சினிமா
பிகில் ரிலீஸ் அப்டேட் - அதிகாரப்பூர்வ அறிவிப்பு
அட்லீ இயக்கத்தில் விஜய் நடிப்பில் உருவாகி வரும் 'பிகில்' படத்தின் ரிலீஸ் பற்றிய அறிவிப்பை தயாரிப்பாளர் அர்ச்சனா அதிகாரபூர்வமாக கூறியுள்ளார்.
அட்லீ இயக்கத்தில் விஜய் நடிப்பில் உருவாகி வரும் படம் ‘பிகில்’. நயன்தாரா, கதிர், இந்துஜா, விவேக், ஜாக்கி ஷெராப் உள்ளிட்டோரும் நடிக்கிறார்கள். ஏ.ஆர்.ரகுமான் இசையமைத்து வரும் இப்படத்தை ஏஜிஎஸ் நிறுவனம் தயாரித்து வருகிறது.
இப்படத்தின் படப்பிடிப்புகள் முடிந்து தற்போது பின்னணி வேலைகள் மும்முரமாக நடைபெற்று வருகிறது. இப்படத்தின் படப்பிடிப்பு தொடங்கும் முன்பே தீபாவளி தினத்தில் வெளியாகும் என்று அறிவிக்கப்பட்டது. தற்போது தீபாவளி அன்று விஜய் சேதுபதியின் ‘சங்கத்தமிழன்’, கார்த்தியின் ‘கைதி’ படங்கள் வெளியாவது உறுதியானதால், பிகில் ரிலீஸ் தள்ளிப்போகும் என்று கூறப்பட்டது.
The wait is over and let the games begin Our Thalapathy’s #Bigil produced by Kalpathi S Aghoram will hit screens worldwide this Deepavali @Atlee_dir @actorvijay #Nayanthara @arrahman @Ags_production 🙏🙏🙏 pic.twitter.com/awYe5FAAdo
— Archana Kalpathi (@archanakalpathi) August 28, 2019
இந்நிலையில், படத்தின் தயாரிப்பாளர் அர்ச்சனா தீபாவளி தினத்தில் ‘பிகில்’ திரைப்படம் கண்டிப்பாக வெளியாகும் என்று அதிகாரப்பூர்வமாக அறிவித்திருக்கிறார். மேலும் புதிய போஸ்டர் ஒன்றையும் வெளியிட்டுள்ளார்.