துலாம் - வார பலன்கள்

வார ராசிபலன் 19.1.2025 முதல் 25.1.2025 வரை

19.1.2025 முதல் 25.1.2025 வரை

துணிவும், தன்னம்பிக்கையும் கூடும் வாரம். பாக்கிய ஸ்தானத்தில் தனாதிபதி செவ்வாயின் சஞ்சாரம். ராசி அதிபதி சுக்ரன் பூர்வ புண்ணிய ஸ்தானத்தில் சஞ்சாரம் செய்கிறார். பூர்வ புண்ணிய ஸ்தானமும் பாக்கிய ஸ்தானமும் ஒருங்கே வலிமை பெறுகிறது.இதனால் தன யோகம் சிறப்பாக அமையும். குழந்தை இல்லாதவர்களுக்கு நல்ல முறையில் கர்ப்பம் உண்டாகும். தந்தை மகன் உறவில் பாசமும் மனநிறைவும் உண்டாகும். குல தெய்வ அருளால் பூர்வீக சொத்து தொடர்பான பிரச்சனைகள் சிக்கல்கள் தீரும். செளக்கியமும், சுகமும், நோய் நிவர்த்தியும் உண்டாகும்.

தொழில், வியாபாரத்தில் கிடைக்கும் லாபத்தை திட்டமிட்டு பயன்படுத்தினால் முதலீடுகளை அதிகரிக்க முடியும். புதிய சொத்துக்கள் வாங்க ஏற்ற காலம். சமூக அந்தஸ்து அதிகரிக்கும். திருமண முயற்சி விரைவில் பலிதமாகும். பெண்கள் புதிய தங்க நகைகள் வாங்கி அணிவார்கள்.தேக ஆரோக்கியத்தில் தெளிவும், சுகமும் அதிகரிக்கும்.மைத்துனரால் ஏற்பட்ட மன சங்கடம் தீரும். பாதியில் நின்ற வீடு கட்டும் பணியை மீண்டும் துவங்குவீர்கள். சிலருக்கு சமூகத் தொண்டு செய்யும் ஆர்வம் உண்டாகும். முருகப் பெருமானின் வழிபாடு மகிழ்ச்சியை ஏற்படுத்தும்.

`பிரசன்ன ஜோதிடர்'

ஐ.ஆனந்தி

செல்: 98652 20406

12.01.2025 முதல் 18.01.2025 வரை

சுப பலன்கள் உண்டாகும் வாரம். ராசி அதிபதி சுக்ரன் பூர்வ புண்ணிய ஸ்தானத்தில் பூர்வ புண்ணிய ஸ்தான அதிபதி சனியுடன் செவ்வாய் பார்வையில் சேர்க்கை பெறுகிறார். வருமானம் தரக்கூடிய புதிய வாய்ப்புகள் கிடைக்கும். கைவிட்டுப் போனது எல்லாம் தேடி வரும். பங்குச் சந்தை லாபம், அதிர்ஷ்ட பணம், சொத்துக்கள் என எதிர்பாராத ராஜ யோகங்கள் ஏற்படலாம்.

தொழிலை இழுத்து மூடிவிட்டு வேறு வேலைக்கு சென்று விடலாமா? என்று நம்பிக்கை இழந்து இருந்தவர்கள் கூட வாழ்வில் செட்டிலாக்கி விடும் வகையில் மாற்றமான நல்ல சுப பலன்கள் உண்டாகும். சொத்து தொடர்பான வழக்குகள் முடிவிற்கு வரும். வீடு, நிலம், தோட்டம், வாகனம் வாங்கும் வாய்ப்பு உள்ளது. விவசாயிகளுக்கு பழைய விவசாய கடன் அல்லது வட்டி தள்ளுபடியாகும்.

