கதாநாயகி கிடைக்காமல் தவிக்கும் நடிகர்

முன்னாள் நடிகரும் தற்போது அரசியல் கட்சி தலைவருமானவரின் மகன், தற்போது படங்களில் கதாநாயகனாக நடித்து வருகிறாராம். இவர் நடித்த இரண்டு படங்களும் எதிர்பார்த்த அளவிற்கு ஓட வில்லையாம். தற்போது புதிய படத்தில் கதாநாயகனாக நடித்து வருகிறாராம்.

ஆனால், இன்னும் கதாநாயகி கிடைக்க வில்லையாம். காரணமாக கேட்டால், நடிகர் மிகவும் உயரமாகவும், வாட்ட சாட்டமாகவும் இருப்பதால், சரியான ஜோடி கிடைக்க மாட்டுகிறதாம். பிற மாநில நடிகைகளும் நடிகருக்கு ஏற்றவாறு அமையவில்லையாம். இதனால் நடிகையை ஜல்லடை போட்டு தேடி வருகிறாராம்.