சினிமா செய்திகள்

இளையராஜா

மீனாட்சி அம்மன் கோவிலில் இளையராஜா வழிபாடு

Update: 2022-06-25 11:59 GMT
  • இசையமைப்பாளர் இளையராஜாவின் 80-வது பிறந்த நாள் சமீபத்தில் நிறைவடைந்தது.
  • சென்னை மற்றும் கோவையில் நடைபெற்ற இவரது இசை நிகழ்ச்சிகள் ரசிகர்களிடையே நல்ல வரவேற்பை பெற்றது.

தமிழில் முன்னணி இசையமைப்பாளரான இளையராஜாவின் 80-வது பிறந்த நாள் சமீபத்தில் நிறைவடைந்தது. இதனை அடுத்து அவரது இசை நிகழ்ச்சிகள் சென்னை மற்றும் கோவையில் நடைபெற்றது. இந்த இரண்டு நிகழ்ச்சிகளுக்கும் ரசிகர்கள் மத்தியில் நல்ல வரவேற்பை பெற்றது.

இதனை தொடர்ந்து நாளை மதுரை ஒத்தக்கடை பள்ளிக்கூட வளாகத்தில், 'இசை என்றால் இளையராஜா' கலை நிகழ்ச்சி நடைபெறுகிறது. இதற்காக இளையராஜா மதுரைக்கு வந்துள்ளார். இந்த நிலையில் அவர் இன்று காலை மீனாட்சி அம்மன் கோவிலில் வழிபாடு செய்தார்.


இளையராஜா

தெற்கு கோபுர வாசல் வழியாக கோவிலுக்குள் சென்ற இளையராஜா பக்தர்களோடு பக்தராக நின்று சுவாமி மற்றும் அம்மன் சன்னதி, கால பைரவர் சன்னதி என மொத்தமாக 45 நிமிடங்கள் கோவிலில் வழிபாடு செய்தார். மேலும் தமிழ் வருட பிறப்பு, ஆங்கில வருடப்பிறப்பு, பௌர்ணமி உள்ளிட்ட முக்கிய நாட்களில் இளையராஜா மீனாட்சியம்மன் கோவிலில் வழிபாடு செய்வது குறிப்பிடத்தக்கது.

Tags:    

Similar News