை இல்லாமல் இருக்கும் வாழ்க்கை துணைக்கு, இப்பொழுது நல்ல வேலை அமையும். வருமானம் திருப்தி தரும். வெளிநாடு சென்று படிக்க வேண்டும் அல்லது பணிபுரிய வேண்டும் என்று விரும்புபவர்களுக்கு, அதுவும் கைகூடும். தொழில் வளர்ச்சி திருப்திகரமாக இருக்கும்.

மேஷ - செவ்வாய்

வைகாசி 18-ந் தேதி, மேஷ ராசிக்கு செவ்வாய் செல்கிறார். உங்கள் ராசிக்கு 2, 9 ஆகிய இடங்களுக்கு அதிபதியானவர் செவ்வாய். தன - பாக்கியாதிபதியான செவ்வாய், தன ஸ்தானத்தில் சஞ்சரிப்பது ஒரு அற்புதமான நேரமாகும். பொருளாதாரம் உச்ச நிலையை அடையும். புதிய முயற்சிகளில் வெற்றி கிடைக்கும். அருளாளர்கள் மற்றும் ஆன்மிக பெரியோர்களின் ஆலோசனை, தக்க சமயத்தில் கைகொடுக்கும். கொடுத்த வாக்கை காப்பாற்றுவீர்கள். குடும்ப முன்னேற்றம் திருப்தி தரும்.

மிதுன - புதன்

வைகாசி 27-ந் தேதி, மிதுன ராசிக்கு புதன் செல்கிறார். உங்கள் ராசிக்கு 4, 7 ஆகிய இடங்களுக்கு அதிபதியானவர் புதன். அவர் தனது சொந்த வீட்டில் சஞ்சரிக்கும்போது ஆரோக்கியம் சீராகும். உற்சாகத்தோடு பணிபுரிவீர்கள். உள்ளத்தில் நினைத்ததை உடனடியாக செய்து முடிக்க, நண்பர்கள் உறுதுணையாக இருப்பர். கடன் சுமை படிப் படியாக குறையும். வெளிநாட்டில் இருந்து ஆதாயம் தரும் தகவல் வரலாம். பயணங்கள் பலன் தருவதாக அமையும். தொழில் மற்றும் உத்தியோகத்தில் உங்கள் எதிர்பார்ப்புகள் நிறைவேறும்.

மிதுன - சுக்ரன்

வைகாசி 31-ந் தேதி, மிதுன ராசிக்கு சுக்ரன் செல்கிறார். உங்கள் ராசிக்கு 3, 8 ஆகிய இடங்களுக்கு அதி பதியானவர் சுக்ரன். அவர் சுக ஸ்தானத்திற்கு வரும் இந்த நேரத்தில் கொஞ்சம் விழிப்புணர்ச்சியோடு செயல்பட வேண்டியது அவசியம். விலை உயர்ந்த பொருட்களை விற்கும் சூழ்நிலை உருவாகும். இடம், பூமியால் ஏதேனும் பிரச்சினைகள் வரலாம். வியாபாரத்தில் இருந்து கூட்டாளிகள் விலக நேரிடும். உத்தியோகத்தில் உள்ளவர் களுக்கு, உயர் அதிகாரிகளுடன் மோதல் உருவாகலாம். கவனம் தேவை. விரயங்கள் தவிர்க்க முடியாததாக அமையும். எனவே யோசித்து செயல்படுவது நல்லது.

பொதுவாழ்வில் உள்ளவர்களுக்கு புதிய முயற்சிகளில் ஆதாயம் கிடைக்கும். வியாபாரம், தொழில் செய்பவர் களுக்கு கூட்டாளிகளால் பிரச்சினைகள் வரலாம். உத்தியோகத்தில் உள்ளவர்களுக்கு இடமாற்றம், இலாகா மாற்றம் ஏற்படலாம். கலைஞர்களுக்கு திடீர் வாய்ப்புகள் வந்துசேரும். மாணவ - மாணவிகளுக்கு ஆசிரியர்களின் ஆதரவு உண்டு. பெண்களுக்கு ஏழரைச் சனியால் பிரச்சினைகள் உருவாகலாம். இருப்பினும் தேவைகேற்ப வரவு வந்துசேரும்.

பணத்தேவையைப் பூர்த்தி செய்யும் நாட்கள்:- மே: 23, 24, 25, 29, 30, ஜூன்: 3, 4, 8, 9.

மகிழ்ச்சி தரும் வண்ணம்:- வைலட்.

பங்குனி மாத ராசிபலன்

பிறருக்கு சேவை செய்யும் குணம் பெற்ற மீன ராசி நேயர்களே!

பங்குனி மாதக் கிரக நிலைகளை ஆராய்ந்து பார்க்கும் பொழுது, மாதத் தொடக்கத்தில் உங்கள் ராசிநாதன் குரு தன ஸ்தானத்திலும், தனாதிபதி செவ்வாய் விரய ஸ்தானத்திலும் சஞ்சரிக்கின்றனர். இதனால் தனவரவு திருப்தியாக இருந்தாலும் உடனுக்குடன் விரயங்களும் அதிகரிக்கும். இது போன்ற காலங்களில் சுப விரயங்களைத் தேர்ந்தெடுத்துச் செய்வது நல்லது. குடும்பச்சுமை கூடுதலாக இருக்கும். கொடுக்கல் -வாங்கல்களில் சில பிரச்சினைகள் வந்தாலும், அதைச் சமாளிக்கும் ஆற்றல் உங்களுக்கு உண்டு. ஏழரைச் சனியும் நடைபெறுவதால், எதையும் ஒரு முறைக்குப் பலமுறை யோசித்துச் செய்வது நல்லது. நீண்ட தூரப் பயணங்களும், இடமாற்றமும் எதிர்பார்த்தபடி அமையும்.

