இன்றைய ராசி பலன்கள்
முன்னேற்றப் பாதையில் அடியெடுத்து வைக்கும் நாள். பாகப்பிரிவினைக்காக எடுத்த முயற்சிக்கு இடையூறாக இருந்தவர்கள் விலகுவர். நண்பர்கள் நல்ல தகவலைக் கொண்டு வந்து சேர்ப்பர்.
வார பலன்கள்
18-9-2020 முதல் 24-9-2020 வரை
உத்தியோகத்தில் இருப்பவர்களுக்கு, எதிர்பார்த்துக் காத்திருந்த இடமாற்றம், பதவி உயர்வு கிடைப்பதில் தாமதம் உருவாகலாம். சொந்தத் தொழில் செய்பவர்களுக்கு, புதிய தொழில் ஒன்றை தொடங்கும் எண்ணம் உருவாகும். பயணங் களால் ஓரளவு ஆதாயம் உண்டு. தம்பதிகளுக்குள் சிறிது மனக்கசப்பு ஏற்பட்டு மறையும். இந்த வாரம் திங்கட்கிழமை சிவன் கோவிலுக்குச் சென்று, வில்வ இலையால் ஈசனை வழிபடுங்கள்.
தமிழ் மாத ஜோதிடம்
17.9.2020 - 16.10.2020
சார்வரி வருடப் புரட்டாசி மாதக் கிரக நிலைகளை பார்க்கும் பொழுது, மாதத் தொடக்கத்தில் உங்கள் ராசிநாதன் செவ்வாய் மேஷ ராசியில் சொந்த வீட்டில் சஞ்சரிக்கின்றார். தனாதிபதி குரு தன ஸ்தானத்திலும், லாபாதிபதி புதன் லாப ஸ்தானத்திலும் இருப்பதால் பொருளாதார நிலை மிகச்சிறப்பாக உள்ளது.
2-ம் இடத்தில் சனி இருப்பதால் சொல்லும் சொற்கள் எல்லாம் வெல்லும் சொற்களாக மாறும். ஜென்மத்தில் கேதுவும், 7-ல் ராகுவும் சஞ்சரிக்கின்றார்கள். எனவே ஆன்மிகத்தில் நாட்டம் அதிகரிக்கும். 7-ல் கேது இருப்பதால் வாழ்க்கைத் துணைக்கு உத்தியோகம் கிடைத்து, அதன் மூலம் வருமானம் வரலாம்.
செவ்வாய் மேஷத்தில் வலிமை பெற்றிருப்பதால் அதிகாரப் பதவியில் உள்ளவர்களின் நட்பு கிடைக்கும். கவுரவப் பதவிகள் தேடிவரும். செவ்வாயை குரு பார்ப்பதன் மூலம் ‘குரு மங்கள யோகம்’ உருவாகிறது. எனவே கல்யாண முயற்சிகள் கைகூடும். புத ஆதித்ய யோகம், குருசந்திர யோகம் போன்ற யோகங்களும் ஏற்படும் விதத்தில் கிரகங்களின் சஞ்சாரம் இருப்பதால் தீட்டிய திட்டங்கள் வெற்றி பெறும்.
துலாம் புதனின் சஞ்சாரம்
உங்கள் ராசிக்கு அஷ்டம லாபாதிபதியாக விளங்குபவர் புதன். அவர் செப்டம்பர் 21-ந் தேதி 12-ம் இடமான துலாம் ராசிக்கு வருகின்றார். பயணங் களால் பலன் கிடைக்கும். பணிபுரியும் இடத்தில் பாராட்டும், புகழும் கூடும். ‘விபரீத ராஜயோக’ அடிப்படையில் பல நல்ல காரியங்கள் இல்லத்தில் நடைபெறும் நேரமிது. மூத்த சகோதரர்களால் நன்மை கிடைக்கும். கூட்டுத்தொழிலிலிருந்து பிரிந்து தனித்தொழில் செய்யும் வாய்ப்பு உண்டு. வெளிநாட்டிலிருந்தும், வெளி மாநிலங்களில் இருந்தும் எதிர்பார்த்த நல்ல தகவல் வந்து சேரும்.
சிம்ம சுக்ரனின் சஞ்சாரம்
உங்கள் ராசிக்கு 7, 12 ஆகிய இடங்களுக்கு அதிபதியானவர் சுக்ரன். அவர் செப்டம்பர் 28-ந் தேதி சிம்ம ராசியில் பிரவேசிக்கப் போகின்றார். உங்கள் ராசிக்கு 10-ம் இடமான தொழில் ஸ்தானத்தில் சுக்ரன் சஞ்சரிக்கும் பொழுது, வாழ்க்கைத்துணை வழியே உதிரி வருமானங்கள் வந்து சேரும். சம்பள உயர்வு போன்ற சந்தோஷமான தகவல்களும் உண்டு. புதிய வாகனங்கள் வாங்க எடுத்த முயற்சி கைகூடும். ஆடம்பரப்பொருட்கள் வாங்கும் யோகமும் உண்டு. பழைய கடன்களை கொடுத்து மகிழ்வீர்கள்.
புதனின் வக்ர இயக்கம்
செப்டம்பர் 30-ந் தேதி துலாம் ராசியிலும், அதன்பிறகு அக்டோபர் 8-ந் தேதி கன்னி ராசியிலும் புதன் வக்ரம் பெறுகின்றார். இந்த வக்ர காலம் உங்களுக்கு வளர்ச்சியான காலம் என்றே சொல்லலாம். பொருளாதாரம் சிறப்பாக இருக்கும். விலகிச்சென்ற உறவினர்கள் விரும்பி வந்திணைவர். உத்தியோக மாற்றங்கள், ஊர் மாற்றங்கள் ஒரு சிலருக்கு முன்னேற்றகரமாக வந்துசேரும். பக்கத்தில் உள்ளவர்கள் பக்கபலமாக இருப்பர்.
இம்மாதம் தினமும் இல்லத்து பூஜையறையில் விநாயகர் பதிகம்பாடி ஆனைமுகப்பெருமானை வழிபடுவது நல்லது.