பணிபுரியும் பெண்களுக்கு பதவி உயர்வு கிடைக்கும். கொடுக்கல் வாங்கலில் இருந்த அனைத்து சிக்கலும் தீரும். குடும்பத்துடன் உல்லாசமாக சுற்றுலா சென்று வருவீர்கள். அரசியல்வாதிகள் கருத்து ஒற்றுமை அதிகமாகும். ஆரோக்கியகேடு வைத்தியத்தில் சீராகும். அரசு உத்தியோகத்திற்கு பணி நியமன ஆணை கிடைக்கும். பவுர்ணமியன்று சத்திய நாராயணரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 5.1.2025 முதல் 11.1.2025 வரை

5.1.2025 முதல் 11.1.2025 வரை

கடமைகள் நிறைவேறும் வாரம்.ராசி அதிபதி சுக்ரன் பூர்வ புண்ணிய ஸ்தானத்தில் பூர்வ புண்ணிய ஸ்தான அதிபதி சனியுடன் சேர்க்கை பெறுகிறார். இது போன்ற கிரகச் சேர்க்கை பூர்வ புண்ணிய ஸ்தானத்தில் 30 வருடத்திற்கு பிறகு தான் உருவாகும்.கோட்சார கிரகங்கள் அனைத்தும் துலாம் ராசியினருக்கு சாதகமாக உள்ளது. பூர்வ புண்ணிய ஸ்தானம் பலம் பெறுவதனால் ஆன்ம பலம் பெருகி ஆரோக்கியத் தொல்லை குறையும். தாய், தந்தையரின் விருப்பங்களையும், அவர்களுக்கு செய்ய வேண்டிய கடமைகளையும் நிறைவேற்றுவீர்கள். கைவிட்டுப் போகும் நிலையில் இருந்த பூர்வீகச் சொத்தின் தீர்ப்பு சாதகமாகும்.

குழந்தை இல்லாதவர்களுக்கு ஆண் குழந்தை பிறக்கும். இந்த கால கட்டத்தில் கல்வி நிறுவனங்கள், தர்ம தபனங்கள், வழிபாட்டு ஸ்தலங்களுக்கு உதவி செய்தால் பாக்கிய பலன்கள் அதிகரிக்கும். திருமணத்தடை அகலும்.குல தெய்வ அருள் கிடைக்கும்.குடும்பத்தில் அமைதியும் மகிழ்சியும் நீடிக்கும். 9.1.2025 அன்று இரவு 8.46 முதல் 11.1.2025 அன்று இரவு 11.55 மணி வரை சந்திராஷ்டமம் இருப்பதால் வேலைப்பளுவும் அலைச்சலும் அதிகரிக்கும். வெள்ளிக்கிழமை மகாலட்சுமியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 29.12.2024 முதல் 4.1.2025 வரை

29.12.2024 முதல் 4.1.2025 வரை

உற்சாகமும், தன்னம்பிக்கையும் அதிகரிக்கும் வாரம்.ராசி அதிபதி சுக்ரன், பூர்வ புண்ணிய ஸ்தானத்தில் பூர்வ புண்ணிய ஸ்தான சனியுடன் 2, 7-ம் அதிபதி செவ்வாயின் 8-ம் பார்வையில் சஞ்சாரம். வாழ்க்கை துணையால் எதிர்பாராத அதிர்ஷ்ட பணவரவுக்கும் வாய்ப்பு உண்டு. தாய்மாமாவிடம் எதிர்பார்த்த காரியம் முடிய சற்று காலதாமதமாகும். இதுவரை வெளி உலகத்திற்கு தெரியாமல் இருந்த திறமைகள் வெளிப்படும். புகழ், அந்தஸ்து கவுரவம் உயரும். வீடு, வாகன யோகம் கிடைக்கும். அரசு வழியில் எதிர்பாராத சலுகைகள் கிடைக்கும். பணிபுரியும் பெண்களுக்கு சம்பள உயர்வும், சலுகைகளும் உற்சாகத்தை அதிகரிக்கும்.