செவ்வாய் - சனி சேர்க்கை

மாதத்தின் முதல் நாளிலேயே கும்ப ராசிக்குச் செல்லும் செவ்வாய், அங்குள்ள சனியோடு இணைந்து மாதம் முழுவதும் சஞ்சரிக்கிறார். இந்த முரண்பாடான கிரகச் சேர்க்கை அவ்வளவு நல்லதல்ல. மனக்குழப்பங்கள் அதிகரிக்கும். வியாபாரம், தொழிலில் நண்பர்களை நம்பி செய்த காரியங்களில் பிரச்சினைகள் ஏற்படும். வீட்டில் உள்ள விலை உயர்ந்த பொருட்களை விற்று, அத்தியாவசியப் பொருட்களை வாங்கும் சூழ்நிலைகூட வரலாம். மூட்டு வலி, முழங்கால் வலி, நரம்பு சம்பந்தப்பட்ட பிரச்சினைகளுக்கு ஆளாகும் சூழ்நிலை உருவாகும். புதிய சொத்துக்கள் வாங்குவதில் தாமதம் ஏற்படலாம். ஏழரைச் சனியின் ஆதிக்கம் நடைபெறுவதால் மிக மிக கவனத்தோடு இருக்க வேண்டிய நேரம் இது. பொதுவாழ்வில் ஈடுபட்டிருப்பவர்கள் வீண் பழிகள் வராமல் பார்த்துக்கொள்வது நல்லது.

புதன் வக்ரம்

மீனத்தில் நீச்சம் பெற்று சஞ்சரித்து வரும் புதன், பங்குனி 13-ந் தேதி வக்ரமும் அடைகிறார். இதன்விளைவாக நல்ல வாய்ப்புகள் இல்லம் தேடி வரும். கேந்திராதிபத்ய தோஷம் பெற்ற கிரகம் நீச்சம் பெறும் பொழுது, தாய்வழி ஆதரவு கிடைக்கும். தடைப்பட்ட பதவி உயர்வு தானாக வந்து சேரும். உங்களுக்கோ, உங்கள் குழந்தைகளுக்கோ, உங்களை சார்ந்தவர்களுக்கோ கல்யாண வாய்ப்பு கைகூடும். அசையாச் சொத்துகள் வாங்கும் முயற்சி கைகூடும். வெளிநாட்டுப் பயணங்கள் அனு கூலம் தரும். வீடு மாற்றம் பற்றி சிந்திப்பீர்கள்.

மீனம் - சுக்ரன்

பங்குனி 19-ந் தேதி, சுக்ரன் தன்னுடைய உச்ச வீடான மீன ராசிக்குச் செல்கிறார். உங்கள் ராசிக்கு 3, 8-க்கு அதிபதியான சுக்ரன் வலிமையடைவது அவ்வளவு நல்லதல்ல. குடும்பப் பிரச்சினை அதிகரிக்கும். கொள்கைப் பிடிப்போடு செயல்பட இயலாது. கடுமையாக முயற்சித்து செய்த சில காரியங்கள், கடைசி நேரத்தில் தான் முடிவடையும். 'தான் உண்டு தன் வேலை உண்டு' என்று இருப்பதே நல்லது. பெண்வழிப் பிரச்சினைகள் தலை தூக்கலாம். தொழிலில் யாரையேனும் நம்பி செயல்பட்டு எதிர்பாராத இழப்புகளை சந்திக்க நேரிடும்.

பொதுவாழ்வில் உள்ளவர்களுக்கு பொறுப்புகளில் மாற்றம் உண்டு. வியாபாரம், தொழில் செய்பவர்களுக்கு, அதை விரிவு செய்ய கடன் உதவி கிடைக்கும். உத்தியோகத்தில் உள்ளவர்களுக்கு வாகனம், வீடு வாங்க அலுவலகத்தில் கேட்ட உதவிகள் கிடைக்கும். கலைஞர்களுக்கு மக்கள் ஆதரவு அதிகரிக்கும். மாணவ - மாணவிகளுக்கு ஏழரைச் சனி நடைபெறுவதால் படிப்பில் கூடுதல் கவனம் செலுத்துவது நல்லது. பெண்களுக்கு படிப்பிற்கேற்ற வேலை அமையும். சொத்துகள் வாங்கும் யோகம் உண்டு. சுபச்செலவுகள் அதிகரிக்கும்.

பணத்தேவையைப் பூர்த்தி செய்யும் நாட்கள்:

மார்ச்: 14, 15, 18, 19, 28, 29, 30, ஏப்ரல்: 4, 5, 11, 12.

மகிழ்ச்சி தரும் வண்ணம்:- இளஞ்சிவப்பு.