செய்திகள்
மூலனூர் விற்பனைக்கூடத்தில் ரூ.77 லட்சத்துக்கு பருத்தி விற்பனை
திருச்சி, திண்டுக்கல், கரூர், ஈரோடு, திருப்பூர் உள்ளிட்ட மாவட்டங்களில் இருந்து 78 விவசாயிகள் 317 பருத்தி மூட்டைகளை விற்பனைக்கு கொண்டு வந்திருந்தனர்.
மூலனூர்:
வெள்ளக்கோவிலை அடுத்த மூலனூர் ஒழுங்குமுறை விற்பனைக் கூடத்தில் ரூ.77 லட்சத்துக்கு பருத்தி விற்பனை நடைபெற்றது. திருச்சி, திண்டுக்கல், கரூர், ஈரோடு, திருப்பூர் உள்ளிட்ட மாவட்டங்களில் இருந்து 78 விவசாயிகள் 317 பருத்தி மூட்டைகளை விற்பனைக்கு கொண்டு வந்திருந்தனர்.
மொத்த வரத்து 109 குவிண்டால். திருப்பூர், ஈரோடு, சேலம், கோவை ஆகிய மாவட்டங்களை சேர்ந்த 8 வணிகர்கள் இவற்றை கொள்முதல் செய்ய வந்திருந்தனர். விலை குவிண்டால் ரூ.6,150 முதல் ரூ.8,828 வரை விற்பனையானது.
சராசரி விலை ரூ.7,350. மொத்தம் ரூ.77 லட்சத்துக்கு விற்பனை நடைபெற்றது. ஏல ஏற்பாடுகளை திருப்பூர் விற்பனைக்குழு முதுநிலை செயலாளர் பாலச்சந்திரன், விற்பனைக்கூட கண்காணிப்பாளர் சிவகுமார் ஆகியோர் செய்திருந்தனர்.