அரசின் இலவச தொகுப்பு வீடு கிடைக்கும். கல்விக்காக வெளியூர், வெளிநாடு மற்றும் விடுதியில் தங்கியிருந்த பிள்ளைகள் இல்லம் திரும்புவார்கள். தந்தை மகன் உறவு பலப்படும். தம்பதிகளிடம் புரிதல் அதிகரிக்கும். திருமண முயற்சி கைகூடும். காதல் திருமணத்திற்கு பெற்றோர்களின் சம்மதம் கிடைக்கும்.வருமானம் சீராக இருந்தாலும் சமாளிக்க முடியாத விரயங்களும் ஏற்படும். அமாவாசையன்று பசுவிற்கு வாழைப்பழம் தானம் தரவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 22.12.2024 முதல் 28.12.2024 வரை

22.12.2024 முதல் 28.12.2024 வரை

அறிவும் திறமையும் பளிச்சிடும் வாரம். ராசி அதிபதி சுக்ரனுக்கு குரு மற்றும் செவ்வாயின் பார்வை இருப்பதால் மலைபோல் வந்த பிரச்சினைகள் பனி போல் விலகும். குடும்பத்தில் நிலவிய உட்பூசல் குறைந்து அமைதிப் பூங்காவாகும். தேவையற்ற பேச்சுக்கள், வாக்கு வாதங்கள் குறையும். பேச்சை மூலதனமாக கொண்டவர்களின் வருமானம் உயரும். வருமானம் தரக்கூடிய புதிய வாய்ப்புகள் கிடைக்கும். கைவிட்டுப் போனது எல்லாம் கிடைக்கும்.பூர்வீகச் சொத்து தொடர்பான உயில் எழுத பேச்சுவார்த்தை நடத்த உகந்த நேரம். எல்லைத் தகராறு, நிலத்தகராறு, வாய்க்கால் தகராறு, பட்டா சார்ந்த பிரச்சினைகள் முடிவுக்கு வரும்.

ஜாமீன் வழக்கில் தீர்ப்பு சாதகமாகும்.அரசாங்க வேலை, வெளிநாட்டு வேலை முயற்சி பலன் தரும். பெண்களுக்கு அலுவலகச் சூழ்நிலை உற்சாகம் தருவதாக இருக்கும். எதிர்பார்த்த சலுகைகள் கிடைக்கும். திருமணத் தடை அகலும்.புத்திரப் பிராப்தம் கிடைக்கும். பெற்றோர்கள், பெரியோர்கள், முன்னோர்களின் நல்லாசிகள் கிடைக்கும். தந்தையின் ஆரோக்கியத்தை அதிகரிக்க மாற்று முறை வைத்தியத்தை நாடுவீர்கள். வயதானவர்களுக்கு காலணிகள், போர்வைகள் வாங்கி தானம் தரவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 15.12.2024 முதல் 21.12.2024 வரை

15.12.2024 முதல் 21.12.2024 வரை

மகிழ்ச்சியான வாரம். ராசி அதிபதி சுக்ரன் சுக ஸ்தானத்தில் செவ்வாய் மற்றும் குருப்பார்வையில் சஞ்சரிக்கிறார். மனதிற்கு பிடித்த உணவுகளை உண்டு மகிழ்வீர்கள். பெரியவர்களிடம் மரியாதை காட்டும் குணம் அதிகரிக்கும்.மனதில் சந்தோஷம் நிலவும். அயராது உழைப்பதில் பிறருக்கு முன் உதாரணமாகத் திகழ்வீர்கள். புதிய தொழில் முயற்சிகள் தேடி வரும். சாதகமான இந்த காலத்தை பயன்படுத்தி வருமானத்தை அதிகரிப்பீர்கள்.புதிய கடன் வாய்ப்புகளாலும் நற்பயன் பெறுவீர்கள். எதையும் தலைமையேற்று நடத்தும் வண்ணம் உங்களின் செயல்பாடுகள் இருக்கும். மதிப்பும், மரியாதையும் உயரும்.

வழக்குகளில் சாதகமான பலன் கிடைக்கும்.மூத்த சகோதரியால் நற்பயன் கிடைக்கப் பெறுவீர்கள். அரசுப் பணியா ளர்களுக்கு மிகுந்த நன்மைகள் உண்டாகும்.திருமண வாய்ப்பு தேடி வரும். பிள்ளைகளால் ஏற்பட்ட பிரச்சினைகள் தீரும். விரும்பிய நகை, ஆடம்பர பொருட்கள் வாங்கி மகிழ்வீர்கள்.15.12.2024 அன்று மாலை 3.04 மணி வரை சந்திராஷ்டமம் இருப்பதால் முக்கிய பணிகளை சந்திராஷ்டமம் முடிந்தவுடன் செயல்படுத்துவது நல்லது.தட்சிணா மூர்த்தியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 8.12.2024 முதல் 14.12.2024 வரை