பணத்தேவையைப் பூர்த்தி செய்யும் நாட்கள்: செப்டம்பர்: 18, 19, 20, 24, 25, 26, 29, 30, அக்டோபர்: 10, 11, 12, 15, 16மகிழ்ச்சி தரும் வண்ணம்: ரோஸ்.
பெண்களுக்கான பலன்கள்
இம்மாதம் சனியின் பார்வை உங்கள் ராசியில் பதிவதால் எதையும் துணிந்து முடிவெடுக்க முடியாது. சகோதர ஸ்தானத்தைக் குரு பார்ப்பதால் உடன்பிறப்புகளின் திருமண முயற்சிகள் நிறை வேறும். சப்தமாதிபதி அஷ்டமத்தில் இருப்பதால் கணவன்-மனைவி இடையே பிரச்சினைகள் ஏற்பட்டு அகலும். பிள்ளைகளின் கல்வி யில் கவனம் செலுத்துவீர்கள். பணிபுரியும் இடத்தில் கவனம் தேவை. பெண் தெய்வ வழிபாடு பெருமையைச் சேர்க்கும்.
ஆண்டு பலன் - 2020
1-1-2020 முதல் 31-12-2020 வரை
விசாகம் 4-ம் பாதம், அனுஷம், கேட்டை வரை
(பெயரின் முதல் எழுத்துக்கள்: தோ, ந, நி, நே, நோ, ய, யி, யு உள்ளவர்களுக்கும்)
நம்பிக்கைகள் அனைத்தும் நடைபெறும்
வந்துவிட்டது புத்தாண்டு. வருடத் தொடக்கமே உங்களுக்கு வசந்த காலமாகவே மாறப்போகிறது. ஏனெனில் சூரியன், புதன், வியாழன், கேது, சனி ஆகிய ஐந்து கிரகங்களின் சேர்க்கை, தன ஸ்தானத்திலேயே அமைந்திருக்கிறது. ராசிநாதன் செவ்வாய் ராசியிலேயே இருக்கிறார். எனவே யோசிக்காது செய்த காரியங்களில் கூட வெற்றி கிடைக்கும். யோகங்கள் படிப்படியாக வந்து கொண்டேயிருக்கும். யாகங்களிலும், இறைவழிபாட்டிலும் மனதைச் செலுத்தும் உங்களுக்கு இந்த ஆண்டு ஒரு பொன்கொழிக்கும் ஆண்டாக அமையப்போகிறது.
தனாதிபதி குரு தன ஸ்தானத்திலேயே இருப்பது மிகமிக யோகமாகும். அவரோடு தொழில் ஸ்தானாதிபதி சூரியனும் இணைந்திருப்பது இன்னும் அதிக யோகத்தைக் கொடுக்கும். தொழிலில் எதிர்பார்த்ததைக் காட்டிலும் வருமானம் உயர வழிபிறக்கும். ஞானகாரகன் கேது 2-ல் இருப்பதால் ஆன்மிகத் தேடல் அதிகரிக்கும். ஆலயத் திருப்பணிகள் செய்வதற்கு வாய்ப்புகள் கைகூடி வரும்.
லாபாதிபதி புதன் சூரியனோடு இணைந்து புத - ஆதித்ய யோகம் ஏற்படுகிறது. எனவே கல்வி சம்பந்தமாக எடுத்த முயற்சியில் வெற்றி கிடைக்கும். கலைத்துறையில் ஈடுபாடு கொண்டிருப்பவர்கள், அதில் பிரகாசிக்கும் நேரம் இது. கவுரவம், அந்தஸ்து உயரும். அதிகாரப் பதவியில் உள்ளவர்கள் ஆதரவு கொடுப்பர். இல்லத்தில் மகிழ்ச்சி அதிகரிக்கும். மங்கல நிகழ்ச்சிகள் ஒவ்வொன்றாக நடைபெறும்.
பணப்புழக்கம் தரும் குருவின் பார்வை
வருடம் தொடங்கும் பொழுது குரு உங்கள் ராசிக்கு 2-ம் இடத்தில் சஞ்சரிக்கிறார். அவரது பார்வை 6, 8, 10 ஆகிய இடங்களில் பதிகிறது.சாதாரண மனிதனையும் சக்கரவர்த்தியாக்கும் ஆற்றல் குருவின் பார்வைக்கு உண்டு. அந்த அடிப்படையில் ஜீவன ஸ்தானத்தை பார்க்கும் குருவால் தொழில் வளர்ச்சி மிகச் சிறப்பாக இருக்கும். குடும்ப முன்னேற்றம் கருதி எடுத்த முயற்சிகள் அனைத்திலும் வெற்றி கிடைக்கும். குடும்பத்தில் உள்ள மற்றவர்களுக்கும் வேலை கிடைத்து உதிரி வருமானம் வரும். சுயதொழில் செய்பவர்கள், தொழிலை விரிவுபடுத்தும் முயற்சியில் ஈடுபடுவர்.
மகர குருவின் சஞ்சாரம்
8.7.2020 முதல் 9.9.2020 வரை தனுசு ராசிக்குள் குரு வக்ரம் பெறுகிறார். இக்காலத்தில் சனியும், தனுசு ராசிக்குள்ளேயே வக்ரம் அடைகிறார். எனவே பொருளாதாரத்தில் ஏற்ற இறக்க நிலை உருவாகும். ஒரு தொகை செலவழிந்த பின்னரே, அடுத்ததொகை வந்து சேரும். பாகப்பிரிவினையில் தடை ஏற்பட்டாலும், கடைசி நேரத்தில் அனைத்தும் சுமுகமாக முடியும். விரயங்களை சுபவிரயமாக மாற்றிக் கொள்ளுங்கள். சனி வக்ரத்தால், எடுக்கும் முயற்சிகள் பல தடைகள் வந்தாலும், இறுதியில் கைகூடிவிடும். சொத்து சுகங்கள் வாங்குவது முதல் வாகனம் வாங்கும் யோகம் வரை நல்ல பலன்களே நடைபெறும். சொல்லைச் செயலாக்கிக் காட்டுவீர்கள். துணிவும், தன்னம்பிக்கையும் அதிகரிக்கும்.
