நாயை தேவதையாக வர்ணித்த தனுஷ் பட நடிகை

கே.வி.ஆனந்த் இயக்கத்தில் தனுஷ் நடித்த அனேகன் படம் மூலம் தமிழ் சினிமாவில் அறிமுகமானவர் அமைரா தஸ்தூர். மறுஜென்ம காதல் கதையாக உருவான இப்படத்தில் வெவ்வேறு ஜென்மங்களில் தனுசுடன் இணையும் காதலியாக நடித்தார். ஆனால் ஒரு படத்தோடு பாலிவுட்டுக்கு சென்றுவிட்டார். 

சமீபத்தில் வீட்டில் தான் வளர்க்கும் நாய் ஒன்றை கட்டிப்பிடித்து தரையில் படுத்திருக்கும் புகைப்படத்தை சமூக வலைதளத்தில் வெளியிட்டிருந்தார். அதில், ‘ஒவ்வொருவரும் தேவதைக்கு இறக்கைகள் இருப்பதாக எண்ணுகிறார்கள். அதிர்ஷ்டசாலியான என்னை போன்றவர்களுக்குத்தான் அத்தகைய தேவதைகளுக்கு மயிர்க் கால்களும், 4 பாதங்களுமே இருக்கிறது என்பது தெரியும்’ என தனது நாயை தேவதையாக வர்ணித்திருக்கிறார்.