சினிமா
விஜய் சேதுபதி

விஜய் சேதுபதியை பாராட்டிய உச்ச நடிகர்

Published On 2021-02-08 14:27 GMT   |   Update On 2021-02-08 14:27 GMT
தமிழ் சினிமாவில் முன்னணி நடிகராக இருக்கும் விஜய் சேதுபதியை தெலுங்கில் உச்ச நடிகராக இருப்பவர் பாராட்டி இருக்கிறார்.
தமிழ் சினிமாவில் முன்னணி நடிகராக வலம் வருபவர் விஜய் சேதுபதி. இவர் விஜய்யுடன் நடித்து வெளியான மாஸ்டர் திரைப்படம் சமீபத்தில் வெளியாகி ரசிகர்களிடையே நல்ல வரவேற்பு பெற்று வருகிறது. லோகேஷ் கனகராஜ் இயக்கிய இப்படத்தின் அனிருத் இசையமைத்திருந்தார். 

’மாஸ்டர்’ படத்தில் பவானி என்ற கதாபாத்திரத்தில் வில்லனாக நடித்திருந்தார் விஜய் சேதுபதி. அவரின் கதாபாத்திரத்தை பிரபலங்களும் ரசிகர்களும் வெகுவாக பாராட்டி வருகின்றனர். அந்த வகையில் தற்போது தெலுங்கில் உச்ச நடிகராக இருக்கும் சிரஞ்சீவி, விஜய் சேதுபதியை பாராட்டியுள்ளார்.



ஐதராபாத்தில் நடந்த நிகழ்ச்சியில் சிரஞ்சீவியும், விஜய் சேதுபதியும் கலந்துக் கொண்டனர். அதில் பேசிய சிரஞ்சீவி, விஜய் சேதுபதி சிறந்த மனிதர் எனவும், கதாபாத்திரங்களின் வலிமையையும், தன்மையும் உணர்ந்து நடிப்பவர் எனவும் பாராட்டினார். இதற்கு முன்பு இவர்கள் இருவரும் இணைந்து சைரா நரசிம்ம ரெட்டி படத்தில் நடித்திருந்தது குறிப்பிடத்தக்கது.
Tags:    

Similar News