15.11.2020-ல் மகர ராசிக்கு குருபகவான் பெயர்ச்சியாகிச் செல்கிறார். 12 ஆண்டுகளுக்கு ஒருமுறை குருபகவான் மகர ராசியில் சஞ்சரிப்பார். அது குருவுக்கு நீச்ச வீடு. இருப்பினும் குருவின் பார்வை நற்பலன்களையே வழங்கும். உங்கள் ராசிக்கு 7, 9, 11 ஆகிய இடங்களில் குரு பார்வை பதிகிறது. எனவே குருப்பெயர்ச்சிக்குப் பிறகு இன்னும் முன்னேற்றம் அதிகரிக்கப் போகிறது. சமுதாயத்தில் உயர்ந்தநிலை உருவாகும். ஆரோக்கியம் சீராகி ஆனந்தப்படுத்தும். வெளிநாட்டில் இருந்தும் அழைப்புகள் வரலாம். உங்கள் பிள்ளைகளுக்கு திருமணம் முடிந்து, வெளிநாடு சென்று பணிபுரியும் வாய்ப்பு அமையும். பெற்றோர் வழியில் பிரியம் கூடும். புதிய வாகனம் வாங்கும் யோகம் சிலருக்கு உண்டு. சுப நிகழ்ச்சிகள் வரிசை கட்டி நடைபெறும் நேரம் இது.
ராகு - கேது பெயர்ச்சிக் காலம்
ஆண்டின் தொடக்கத்தில் உங்கள் ராசிக்கு 8-ம் இடத்தில் சஞ்சரித்து வரும் ராகு பகவான், 1.9.2020 அன்று நடைபெறும் பெயர்ச்சிக்குப் பிறகு, 7-ம் இடத்திற்கு வரப்போகிறார். அதே போல் 2-ம் இடத்தில் சஞ்சரித்து வரும் கேது, உங்களுடைய ஜென்ம ராசிக்கு வருகிறார். ராகு - கேதுக்கள் சுயபலமற்ற கிரகங்கள். அவர்கள் யார் வீட்டில் சஞ்சரிக்கிறார்களோ அவர்களுக்குரிய பலன்களையே வழங்குவார்கள்.
அந்த அடிப்படையில் பார்க்கும் பொழுது, சுக்ரன் வீட்டில் ராகுவும், செவ்வாய் வீட்டில் கேதுவும் இருக்கிறார்கள். உங்கள் ராசிநாதனாக செவ்வாய் விளங்குவதால் யோசிக்காது செய்த காரியங்களில் கூட யோகங்கள் ஏற்படும். புகழ், செல்வாக்கு அதிகரிக்கும். தேசப்பற்றும், தெய்வப்பற்றும் தானாக வந்து சேரும். திடீர் மாற்றங்களும், தெய்வீக சிந்தனைகளும் அதிகரிக்கும். குலதெய்வப் பிரார்த்தனைகளை நிறைவேற்றுவீர்கள். மகான்களின் தரிசனமும், அருளாளர்களின் ஆதரவும் உண்டு. தாய்மாமன் வழி ஆதரவு சாதகமாக அமையும். வருங்கால நலன்கருதித் தீட்டிய திட்டங்கள் எல்லாம் வெற்றி பெற கேதுவின் ஆதிக்கம் உங்களுக்குக் கைகொடுக்கும்.
சப்தம ஸ்தானத்தில் ராகு சஞ்சரிப்பது ஒரு வகைக்கு நன்மைதான். குடும்பத்தினரின் தேவைகளைப் பூர்த்தி செய்துகொள்வீர்கள். கொடுக்கல் - வாங்கல்கள் ஒழுங்காகும். இதுவரை முடிவடையாத திருமணப் பேச்சுக்கள் இப்பொழுது முடிவாகலாம். அரசுவழி வேலைக்கு முயற்சித்தவர்களுக்கு அது கை கூடும். வெளிநாடுகளில் இருந்தும் உங்களுக்கு அழைப்புகள் வரலாம். படிப்பிற்கேற்ற வேலை கிடைக்கும். பதவி யோகமும் உண்டு. பஞ்சாயத்து தலைவர் முதல் பாராளுமன்றத் தலைவர் வரை போட்டியில் வெற்றி கிடைக்கும் வாய்ப்பு இருக்கிறது. வாழ்க்கைத் தேவைகள் ஒவ்வொன்றாகப் பூர்த்தியாகும். தங்கம், வெள்ளி வாங்குவதில் தனிக்கவனம் செலுத்துவீர்கள். இக்காலத்தில் சர்ப்ப சாந்திப் பரிகாரங்களை, யோகபலம் பெற்ற நாளில் செய்து கொண்டால் எண்ணங்கள் எளிதில் நிறைவேறும்.
சனிப்பெயர்ச்சிக் காலம்!
உங்கள் ராசிக்கு 2-ம் இடத்தில் சஞ்சரித்து வரும் சனி பகவானை, ‘குடும்பச் சனி’ அல்லது ‘பாதச்சனி’ என்று சொல்வார்கள். 29.4.2020 முதல் 14.9.2020 வரை தனுசு ராசிக்குள், சனி பகவான் வக்ரம் பெறுகிறார். இந்த காலகட்டத்தில் உடன்பிறப்புகளைக் கொஞ்சம் அனுசரித்துக் கொள்வது நல்லது. சுபவிரயங்கள் அதிகரிக்கும். தாயின் உடல்நலத்தில் கவனம் தேவை. உத்தியோக மாற்றங்கள், ஊர் மாற்றங்கள் உறுதியாகலாம். வரும் மாற்றங்கள் நல்ல மாற்றங்களாகவே அமையும்.