8.12.2024 முதல் 14.12.2024 வரை

பண பிரச்சினை நீங்கும் வாரம். ராசி அதிபதி சுக்ரன் தன ஸ்தான அதிபதி செவ்வாயின் பார்வையில் சஞ்சரிப்பதால் முயற்சிகளுக்கான பலன்களை உடனடியாக காண முடியும். காரியத் தடை நீங்கும். திறமைக்கேற்ற புகழும், கவுரவமும் கட்டாயம் கிடைக்கும். தொழில் வியாபாரத்தில் எதிர்பார்த்த வளர்ச்சி ஏற்பட்டு வருமானம் கூடும். பழைய பாக்கிகள் வசூலாகும்.விண்ணப்பித்த வீட்டு, வாகன கடன் இந்த வாரத்திற்குள் கிடைத்து விடும். நண்பர்கள் மூலம் தக்க சமயத்தில் தேவையான உதவிகளைப் பெற்று. அமைதியாகச் செயலாற்றுவீர்கள்.

திருமணம் போன்ற சுபநிகழ்ச்சிகள் சற்று இழுபறிக்குப் பின்னே நடைபெறும்.உடன் பிறந்த சகோதர, சகோதரிகளுடன் சிறு மன பிணக்கு ஏற்படலாம். தந்தை, மகன் கருத்து வேறுபாடு அகலும். மற்றவர்களிடம் பேசும் போது பொறுமையுடன் பேசுவது நல்லது.ஆரோக்கிய குறைபாடு அகலும். பணி நிமித்தமாக அடிக்கடி வெளியூர் பிரயாணங்கள் செல்ல வேண்டி வரலாம்.முக்கிய முடிவுகளை குடும்ப பெரியோர்களின் ஆலோசனைகளைக் கேட்டு எடுக்கவும். சிவனுக்கு விபூதி அபிசேகம் செய்து வழிபட கூடுதல் நற்பலன்கள் நடைபெறும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 1.12.2024 முதல் 7.12.2024 வரை

1.12.2024 முதல் 7.12.2024 வரை

கவலைகள் அகலும் வாரம். ராசி அதிபதி சுக்ரனை குரு, செவ்வாய் பார்க்கிறார்கள். இந்த கிரகங்களின் கூட்டணி துலாம் ராசியினருக்கு மிகச் சாதமாக உள்ளது. உற்சாகமாக, ஆரோக்கியமாக இருப்பீர்கள். எதிர்மறை எண்ணங்கள் விலகும். கொடுத்த கடன்கள் வசூலாகும். சிலர் புதிய கூட்டுத் தொழில் துவங்கலாம் அல்லது பழைய தொழிலை விரிவாக்கம் செய்யலாம். புதிய தொழில் ஒப்பந்தங்கள் கிடைக்கும். பணியில் எதிர்பார்க்கும் உயர்வுகள், இடமாற்றம் ஏற்பட வாய்ப்புகள் உள்ளது. புதிய வேலை தேடுபவர்களுக்கு தகுதிக்கு ஏற்ற வேலை கிடைக்கும்.

மருமகனால் ஏற்பட்ட சங்கடங்கள் அகலும். வம்பு, வழக்குகள் சாதகமாகும். பெயர், புகழ் அந்தஸ்து உயரும். கவுரவப் பதவிகள், குலதெய்வ அனுகிரகம் கிடைக்கும். வியாபாரத்தில் நிலவிய மந்த நிலை நீங்கி நல்ல முன்னேற்றமான பலன்கள் ஏற்படும். வீடு மனை சம்பந்தப்பட்ட விஷயங்களில் இருந்து வந்த சுணக்க நிலை மாறும். பண வரவுகள் தாராளமாக இருந்தாலும் தவிர்க்க முடியாத விரயங்களை சந்திக்க நேரும். சேமிப்பு கரையும் பிறரின் பொறாமை குணத்தால் கண் திருஷ்டி உருவாகலாம். நரசிம்மரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 24.11.2024 முதல் 30.11.2024 வரை

