null
இசைப்புயலின் மாயாஜாலம்! கவனம் ஈர்க்கும் கோப்ரா பாடல்
- அஜய் ஞானமுத்து இயக்கத்தில் விக்ரம் நடித்துள்ள படம் 'கோப்ரா'.
- இந்த படத்தில் விக்ரம் ஜோடியாக ஸ்ரீநிதி ஷெட்டி நடித்துள்ளார்.
டிமாண்டி காலனி', 'இமைக்கா நொடிகள்' படங்களின் வெற்றியைத் தொடர்ந்து அஜய் ஞானமுத்து இயக்கியுள்ள படம் 'கோப்ரா'. விக்ரம் கதாநாயகனாக நடித்திருக்கும் இப்படத்தில் இவருக்கு ஜோடியாக ஸ்ரீநிதி ஷெட்டி நடித்துள்ளார். மேலும், கே.எஸ்.ரவிகுமார், இந்திய கிரிக்கெட் அணியின் முன்னாள் வீரர் இர்ஃபான் பதான், மியா ஜார்ஜ், கனிகா, மிருணாளினி, ஜான் விஜய் ஆகியோர் முக்கிய கதாபாத்திரத்தில் நடித்திருக்கின்றனர்.
லலித் குமார் தயாரித்துள்ள இப்படத்திற்கு ஏ.ஆர்.ரஹ்மான் இசையமைத்துள்ளார். சமீபத்தில் இப்படத்தின் போஸ்டர்கள், சிங்கிள் பாடல்கள் வெளியாகி ரசிகர்களிடையே நல்ல வரவேற்பை பெற்றது. படத்தின் இறுதிகட்ட பணிகள் நடந்து வரும் நிலையில் 'கோப்ரா' திரைப்படம் வருகிற ஆகஸ்ட் 11-ம் தேதி திரையரங்குகளில் வெளியாகவுள்ளது.
கோப்ரா' படத்தின் யுகே மற்றும் ஐரோப்பா தியேட்டர் ரிலீஸ் உரிமத்தை வலிமை, பீஸ்ட், விக்ரம் போன்ற படங்களை ரிலீஸ் செய்த அகிம்சா எண்டர்டெயின்மெண்ட் நிறுவனம் பெற்றுள்ளது. உதயநிதி ஸ்டாலினின் ரெட் ஜெயன்ட் மூவீஸ் நிறுவனம் இப்படத்தை வெளியிடுகிறது.
இந்நிலையில், கோப்ரா படத்தின் இசை வெளியீட்டு விழா நேற்று முன்தினம் நடைபெற்றது. இப்படத்தின் இடம்பெற்றுள்ள 'தரங்கிணி' என்ற பாடலையும், கோப்ரா படத்தின் அனைத்து பாடல் தொகுப்புகளையும் படக்குழு வெளியிட்டுள்ளது. இசைப்புயலின் மாயாஜாலம்! என்று குறிப்பிட்டு சமூக வலைத்தளத்தில் படக்குழு பதிவிட்டுள்ளது. இந்த பாடல்கள் தற்போது ரசிகர்கள் மத்தியில் வைரலாகி வருகிறது.
#Isaipuyal magical! ❤️#Tharangini ➡️ https://t.co/YJJZoYMjKs#CobraJukeBox ➡️ https://t.co/yHQ8XYWiWc#ChiyaanVikram @arrahman @AjayGnanamuthu @7screenstudio @RedGiantMovies_ @Udhaystalin @IrfanPathan @SrinidhiShetty7 @mirnaliniravi @SonyMusicSouth#CobraFromAugust11 pic.twitter.com/6Z5aWB1JDN
— Seven Screen Studio (@7screenstudio) July 12, 2022