13.2.2020 முதல் 22.3.2020 வரை தனுசு ராசியில் செவ்வாய்- சனி சேர்க்கை ஏற்படுகிறது. 3.5.2020 முதல் 17.6.2020 வரை தனுசு ராசியில் இருக்கும் சனி, கும்பத்தில் இருக்கும் செவ்வாயை பார்க்கிறது. இக்காலத்தில் விரயம் கூடுதலாக இருக்கும். சொத்துக்கள் வாங்குவது, சொந்தங்களுக்காக செலவழிப்பது போன்றவை ஏற்படும். ஆரோக்கியத்திலும் கூடுதல் கவனம் தேவை. அலைச்சலைக் குறைத்துக்கொள்வது நல்லது. அதிகார வர்க்கத்தினரை நம்பி ஈடுபடும் காரியங்கள் தாமதமாகலாம்.
26.12.2020 உத்ராடம் 2-ம் பாதத்தில் மகர ராசியில் சனி பகவான் பெயர்ச்சியாகிச் செல்கிறார். இப்பொழுது முழுமையாக சனி உங்களுக்கு விலகி விட்டது. எனவே வருடக் கடைசியில் உங்களுக்குப் பொன்னும், பொருளும், போற்றுகின்ற செல்வாக்கும் பெருகும் புதிய பாதை புலப்படும். நட்பு வட்டம் விரியும். உறவினர்களும், நண்பர்களும் போட்டி போட்டுக் கொண்டு உதவி செய்வர். கடன்சுமை குறையும். காரிய வெற்றிக்கு மாற்று இனத்தவர்களின் ஒத்துழைப்பும் உண்டு. கிளைத் தொழில் செய்யும் வாய்ப்புகளும் உண்டு. அரசியல் மற்றும் பொதுநலத்தில் இருப்பவர்களுக்கு தலைமைப் பதவிகள் தானாகவே தேடி வரும்.
செல்வ வளம் தரும் வழிபாடு
பிரதோஷ விரதம் இருந்து நந்தியை வழிபட்டு வருவதோடு பவுர்ணமி அன்று ஆன்மிகம் சார்ந்த மலைகளைச் சுற்றி வந்து மலைவலம் வருவதன் மூலம் மகத்துவம் பெறலாம்.
குருவின் வக்ர காலமும், பரிவர்த்தனை யோகமும்
27.3.2020-ல் மகர ராசிக்கு குரு வக்ர இயக்கத்தில் செல்கிறார். அங்கு 7.7.2020 வரை இருக்கிறார். இக்காலத்தில் குருவும், சனியும் வக்ர இயக்கத்தில் இருப்பதோடு பரிவர்த்தனை யோகமும் பெறுகிறார்கள். பரிவர்த்தனை யோகம் என்பது யோகங்களில் சிறந்த யோகமாகும். உங்கள் ராசிக்கு 2, 5 ஆகிய இடங்களுக்கு அதிபதியானவர் குரு தனபாக்கியாதிபதியாக விளங்குபவர். சகாய ஸ்தானத்திற்கும், சுக ஸ்தானத்திற்கும் அதிபதியானவர் சனி. இந்த இரண்டு கிரகங்களும் தங்கள் வீடுகளை மாற்றிக் கொண்டு பரிவர்த்தனை யோகம் பெறுவதால் சுகங்களும், சந்தோஷங்களும் இந்தப் புத்தாண்டில் அதிகமாகவே வரும். ஈர்ப்புசக்தி மிக்க உங்கள் பேச்சைக் கேட்டுஎல்லோரும் எளிதில் காரியங்களை முடித்துக்கொடுப்பர். பிள்ளைகளின் திருமணம் சம்பந்தமாக எடுத்த முயற்சி வெற்றி தரும்.
பெண்களுக்கான பலன்கள்
இந்தப் புத்தாண்டு பொன்கொழிக்கும் ஆண்டாக அமையப்போகிறது. புதிய முயற்சிகளில் வெற்றி, பொருளாதாரத்தில் உயர்வு, எதிர்பார்ப்புகள் நிறைவேறுதல், தொழிலில் இருமடங்கு லாபம் கிடைத்தல் போன்றவை அனைத்தும் நடைபெறும் ஆண்டாக இந்த ஆண்டு அமையப் போகிறது. கணவன்- மனைவிக்குள் அன்பும், ஆதரவும் அதிகரிக்கும். புகுந்த வீட்டிற்கும், பிறந்த வீட்டிற்கும் பெருமை சேர்க்கும் விதம் உங்கள் வாழ்க்கைப் பாதை அமையும். தாய்வழி ஆதரவு திருப்தி தரும். பணிபுரியும் பெண்களுக்கு வரவேண்டிய பதவி உயர்வு குறிப்பிட்டபடி வந்து சேரும். ஆடை, ஆபரண சேர்க்கை அதிகரிக்கும். அதிகார பதவி கூட உங்களுக்கு வரலாம். வெளிநாடு, அல்லது பிற மாநிலங்களுக்கு பயணம் செல்லும் வாய்ப்பும் கைகூடலாம். உடன் பிறந்தவர்களின் திருமணம் சிறப்பாக நடைபெறும். குலதெய்வ வழிபாட்டை மேற்ெகாள்ளுங்கள். சதுர்த்தி விரதமிருந்து ஆனைமுகப்பெருமானையும், சஷ்டி விரதமிருந்து முருகப்பெருமானையும் வழிபடுவது நல்லது.
சார்வரி வருட பலன்
சார்வரி வருடத் தொடக்கத்தில், உங்கள் ராசிநாதன் செவ்வாய் உச்சம் பெற்று சகாய ஸ்தானத்தில் சஞ்சரிக்கிறார். அவரோடு தன பஞ்சமாதிபதியான குரு இணைந்திருக்கிறார். தன ஸ்தானத்தில் சனி, சந்திரன், கேது ஆகிய கிரகங்கள் உள்ளன. சுக்ரன் சப்தம ஸ்தானத்தில் இருந்து உங்கள் ராசியைப் பார்க்கிறார். தொழில் ஸ்தானாதிபதி சூரியன் உச்சம் பெற்று சஞ்சரிக்கிறார். அஷ்டமாதிபதி புதன் மீனத்திலும், 8-ம் இடத்தில் ராகு சஞ்சரிக்க தமிழ் வருடம் தொடங்குகிறது. சாதாகமான நிலையில் கிரகங்கள் உலாவரும் நிலையில், ஆண்டு தொடங்குவதால் சாதனை நிகழ்த்தி சரித்திரம் படைப்பீர்கள்.
