உலகம்
null

உளவு செயற்கைக்கோளை விண்ணில் செலுத்திய ஜப்பான்

Published On 2023-01-27 05:43 GMT   |   Update On 2023-01-27 08:58 GMT
  • செயற்கைக்கோள் விண்ணில் செலுத்தப்பட்ட 20 நிமிடங்களில் அதற்கான சுற்றுப்பாதையில் நிலைநிறுத்தப்பட்டது.
  • செயற்கைக்கோள், 'ஐஜிஎஸ்-5' செயற்கைக்கோளுக்கு மாற்றாக செலுத்தப்பட்டிருக்கிறது.

டோக்கியோ:

ஜப்பான் 'ஐ.ஜி.எஸ். 7' என்ற உளவு செயற்கைக்கோளை உருவாக்கியது. இந்த ரேடார் செயற்கைக்கோள், மின்காந்த கண்காணிப்பு அமைப்புடன் இரவிலும், கடுமையான வானிலை நிலவுகிற நேரங்களிலும் படங்களை பிடிக்கும் என்று கேபிடன் செயற்கைக்கோள் புலனாய்வு மையம் தெரிவித்தது. இந்த 'ஐ.ஜி.எஸ். 7 ' செயற்கைக்கோளை '46 எச்2ஏ' ராக்கெட் சுமந்து கொண்டு ககோஷிமா மாகாணத்தில் உள்ள விண்வெளி மையத்தில் இருந்து உள்ளூர் நேரப்படி 10.50 மணிக்கு விண்ணில் சீறிப்பாய்ந்தது. இந்த செயற்கைக்கோள் விண்ணில் செலுத்தப்பட்ட 20 நிமிடங்களில் அதற்கான சுற்றுப்பாதையில் நிலைநிறுத்தப்பட்டது.

இந்த செயற்கைக்கோள், 'ஐஜிஎஸ்-5' செயற்கைக்கோளுக்கு மாற்றாக செலுத்தப்பட்டிருக்கிறது. மோசமான வானிலை காரணமாக ஒரு நாள் தாமதமாக விண்ணில் செலுத்தப்பட்டிருப்பது குறிப்பிடத்தக்கது.

Tags:    

Similar News