எல்லா தர்பாரிலும் ரஜினிதான் தலைவர் - சச்சின் டெண்டுல்கர்

சென்னை:

நடிகர் ரஜினிகாந்த் இன்று (வியாழக்கிழமை) தனது 70-வது பிறந்தநாளை கொண்டாடினார். இதையொட்டி பல்வேறு அரசியல் தலைவர்களும் சினிமா நட்சத்திரங்களும் பிறந்தநாள் வாழ்த்துக்கள் தெரிவித்தனர். அவரது ரசிகர்களும் தமிழ்நாட்டின் பல்வேறு இடங்களிலும் பொதுமக்களுக்கு இனிப்பு வழங்கி கொண்டாடினர்.

இந்நிலையில், இந்திய கிரிக்கெட் அணியின் முன்னாள் ஜாம்பவனான சச்சின் டெண்டுல்கர் ரஜினிகாந்திற்கு தமிழில் பிறந்தநாள் வாழ்த்துக்கள் தெரிவித்துள்ளார்.

இது குறித்து சச்சின் தனது டுவிட்டர் பக்கத்தில், ‘பிறந்த நாள் வாழ்த்துக்கள் ரஜினி சார், திரையில் உங்களது ஸ்டைலும், நிஜ வாழ்வில் உங்களது பணிவும் உங்களை எல்லா தர்பாரிலும் தலைவர் ஆக்குகிறது’, என பதிவிட்டுள்ளார்.

ரஜினிகாந்த் நடித்துள்ள தர்பார் திரைப்படம் அடுத்த ஆண்டு பொங்கலுக்கு திரைக்கு வரவுள்ளது குறிப்பிடத்தக்கது.