ராகு-கேது பெயர்ச்சி
1.9.2020 அன்று உங்கள் ராசிக்கு கேதுவும், சப்தம ஸ்தானத்திற்கு ராகுவும் சஞ் சரிக்கப் போகிறார்கள். ஜென்ம கேதுவால் நன்மைகள் விளையும். ஆன்மிக நாட்டம் அதிகரிக்கும். வெளிநாட்டு முயற்சிகளில் வெற்றி கிடைக்கும். சுக்ரன் வீட்டில் ராகு சஞ்சரிப்பதால் கல்யாணக் கனவு நனவாகும். வீடு மாற்றம் உள்ளிட்டவை எதிர்பார்த்தபடி நடைபெறும். வாழ்க்கைத் துணையின் வருமானமும் சேரும்.
குருப்பெயர்ச்சி
15.11.2020 அன்று குரு பகவான், மகர ராசிக்கு பெயர்ச்சியாகிறார். இது குருவுக்கு நீச்ச வீடாகும். குரு நீச்சம் பெற்றாலும் பரிவர்த்தனை யோகத்தோடு சில மாதங்களும், தனுசு ராசியில் தன் சொந்த வீட்டில் வக்ர இயக்கத்தில் சில மாதங்களும் சஞ்சரிக்கப் போவதால் எதிர்பார்த்ததைக் காட்டிலும் கூடுதல் நற்பலன்கள் கிடைக்கும். பொருளதார வளர்ச்சி அதிகரிக்கும். புதிய பாதை புலப்படும். இல்லறம் நல்லறமாக அமையும். சுப காரியங்கள் இனிதே நடந்தேறும். உத்தியோகத்தில் இலாகா மாற்றம் வரலாம். ஆபரண சேர்க்கை உண்டு. நிச்சயிக்கப்பட்ட காரியங்கள் எதிர்பார்த்தபடியே நடைபெறும்.
சனிப்பெயர்ச்சி
26.12.2020 அன்று வாக்கிய பஞ்சாங்கப்படி சனி பகவான் மகர ராசிக்குச் செல்கிறார். இதனால் உங்களுக்கு ஏழரைச் சனி முழுமையாக விலகுகிறது. இனி தொட்ட காரியங்களில் எல்லாம் வெற்றி கிடைக்கும். துணையாக இருக்கும் நண்பர்கள் தோள்கொடுத்து உதவுவார்கள். வெற்றி செய்திகள் வீடு வந்து சேரும். தொழில் வளர்ச்சி அதிகரிக்கும். பணியாளர்கள் தொல்லை அகலும். திடீர் திருப்பங்கள் பல வந்து சேரும்.
குரு வக்ரமும், அதிசாரமும்
13.5.2020 முதல் 7.7.2020 வரை குருபகவான் அதிசாரமாகவும், வசீகரமாகவும் சஞ்சரிக்கிறார். 8.7.2020 முதல் 9.9.2020 வரை தனுசு ராசியில் குரு வக்ர இயக்கத்தில் இருக்கிறார். அதே நேரத்தில் சனியும் வக்ர கதியில் அவரோடு இணைந்து சஞ் சரிக்கிறார். மீண்டும் குருபகவான் 6.4.2021-ல் கும்ப ராசிக்கு அதிசாரத்தில் செல் கிறார். இதன் விளைவாக குடும்ப உறுப்பினர்களின் தேவைகளைப் பூர்த்தி செய்து மகிழ்வீர்கள். வீடு கட்டுவதில் இருந்த தடை அகலும். குடும்ப உறுப்பினர்களின் குணமறிந்து நடந்து கொள்ளுங்கள். வாழ்க்கைத் தேவைகள் கடைசி நேரத்தில் பூர்த்தியாகும்.
வழிபாடு
செல்வ வளம் பெருக சதுர்த்தி விரதமிருந்து விநாயகப் பெருமானை வழிபாடு செய்யுங்கள்.
சனிப்பெயர்ச்சி பலன்கள்
(விசாகம் 4ம் பாதம், அனுஷம், கேட்டை ஆகிய நட்சத்திரங்களில் பிறந்தவர்கள் மற்றும் தோ, நா, நீ, நே, நோ, ய ,யி, யு, நு, ஆகிய எழுத்துக்களை பெயரின் முதல் எழுத்தாக கொண்டவர்களுக்கும்.)
விருச்சிகம் ஆனந்தப்படும் சனிப்பெயர்ச்சி இது. இத்தனை ஆண்டுகாலமாக நீங்கள் பட்ட கஷ்டத்திற்கு இப்போது விடியல் வந்து விட்டது. இந்த சனி மாற்றத்துடன் ஏழரைச்சனி உங்களிடம் இருந்து விலகுகிறது. கடந்த சில ஆண்டுகளாக அவரவர் வயது, தகுதி, இருப்பிடம் ஆகியவற்றிற்கு ஏற்றார் போல நீங்கள் அனுபவித்து வந்த கஷ்டங்கள் முடியப் போகிறது என்பதால் விருச்சிகத்தினர் மனமார வரவேற்கும் சனிப்பெயர்ச்சி இது.
சனியினால் கடந்த 2012ம் ஆண்டு முதல் விருச்சிகத்தினர் தொழில்ரீதியாக பின்னடைவுகளையும், தனிப்பட்ட வாழ்க்கையில் சோதனைகளையும், பொருளாதார சிக்கல்களையும் அனுபவித்து வந்தீர்கள். குறிப்பாக இளைய பருவத்தினர் வாழ்க்கையில் வேலை, திருமணம் போன்றவைகளில் செட்டிலாவதை சனி தடுத்துக் கொண்டிருந்தார். குறிப்பாக 2015-2018-ம் ஆண்டுகளில் பெரும்பாலான விருச்சிகத்தினர் பட்ட அவஸ்தைகள் அதிகமானவை. பிறந்த ஜாதக வலுவுள்ள சிலர் மட்டும் சனியின் தாக்கத்தில் இருந்து தப்பிப் பிழைத்தீர்கள்.
