பச்சை மண்டலத்திற்கு மாறும் ஈரோடு மாவட்டம்

ஈரோடு:

ஈரோடு மாவட்டத்தில் கடந்த 20 நாட்களுக்கும் மேலாக புதிதாக கொரோனா தொற்று இல்லை.

ஏப்ரல் 14-ந்தேதிக்கு பின்னர் யாருக்கும் கொரோனா தொற்று உறுதியாகவில்லை. எனவே ஆரஞ்சு மண்டலம் இன்று (செவ்வாய்க்கிழமை) நிறைவடைகிறது. நாளையில் இருந்து ஈரோடு பச்சை மண்டலத்திற்கு மாறும் என எதிர்பார்க்கப்படுகிறது. இது குறித்து ஈரோடு மாவட்ட போலீஸ் சூப்பிரண்டு சக்தி கணேசன் கூறியதாவது:-

இன்று ( செவ்வாய்க்கிழமை) கடந்து விட்டால் ஈரோடு பசுமை மண்டலமாக மாறும் வாய்ப்பு உள்ளது. இது தொடர்பாக தமிழக அரசு அறிவிக்க உள்ளது. தற்போது அத்தியாவசிய தேவைக்கான கடைகள் மற்றும் போக்குவரத்து அரசு உத்தரவின் அடிப்படையில் இயங்க அனுமதிக்கப்பட்டு உள்ளது.

இவ்வாறு அவர் கூறினார்.