சினிமா படமாகிறது நடிகை ஜமுனா வாழ்க்கை.. இந்த பிரபலம் தான் கதாநாயகியா..?
- நடிகை ஜமுனா சமீபத்தில் உடல்நலக் குறைவால் காலமானார்.
- இவரின் வாழ்க்கை திரைப்படமாக உருவாகவுள்ளதாக கூறப்படுகிறது.
தமிழ், தெலுங்கு, கன்னடம் என பல மொழிகளில் முன்னணி நடிகர்களுடன் நடித்து பிரபலமடைந்தவர் நடிகை ஜமுனா. சிவாஜி, ஜெய்சங்கர் உள்ளிட்ட நடிகர்களுக்கு ஜோடியாகவும், தூங்காதே தம்பி தூங்காதே படத்தில் நடிகர் கமலுக்கு தாயாகவும் நடித்துள்ளார்.
ஜமுனா
மிஸ்ஸியம்மா, தெனாலிராமன், தங்கமலை ரகசியம் போன்ற பல தமிழ் படங்களில் நடித்து மிகவும் பிரபலமடைந்த ஜமுனா, தங்கமலை ரகசியம் படத்தில் சிவாஜிக்கு ஜோடியாக நடித்திருந்தார். இவருக்கு 1999-ல் தமிழக அரசின் எம்ஜிஆர் விருது வழங்கப்பட்டது. நடிகை ஜமுனா 1980ம் ஆண்டு தேர்தலில் ஆந்திராவின் ராஜமுந்திரி தொகுதியில் இருந்து மக்களவைக்கு தேர்வானவர். பின் 1990-களில் பாரதிய ஜனதா கட்சியில் இணைந்து பிரச்சாரத்தில் ஈடுபட்டார்.
தமன்னா
சமீபத்தில் இவர் உடல்நலக் குறைவால் காலமானார். இந்நிலையில், ஜமுனாவின் வாழ்க்கையை திரைப்படமாக எடுக்க முயற்சிகள் நடந்து வருவதாக தகவல் வெளியாகி உள்ளது. ஜமுனா உயிரோடு இருந்தபோதே திரைக்கதை முழுவதும் எழுதி முடிக்கப்பட்டு விட்டதாகவும் ஜமுனா கதாபாத்திரத்தில் தமன்னாவை நடிக்க வைக்க படக்குழுவினர் பேசி வருவதாகவும் சினிமா வட்டாரங்கள் தெரிவிக்கின்றன.