கடந்த ஆண்டில் பெரிய இன்னல்கள் எதுவும் விருச்சிக ராசிக்கு இல்லா விட்டாலும் “மழை விட்டும், தூவானம் விடவில்லை” என்பது போல சனி தரும் சாதகமற்ற நிலைமைகள் தொடரவே செய்கிறது. அதுபோன்ற நிலைமைகளும் தற்போது உங்களுக்கு முழுவதுமாக விலக இருப்பதால் ஒரு மேன்மையான, ஒளிமயமான காலத்திற்குள் விருச்சிகத்தினர் தற்போது நுழைய இருக்கிறீர்கள்.
இந்த சனி மாற்றத்தினால் இதுவரை வாழ்க்கையில் நிலை கொள்ளாத இளைய பருவ, மற்றும் நடுத்தர வயது விருச்சிக ராசிக்காரர்கள் அனைவருக்கும் நன்மைகள் கிடைக்க இருக்கிறது. எந்தெந்த விஷயங்களில் இதுவரை உங்களுக்குத் தடைகள் இருந்தனவோ அவை அனைத்தும் இப்போது விலக இருக்கிறது. வாழ்க்கையில் இதுவரை என்ன பாக்கியம் கிடைக்காமல் இருக்கிறதோ அது இனிமேல் கிடைக்கும்.
குறிப்பாக இதுவரை வேலை, தொழில், வியாபாரம் போன்ற ஜீவன அமைப்புகளில் காலூன்ற முடியாமல் தவித்து கொண்டிருப்பவர்கள், சரியான அஸ்திவாரம் இன்றி, பிடி கிடைக்காமல் தொழிலை முன்னேற்றப் பாதையில் கொண்டு போக முடியாமல் தவித்து கொண்டிருக்கும் விருச்சிக ராசிக்காரர்கள் அனைவருக்கும் இனிமேல் விடிவுகாலம் பிறந்து உங்களுடைய ஜீவன விஷயங்கள் லாபத்துடன் உங்களுக்கு கை கொடுத்து வாழ்க்கையில் செட்டில் ஆவீர்கள்.
ஏழரைச்சனி விலகுவதால் உங்கள் உடலும் மனமும் புத்துணர்ச்சி பெறும். முகத்தில் எந்நேரமும் சந்தோஷம் தெரியும். இதுவரை மனதில் இருந்து வந்த குழப்பங்கள் உடனே விலகும். சென்ற காலங்களில் உங்களை வாட்டி வதைத்த சோம்பல், மந்தம், விரக்தி மற்றும் தோல்வி மனப்பான்மைகள் இனிமேல் உங்களிடம் நெருங்காது. அனைத்து விஷயங்களிலும் இருந்த வந்த தொல்லைகள் தடைகள் தாமதங்கள் விலகி அதிர்ஷ்டக் காற்று உங்கள் பக்கம் வீசப் போகிறது.
இந்த சனிப்பெயர்ச்சிக்குப் பிறகு புதிய மனிதரைப் போல உணருவீர்கள். உங்களின் அந்தஸ்து மதிப்பு அனைத்தும் உயரும் நேரம் இது. அடுத்தவர்களால் கௌரவமாக நடத்தப் படுவீர்கள். உங்களில் சிலர் உங்கள் மொத்த வாழ்க்கைக்கும் தேவையானதை இந்த சனிப்பெயர்ச்சிக்குப் பிறகு சம்பாதித்து வாழ்கையில் செட்டிலாகப் போகிறீர்கள் என்று கிரக நிலைமைகள் காட்டுகின்றன.
சனி விலகி விட்டதால் நீங்கள் தொட்டது துலங்கும் நேரம் இது. நீங்கள் நினைத்தது நடக்கும் காலம் இது. மேலும், பிறந்த ஜாதகத்தில் நல்ல யோக தசாபுக்திகள் நடந்து கொண்டு இருந்தால் உங்களில் சிலர் சாதனைகளை படைத்து புகழின் உச்சிக்கு செல்வீர்கள் என்பது உறுதி. எந்த ஒரு காரியத்தையும் சாதித்தே ஆகவேண்டும் என்றும் வெற்றி பெற்றே தீர வேண்டும் என்ற முனைப்புடனும் இனிமேல் நிறைவேற்றிக் காட்டுவீர்கள். உங்களுடைய மனதைரியம் கூடும். எதையும் சந்திக்கும் ஆற்றல் பெறுவீர்கள். நாளைக்குப் பார்க்கலாம் எனற ஒத்திப் போடுதல் இருக்காது. இதுவரை நீங்கள் பயந்து கொண்டிருந்த செயல்கள், விஷயங்கள் அனைத்திலும் தலைகீழ் மாற்றங்கள் இருக்கும்.
தொழிலில் சிக்கல்களை சந்தித்துக் கொண்டிருந்தவர்கள் இனிமேல் தொழில் முன்னேற்றப் பாதையில் செல்வதைக் காண்பீர்கள். இதுவரை மந்தமாக இருந்த வந்த கூட்டுத்தொழில் இனி சிறப்பாக நடைபெறும். பங்குதாரர்கள் உதவியாக இருப்பார்கள். சரியான வருமானம் இல்லாமல் அவதிப்பட்டுக் கொண்டிருந்த விருச்சிக ராசிக்காரர்களுக்கு இனிமேல் நிலையான ஒரு தொழில் அமைப்பு உருவாகி மாதாமாதம் நிரந்தர வருமானம் வரும்.
சுயதொழில் செய்வர்கள் மிக சிறப்பான தொழில் வளர்ச்சியை காண்பார்கள். வியாபாரிகளுக்கு அற்புதமான காலகட்டம் இது. புதிய தொழில் ஆரம்பிக்கவோ கிளைகள் ஆரம்பிக்கவோ, இருக்கும் தொழிலை விரிவாக்கம் செய்யவோ ஏற்ற நேரம். எனவே, தயக்கத்தையும், யோசனைகளையும் உதறி தள்ளி சுறுசுறுப்பாக வேலைகளை கவனிக்க ஆரம்பித்தால் வெற்றி கொடி நாட்டலாம்.
