சினிமா
லிங்குசாமி

லிங்குசாமியின் அடுத்த படம் இவருடன் தான் - அதிகாரப்பூர்வ அறிவிப்பு வெளியானது

Published On 2021-02-18 07:48 GMT   |   Update On 2021-02-18 07:48 GMT
பிரபல திரைப்பட இயக்குனரான லிங்குசாமி அடுத்ததாக இயக்கும் படம் குறித்த அதிகாரப்பூர்வ அறிவிப்பு வெளியாகி உள்ளது.
ஆனந்தம் படம் மூலம் இயக்குனராக அறிமுகமானவர் லிங்குசாமி. இதையடுத்து ரன், பையா, சண்டக்கோழி என பல்வேறு ஹிட் படங்களை கொடுத்த லிங்குசாமி தற்போது தெலுங்கில் இயக்குனராக அறிமுகமாக உள்ளார். பிரபல தெலுங்கு நடிகர் ராம் பொத்தினேனி நடிக்கும் படத்தை அவர் இயக்க உள்ளார். இப்படம் ஒரே நேரத்தில் தமிழ், தெலுங்கு ஆகிய இரு மொழிகளில் உருவாக உள்ளது. 



லிங்குசாமியின் ரன், சண்டக்கோழி ஆகிய படங்கள் தெலுங்கில் டப்பிங் செய்து வெளியிட்டபோது நல்ல வரவேற்பை பெற்றன. அதனால் தற்போது அவருக்கு நேரடி தெலுங்கு படத்தை இயக்கும் வாய்ப்பு கிடைத்துள்ளது. சில வருடங்களுக்கு முன்பு லிங்குசாமியும், அல்லு அர்ஜுனும் இணைய உள்ளதாக அறிவிக்கப்பட்ட ஒரு படம் அறிவிப்புடன் நின்று போனது குறிப்பிடத்தக்கது.
Tags:    

Similar News