சினிமா
மலையாளம் பிக்பாஸ் லோகோ

பிக்பாஸ் நிகழ்ச்சியின் புது சீசன்... காதலர் தினத்தன்று ஆரம்பமாகிறது

Published On 2021-02-10 02:59 GMT   |   Update On 2021-02-10 02:59 GMT
தொலைக்காட்சிகளில் மிகவும் பிரபலமான நிகழ்ச்சி பிக்பாஸ், தற்போது அந்நிகழ்ச்சியின் புது சீசன் வருகிற பிப்.14-ந் தேதி தொடங்க உள்ளது.
தொலைக்காட்சிகளில் தமிழ், இந்தி, தெலுங்கு, மலையாளம் உள்ளிட்ட மொழிகளில் பிக்பாஸ் நிகழ்ச்சிகள் ஒளிபரப்பாகின்றன. இதுவரை தமிழ், தெலுங்கில் 4 சீசன்கள் முடிந்து உள்ளன. இவற்றை முறையே கமல்ஹாசன், நாகார்ஜுனா தொகுத்து வழங்கினார்கள். இந்தி பிக்பாஸ் நிகழ்ச்சி, இதுவரை 13 சீசன்கள் முடிந்து தற்போது 14-வது சீசன் நடந்து வருகிறது . இதனை பிரபல பாலிவுட் நடிகர் சல்மான்கான் தொகுத்து வழங்குகிறார். 

அதேபோல் மலையாளத்திலும் பிக்பாஸ் நிகழ்ச்சி இதுவரை இரண்டு சீசன்கள் முடிந்துள்ளன. கொரோனா பரவல் காரணமாக கடந்தாண்டு மலையாளத்தில் பிக்பாஸ் நிகழ்ச்சி நடத்தப்படவில்லை. 



இந்நிலையில், 3-வது சீசன் தொடங்குவதற்கான பணிகள் நடைபெற்று வருகின்றன. கடந்த 2 சீசன்களை தொகுத்து வழங்கிய மோகன்லால் தான் இந்த சீசனையும் தொகுத்து வழங்க உள்ளார். மலையாள பிக்பாஸ் நிகழ்ச்சியின் 3-வது சீசன் வருகிற பிப்.14-ந் தேதி காதலர் தினத்தன்று தொடங்க உள்ளது குறிப்பிடத்தக்கது.
Tags:    

Similar News