சினிமா
விஜய் சேதுபதி

விவேக் உடலுக்கு நடிகர் விஜய் சேதுபதி நேரில் அஞ்சலி

Published On 2021-04-17 09:16 GMT   |   Update On 2021-04-17 09:20 GMT
தமிழ் திரையுலகில் முன்னணி நடிகராக வலம்வரும் விஜய் சேதுபதி, நடிகர் விவேக்கின் உடலுக்கு நேரில் அஞ்சலி செலுத்தி உள்ளார்.
தமிழ் சினிமாவில் முன்னணி நகைச்சுவை நடிகராக வலம் வந்தவர் விவேக். இவருக்கு நேற்று திடீரென மாரடைப்பு ஏற்பட்டது. இதையடுத்து சென்னை வடபழனியில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வந்த நடிகர் விவேக், இன்று காலை சிகிச்சை பலனின்றி உயிரிழந்தார்.

அவரது மறைவிற்கு ரசிகர்கள், திரை பிரபலங்கள் உள்ளிட்ட பலர் நேரில் அஞ்சலி செலுத்தி வருகின்றனர். அந்த வகையில் தற்போது நடிகர் விஜய் சேதுபதி, விவேக்கின் உடலுக்கு அஞ்சலி செலுத்தி உள்ளார். அப்போது அவர் விவேக்கின் குடும்பத்தினருக்கும் ஆறுதல் தெரிவித்தார்.



நடிகர் விஜய் சேதுபதி, விவேக்குடன் ‘யாதும் ஊரே யாவரும் கேளிர்’ என்ற படத்தில் நடித்துள்ளார். அவர்கள் இருவரும் இணைந்து நடித்த முதல் படமும் இதுதான். இப்படம் இன்னும் ரிலீசாகவில்லை என்பது குறிப்பிடத்தக்கது.
Tags:    

Similar News