பிரபல இயக்குனர் படத்தில் நடிக்கும் எஸ்.ஜே.சூர்யா

இயக்குனராக புகழ் பெற்ற எஸ்.ஜே.சூர்யா தற்போது நடிகராக பல படங்களில் நடித்து வருகிறார். இவர் நடிப்பில் வெளியான ‘இறைவி’, ‘மான்ஸ்டர்’ ஆகிய படங்கள் ரசிகர்களிடையே நல்ல வரவேற்பு பெற்றது. தற்போது ராதா மோகன் இயக்கத்தில் எஸ்.ஜே.சூர்யா நடிக்க இருப்பதாக செய்திகள் வெளியாகியுள்ளது.

இயக்குனர் ராதா மோகன் இதற்குமுன் ‘அழகியே தீயே, மொழி, அபியும் நானும், பயணம், காற்றின் மொழி’ உள்ளிட்ட பல வெற்றி படங்களை இயக்கியுள்ளார். 

எஸ்.ஜே.சூர்யா- ராதா மோகன் இணையும் இந்த புதிய படத்தை எஸ்.ஜே.சூர்யாவே தயாரிக்க இருக்கிறார். இப்படத்தின் முன்னணி வேலைகள் தற்போது விறுவிறுப்பாக நடைபெற்று வருகிறது. விரைவில் இப்படத்தின் அதிகாரப்பூர்வ அறிவிப்பு வெளியாகும் என்று எதிர்ப்பார்க்கப்படுகிறது.