மனதிற்கு பிடித்த வேலை கிடைக்காமல் அலைந்து கொண்டிருந்த இளைய பருவத்தினருக்கு அவர்கள் படிப்புக்குத் தகுந்த நல்ல வேலை உடனடியாக கிடைக்கும். ஏற்கனவே வேலையில் இருப்பவர்களுக்கு இதுவரை கிடைக்காத பதவி உயர்வு, சம்பள உயர்வு, நிலுவையில் இருந்த தொகையோடு சேர்த்து உடனடியாக கைக்கு வரும்.
பொது வாழ்க்கையில் இருப்பவர்களுக்கு இது மிகவும் மேன்மையை தரக் கூடிய காலமாக அமையும். அதிகாரப் பதவிகள் தேடி வரும். அரசு, தனியார் துறை பணியாளர்களுக்கு சம்பளத்தை தவிர்த்த மறைமுக வருமானம் இருக்கும். விவசாயிகளுக்கும் கலைத்துறையினருக்கும் இது மிகவும் அதிர்ஷ்டமான காலகட்டம் என்பதால் நீங்கள் ஏற்கனவே மனதில் நினைத்திருந்த முன்னேற்றத் திட்டங்களைச் செயல்படுத்தலாம்.
குடும்பத்தில் இதுவரை தடைப்பட்டு கொண்டிருந்த மங்கள காரியங்கள் இனிமேல் வெகு சிறப்பாக நடைபெறும். காதலித்துத் கொண்டு இருப்பவர்களுக்கு பெரியவர்களின் சம்மதத்துடன் திருமணம் நடக்கும். சிலர் புதிதாக காதலிக்க ஆரம்பிப்பீர்கள். குழந்தை பாக்கியம் தாமதித்தவர்களுக்கு உடனடியாக நல்லமுறையில் குழந்தை பிறக்கும்.
இதுவரை கருத்து வேற்றுமைகளாலும், குடும்பச் சிக்கல்களினாலும் பிரிந்திருந்த கணவன் மனைவி ஒன்று சேர்வார்கள். ஏழரைச்சனியினால் திருமண வாழ்வில் பிரச்னைகள் ஏற்பட்டு விவாகரத்தானவர்களுக்கு இப்போது இரண்டாவது வாழ்க்கை நல்லபடியாக அமையும். இந்த வாழ்க்கை நீடித்தும் நிம்மதியாகவும் இருக்கும்.
வழக்கு, கோர்ட் காவல்துறை போன்றவற்றில் சிக்கித் திண்டாடிக் கொண்டிருந்தவர்களுக்கு அனைத்தும் நல்லபடியாக முடிவுக்கு வரும். அநியாய வட்டிக்கு கடன் வாங்கி அதில் இருந்து மீள முடியாமல் அவஸ்தைப் பட்டு விழி பிதுங்கி கொண்டிருந்தவர்களுக்கு கடனை அடைப்பதற்கு நல்ல வழி பிறக்கும்.
குடும்பத்திற்கு தேவையான அத்தியாவசியப் பொருட்கள் வாங்குவீர்கள். சொத்துச் சேர்க்கை இருக்கும். பிள்ளைகளின் பெயர்களிலோ மனைவியின் பெயரிலோ ஏதேனும் சொத்து வாங்க முடியும். சிலர் புதிய வாகனம் வாங்குவீர்கள். பிள்ளைகளின் திருமணத்திற்கு நகை வாங்கி சேமிக்கலாம். இதுவரை உடல்நிலை சரி இல்லாமல் இருந்தவர்கள் குணம் அடைவார்கள்.
தள்ளிப் போயிருந்த வெளிநாடு தொடர்பான வேலை விஷயங்களும் வெளிநாட்டு பயணங்களும் தற்போது வெற்றிகரமாக கூடி வரும். வாழ்க்கைத் துணைவரின் வழியில் ஆதரவுகளும் லாபங்களும் இருக்கும். பங்காளிச் சண்டை தீரும். பூர்வீக சொத்து பிரச்னை சுமுகமாக ஒரு முடிவுக்கு வரும். உங்களைப் பிடிக்காமல் பின்னால் பேசும் மறைமுக எதிரிகள் காணமல் போவர்கள்.
நண்பர்களால் மகிழ்ச்சி தரும் நிகழ்ச்சிகள் இருக்கும். இதுவரை வீடு கட்டுவது போன்ற சுப காரியங்களுக்கு இருந்த தடை விலகி புதிய வீடு கட்டுவதோ மனைவாங்குவதோ இனிமேல் செய்ய முடியும். குடும்பத்தில் சுப நிகழ்ச்சிகளும் சுற்றுலா செல்வது போன்ற மனதிற்கு இனிமை தரும் நிகழ்வுகளும் நடக்கும்.
அதிக முனைப்பு இல்லாமலேயே தொழில் முயற்சிகளில் பெரிய லாபங்கள் கிடைக்கும். பங்குச்சந்தை, லாட்டரி, போட்டி, பந்தயங்கள் போன்றவைகள் கை கொடுக்கும். வருகின்ற வருமானத்தை முதலீடாக்குவது நல்லது. வீட்டுமனை, நிலம் போன்றவைகள் இப்போது வாங்கிப் போடுவீர்கள்.
விருச்சிக ராசிப் பெண்களுக்கு இது சிறப்பான நன்மைகளைத் தரும் பெயர்ச்சியாகும். உங்களின் மதிப்பு உயரும். வேலைக்கு செல்லும் பெண்களுக்கு அலுவலகத்தில் இருந்த வந்த மறைமுக எதிர்ப்புகள் விலகும். அலுவலகத்தில் ஆண்கள் உங்களுக்கு ஒத்துழைப்பார்கள். புகுந்த வீட்டில் அந்தஸ்து, கௌரவம் கூடும். புருஷனுக்கும், பிள்ளைகளுக்கும் நடுவில் அல்லாடியது இனி இருக்காது.