24.11.2024 முதல் 30.11.2024 வரை

எண்ணங்கள் ஈடேறும் வாரம்.ராசி அதிபதி சுக்ரன் சகாய ஸ்தானத்தில் சஞ்சரிக்கிறார். ராசிக்கு செல்வாயின் 4-ம் பார்வை என துலாம் ராசிக்கு கிரகங்கள் மிகச் சாதகமாக உள்ளது. தடைக் கற்கள் படிக்கற்களாக மாறும் நண்பர்கள் மற்றும் குடும்ப உறவுகளுடன் நிலவிய கருத்து வேறுபாடு, கடும் விரோத நிலை மாறும். குலத் தொழில் வளர்ச்சி பல மடங்காகும். பணவரத்து திருப்தி தரும். நிதி நெருக்கடிகள் நீங்கும். சுபச்செலவுகளும் அதிகமாகும். திருமணம், குழந்தை பாக்கியம், வீடு, வாகன யோகம், சொத்து மதிப்பு உயர்தல், தொழில் முன்னேற்றம், புதிய வேலை வாய்ப்பு என்று எல்லாவிதமான நன்மைகளையும் அடைவீர்கள்.

மறு திருமணத்தால் ஏற்பட்ட மனச் சங்கடம் நீங்கும். பிள்ளைகளால் ஏற்பட்ட கவலைகள் அகலும். வாழ்வில் மறக்க முடியாத இனிய நிகழ்வுகள் நடைபெறும். மருத்துவமனைச் செலவு முற்றிலும் அகலும். வீட்டில் முடங்கி கிடந்தவர்கள் வெளியில் சென்று வரும் அளவிற்கு ஆரோக்கியத்தில் முன்னேற்றம் உண்டாகும். நல்ல நண்பர்கள் கிடைப்பார்கள். கடனாக கொடுத்த பணத்தை வசூலிக்க முயற்சிக்கலாம். ஜாமீன் கையெழுத்து போடக்கூடாது. ஆஞ்சநேயரை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிபலன் 17.11.2024 முதல் 23.11.2024 வரை

17.11.2024 முதல் 23.11.2024 வரை

புதிய முயற்சிகள் வெற்றி தரும் வாரம்.ராசி அதிபதி சுக்ரன் சகாய ஸ்தானத்தில் சஞ்சாரம் செய்கிறார். தன ஸ்தானத்தில் சூரியன், புதன் சேர்க்கை .புதுப்புது நல்ல விஷயங்கள் நடக்கும். புது தொழில் துவங்குவது, புது வேலைக்கு செல்வது, புது வீட்டிற்கு செல்வது இதுபோல நிறைய நல்ல மாற்றங்கள் ஏற்படும். உற்சாகமாக இருப்பீர்கள். இந்த வாரத்தை கடந்து போனதே தெரியாது. திருமணம் நடக்கும். குழந்தை பாக்கியம் கிடைக்கும். வீட்டில் சுப செலவு ஏற்படும்.கடன் தொல்லை, இழப்புகள், விரயங்கள் விலகும். தொல்லை கொடுத்து வந்த மேனேஜர் இட மாற்றம் ஆவார்.

காழ்புணர்ச்சியால், தவறான புரிதலால் பிரிந்த உடன் பிறப்பு உங்களை புரிந்து கொள்வார். பங்குச் சந்தை ஆதாயம் மகிழ்ச்சி தரும். அடமான நகைகள் மீண்டு வரும். அசையாச் சொத்துகளின் மதிப்பு உயர்வதால் மகிழ்ச்சி இரட்டிப்பாகும். காதல் திருமணம் கைகூடும். 18.11.2024 அன்று அதிகாலை 4.31 மணி வரை சந்திராஷ்டம் இருப்பதால் ஆரோக்கியத்தில் கவனம் செலுத்துங்கள். நல்லது கெட்டதை புரிந்து கொள்ள முடியாத மனநிலை இருக்கும். அனாவசிய முன்கோபம் வேண்டாம். தேய்பிறை அஷ்டமியில் காளியை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406

