வெஸ்ட் இண்டீஸ்க்கு எதிரான ஒரு நாள் தொடர்: மயங்க் அகர்வால் அணியில் சேர்ப்பு

வெஸ்ட் இண்டீஸ் கிரிக்கெட் அணி இந்தியாவில் சுற்றுப் பயணம் செய்து 3 டி20 போட்டிகள் மற்றும் 3 ஒரு நாள் போட்டி தொடரில் பங்கேற்கிறது. இதில், டி20 போட்டிகள் முதலில் நடந்தன. இதில் இந்தியா 2-1 என தொடரை கைப்பற்றியது.

இதனைத் தொடர்ந்து இரு அணிகளுக்கு இடையே 3 ஒரு நாள் போட்டிகள் நடைபெற உள்ளன.  முதல் ஒரு நாள் போட்டி சென்னையில் வருகிற 15-ந்தேதி நடைபெற உள்ளது.  இதனைத் தொடர்ந்து, வருகிற 18-ந்தேதி 2-வது போட்டியும், 22-ந்தேதி 3-வது போட்டியும் நடைபெறும்.

இந்த போட்டி தொடரில் இந்திய அணியில் தொடக்க ஆட்டக்காரரான ஷிகர் தவான் காயத்தினால் விளையாடவில்லை.  அவருக்கு பதிலாக அணியில் மயங்க் அகர்வால் சேர்க்கப்பட்டு உள்ளார். மயங்க் அகர்வால் டெஸ்ட் அணியில் தொடக்க வீரராக களம் இறங்கி விளையாடி வருகிறார் என்பது குறிப்பிடத்தக்கது.