சினிமா
ஏ.ஆர்.முருகதாஸ்

அடுத்தது ஜூனியர் என்.டி.ஆர் படமா? - ஏ.ஆர்.முருகதாஸ் விளக்கம்

Published On 2019-12-31 07:13 GMT   |   Update On 2019-12-31 07:13 GMT
தர்பார் படத்தை தொடர்ந்து ஜூனியர் என்.டி.ஆர். நடிக்கும் படத்தை ஏ.ஆர்.முருகதாஸ் இயக்க உள்ளதாக தகவல் பரவி வந்த நிலையில், அவர் அதுகுறித்து விளக்கம் அளித்துள்ளார்.
ஏ.ஆர்.முருகதாஸ் இயக்கத்தில் ரஜினி, நயன்தாரா, நிவேதா தாமஸ், சுனில் ஷெட்டி நடித்துள்ள படம் தர்பார். தமிழ், தெலுங்கு, இந்தி என மூன்று மொழிகளில் தயாராகியுள்ள இந்த படம் மும்பையை பின்னணியாகக் கொண்ட போலீஸ் தாதா கதையில் உருவாகியிருக்கிறது. 

ரஜினி நீண்ட இடைவெளிக்குப் பின் காவல்துறை அதிகாரியாக நடித்துள்ளார். இப்படம் வருகிற ஜனவரி 9-ந்தேதி திரைக்கு வருகிறது. இதனிடையே இயக்குனர் ஏ.ஆர்.முருகதாஸ் அடுத்ததாக ஜூனியர் என்.டி.ஆரின் படத்தை இயக்க உள்ளதாக தகவல் வெளியாகியது. 



இந்நிலையில், இயக்குனர் ஏ.ஆர்.முருகதாஸ் அதுகுறித்து விளக்கம் அளித்துள்ளார். ஜூனியர் என்.டி.ஆரின் படத்தை தான் இயக்க இருப்பதாக பரவி வரும் செய்தி உண்மையல்ல. நான் அவரை சந்தித்து கதை கூறவும் இல்லை என தெரிவித்துள்ளார். ஏ.ஆர்.முருகதாஸ் ஏற்கனவே தெலுங்கில் மகேஷ் பாபு நடித்த ஸ்பைடர் படத்தை இயக்கி இருந்தார் என்பது குறிப்பிடத்தக்கது.
Tags:    

Similar News