இம்ரான்கான் பதவி விலகியதை கொண்டாடிய அமெரிக்க அதிபர் ஜோ பைடன்?

பாகிஸ்தானில் அந்நாட்டு முன்னாள் பிரதமர் இம்ரான் கான் பெரும்பான்மையை இழந்து பதவியில் இருந்து விலகியுள்ளார். அவரை தொடர்ந்து ஷெபாஸ் ஷரிப் புதிய பிரதமராக தேர்ந்தெடுக்கப்பட்டுள்ளார்.

இந்த நிகழ்வை அமெரிக்க அதிபர் ஜோபைடன் டிவியில் பார்த்துகொண்டாடுவது போல இணையத்தில் வீடியோ வைரலாகி வருகிறது. அந்த வீடியோவில் ஜோ பைடனுடன் கருப்பின பெண்மணி ஒருவரும் இருக்கிறார்.

இந்நிலையில் அந்த வீடியோவில் பகிரப்படும் தகவல் உண்மையில்லை என தெரியவந்துள்ளது.

இந்த வீடியோவில் இருக்கும் காட்சி, அமெரிக்காவின் உச்சநீதிமன்றத்தில் கருப்பின பெண்மணி ஒருவர் முதல்முறையாக நீதிபதியாக தேர்ந்தெடுக்கப்பட்டபோது எடுத்தது. வீடியோவில் ஜோ பைடனுடன் இருப்பது தேர்ந்தெடுக்கப்பட்ட முதல் கருப்பின பெண் நீதிபதி கென்டஜி பிரவுன் ஜாக்சன் ஆவார். இதை இருவரும் கொண்டாடுகின்றனர். 

இந்த வீடியோ எடிட் செய்யப்பட்டு இம்ரான்கான் அரசு கவிழ்ந்ததை ஜோ பைடன் கொண்டாடுவது போல காட்டப்பட்டுள்ளது என தெரிவிக்கப்பட்டுள்ளது.