வார ராசிப்பலன் 10.11.2024 முதல் 16.11.2024 வரை

முயற்சிகள் நிறைவேறும் வாரம். ராசி அதிபதி சுக்ரன் 3, 6-ம் அதிபதி குருவுடன் பரிவர்த்தனை செய்வதால் 4,5-ம் அதிபதி சனி பகவான் வக்ர நிவர்த்தியாகிறார். வீரமும் விவேகமும் அதிகமாகும்.தவணை முறைத் திட்டத்தில் வீட்டு மனை அல்லது தோட்டம் வாங்குவீர்கள். இன்சூரன்ஸ் பாலிசி முதிர்வுத் தொகை கிடைக்கும். புதிய பாலிசி எடுப்பீர்கள். சிலர் புதிய நகைச் சீட்டு ஆரம்பிக்கலாம். தந்தைக்கு தொழில் முன்னேற்றம் உண்டு. உயர் ஆராய்ச்சி கல்வி படிப்பில் ஏற்பட்ட தடைகள் அகலும். பங்குச் சந்தை மூலம் உபரி வருமானம் கிடைக்கும். சனி சாதகமாக இருப்பதால் பங்குதாரர்கள் மற்றும் வேலையாட்கள் ஆதரவால் தொழிலில் ஏற்படும் நெருக்கடியை சமாளிக்க முடியும். பிள்ளைகளுக்கு பெற்றோர்களால் மன உளைச்சல் உண்டாகும். எனவே பெற்றோர்கள் தங்கள் பிரச்சனையை பிள்ளைகள் முன் விவாதிப்பதை தவிர்க்கவும்.

16.11.2024 அன்று காலை 3.16 மணிக்கு சந்திராஷ்டமம் ஆரம்பமாகிறது. பேச்சில் நிதானம் தேவை. எல்லோரையும் அனுசரித்துச் சென்றால் நிம்மதி நீடிக்கும். எந்த காரியத்திலும் ஒரு முறைக்கு பல முறை சிந்தித்து செயல்பட்டால் சாதகமான பலன் உண்டாகும். பவுர்ணமி அன்னாபிசேகத்திற்கு தேவையான பொருட்கள் வழங்கவும்.

`பிரசன்ன ஜோதிடர்' ஐ.ஆனந்தி, செல்: 98652 20406

வார ராசிபலன் 3.11.2024 முதல் 9.11.2024 வரை

3.11.2024 முதல் 9.11.2024 வரை

பணவரவு அதிகரிக்கும். ராசியில் நிற்கும் லாபாதிபதி சூரியனுக்கு தனாதிபதி செவ்வாயின் பார்வை. மனதிலிருந்த கவலைகள் மாறும். பல வருடங்களாக தீராத பிரச்சினைகள் முடிவுக்கு வரும். சுய ஜாதக ரீதியாக தன வரவில் நிலவிய தோஷங்கள் விலகும். பொன், பொருள் சேரும்.ரியல் எஸ்டேட் மற்றும் அரசாங்க ஊழியர்களின் வாழ்வாதாரம் உயரும் சனி வக்ர நிவர்த்தியானவுடன் அவரவரின் வயதிற்கு ஏற்ப நடைபெற வேண்டிய அனைத்து பாக்கிய பலன்களும் நடக்கும். நேரம் காலம் பார்க்காமல் அதிகம் உழைக்க நேரும்.

வேலை இழந்தவர்களுக்கு நல்ல வேலை கிடைக்கும். ஒப்பந்த அடிப்படையான புதிய தொழில் வாய்ப்புகள் தேடி வரும். பெற்றோர்கள், பெரியோர்கள் முன்னோர்களின் நல்லாசிகள் கிடைக்கும். அரசியல் எதிரிகளால் ஏற்பட்ட பிரச்சினைகள் தீரும். குடும்பம் நலனுக்காக உங்கள் செலவுகளை குறைத்துக் கொள்வீர்கள்.திருமண முறிவு ஏற்பட்டு பிரிந்து வாழும் கணவன், மனைவி சேர்ந்து வாழ்வர். மறுவிவாக முயற்சி பலிக்கும்.புத்திர பாக்கியம் சித்திக்கும்.புதிய சொத்துக்கள் வாங்கலாம். காளிகாம்பாளை வழிபடவும்.

`பிரசன்ன ஜோதிடர்'

ஐ.ஆனந்தி

செல்: 98652 20406