நடிகர் சோனு சூட்டுக்கு கொரோனா தொற்று உறுதி

கொரோனா தொற்றின் 2-வது அலை இந்தியா முழுவதும் வேகமாக பரவி வருகிறது. கொரோனா தொற்றால் மும்பையில் வசித்து வரும் பல பாலிவுட் பிரபலங்களும் பாதிக்கப்பட்டுள்ளனர். ஏற்கனவே ஆலியா பட், அமீர் கான், கோவிந்தா, அக்‌ஷய் குமார், கேத்ரீனா கைஃப் உள்ளிட்ட பிரபலங்கள் கடந்த வாரங்களில் கொரோனா தொற்றால் பாதிக்கப்பட்டு சிகிச்சையில் உள்ளனர். இந்த வரிசையில் தற்போது சோனு சூட்டுக்கும் கொரோனா தொற்று உறுதியாகியுள்ளது.

இது குறித்து அவர் டுவிட்டரில் பதிவிட்டுள்ளதாவது: “கொரோனா தொற்று உறுதி. மனநிலை அதை விட உறுதியாக இருக்கிறது. அனைவருக்கும் வணக்கம், இன்று காலை எனக்குக் கொரோனா தொற்று இருப்பது உறுதியாகியுள்ளது. முன்னெச்சரிக்கை நடவடிக்கையாக நான் என்னைத் தனிமைபடுத்திக் கொண்டேன். 

அதிக அக்கறையோடு இருக்கிறேன். ஆனால் கவலை வேண்டாம். உங்கள் பிரச்சினைகளைத் தீர்க்க இது எனக்கு அதிக நேரத்தைத் தந்திருக்கிறது. நான் உங்களுக்காக எப்போதும் இருப்பேன் என்பதை மறக்காதீர்கள்” என பதிவிட்டுள்ளார்.