பரிகாரங்கள்:
ஏழரைச்சனி விலகுவதால் சனிப்பெயர்ச்சி அன்றோ உங்களின் ஜென்ம நட்சத்திரம் அன்றோ அல்லது ஏதேனும் ஒரு சனிக்கிழமையில் திருநள்ளாறு சென்று நள தீர்த்தத்தில் நீராடி இனிமேல் எனக்கு ஒரு குறையும் வரவேண்டாம் என்று அனைத்தையும் காக்கும் எம்பெருமான் அருள்மிகு தர்ப்பாரண்யேஸ்வரரையும் அன்னையையும் வேண்டி வழிபட்டுத் திரும்புங்கள். சனியைப் பார்க்க வேண்டாம்.
ஜோதிடக்கலை அரசு ஆதித்யகுருஜி
(செல்: 8870 99 8888)
குருப்பெயர்ச்சி பலன்கள்
விருச்சிக ராசிக்காரர்களுக்கு இதுவரை ராசியில் இருந்து வந்த குரு தற்போது இரண்டாமிடத்திற்கு மாறுகிறார். இது உங்களுக்கு மிகவும் அதிர்ஷ்டமான அமைப்பு என்பதால் இந்தக் குருப் பெயர்ச்சி காலத்தில் உங்களுக்கு மிகவும் நல்ல பலன்கள் நடக்கும். அதிர்ஷ்டம் கை கொடுக்கும்.
விருச்சிகத்திற்கு எழுத வேண்டியதை எல்லாம் ஏற்கனவே எழுதி விட்டேன். முழுக்க உங்களுக்கு விடிந்து விட்டது. உங்களின் வேதனை அனைத்தும் விலகும் பெயர்ச்சி இது. வரும் ஜனவரி மாதம் 24ம் தேதி நடக்க இருக்கும் சனிப்பெயர்ச்சி மூலம் கடந்த சில வருடங்களாக உங்களை ஆறாத துயரத்தில் ஆழ்த்தி வந்த ஏழரைச் சனி எனும் கெடுதலான காலகட்டம் முற்றிலும் விலகுகிறது. இனி புதிய மனிதன் ஆகப் போகிறீர்கள்.
எந்த ஒரு விஷயத்திலும் இதுவரை இருந்து வந்த மனக்கவலைகள் குழப்பங்கள், உடல்நலக்குறைவு, கடன்தொல்லை மற்றும் எதிர்மறை எண்ணங்கள், தொழில் தேக்கம், அதிர்ஷ்டக்குறைவு, தடைகள், தாமதங்கள் போன்ற அனைத்தும் தீர்ந்து விருச்சிக ராசிக்கு மிகவும் மேன்மையான ஒரு காலம் ஆரம்பிக்கிறது.
உடலிலும் மனதிலும் புதுத்தெம்பு பிறக்கும். எங்கும் எதிலும் உற்சாகமாக இருப்பீர்கள். நினைத்தவை நினைத்தபடியே நிறைவேறும். எந்த ஒரு செயலையும் உடனுக்குடன் நிறைவேற்ற முடியும். வாக்குப் பலிதம் ஏற்படும். இதுவரை நடக்காமல் இருந்த விஷயங்கள் நடந்து மகிழ்ச்சியையும், வருமானத்தையும் தரும். சிந்தனை, செயல்திறன் கூடும், முகத்தில் பொலிவு வரும்.
இதுவரை இல்லாத தன்னம்பிக்கை தேடி வந்து மனதில் குடி கொள்ளும். தலை நிமிர்ந்து நடப்பீர்கள். கௌரவம், அந்தஸ்து கூடும்படியான சம்பவங்கள் நடக்கும். கையில் எந்த நேரமும் பணப்புழக்கம் அதிகரித்து குடும்பத்தில் உங்களுடைய சொல்லை அனைவரும் கேட்கும் நிலை உருவாகும்.
தொழில் சம்மந்தமான பிரச்னைகள் அனைத்தும் சாதகமாக திரும்பி பொருளாதார நிலைமைகள் உங்களுக்கு நிம்மதியாக இருக்கக்கூடிய அளவிற்கு நிலைமைகள் முன்னேற்றமாக இருக்கும். சென்ற காலங்களில் வேலை செய்யும் இடத்தில் இருந்து வந்த அதிருப்திகளும் சஞ்சலங்களும் விரக்தியும் இனிமேல் இருக்காது.
இந்த குருப்பெயர்ச்சி காலம் முழுவதும் உங்களின் பொருளாதார நிலை மிகவும் மேம்பாடானதாகவும் சரளமான பணவரவு இருந்து கொண்டே இருப்பதாகவும் அமையும். தொட்டது துலங்கும். இதுவரை வருமானம் இன்றி பணப் பற்றாக்குறையால் அவதிப்பட்டுக் கொண்டிருந்தவர்களுக்கு பணப் பிரச்னை இல்லாத அளவுக்கு நல்ல வருமானம் இருக்கும்.
இரண்டாமிடத்திற்கு வரும் குருவால் தனம் வந்து சேரும் என்பதால் பண வரவிற்கு தடையாக இருந்த விஷயங்கள் மாறி தொழில், வேலை, வியாபாரம் போன்ற ஜீவன அமைப்புகள் வலுப் பெற்று பொருளாதார மேன்மை அடைவீர்கள். கொடுத்த வாக்கை காப்பாற்ற முடியும். நாளைக்கு வா பணம் தருகிறேன் என்று ஒருவருக்கு வாக்குறுதி அளித்தால் இன்றைக்கு இரவே அவருக்கென்று பணத்தை ஒதுக்கி வைக்கமுடியும்.
வருடக் கிரகங்களான சனியும், குருவும் தற்போது சாதகமான நிலையில் இருப்பதால் விருச்சிகத்தினர் எதிலும் தயக்கத்தினை விட்டொழித்து ஆக்கப்பூர்வ விஷயங்களில் ஈடுபட்டால் வெற்றி நிச்சயம்.
கோபக்காரர்களாக இருந்தாலும் விருச்சிகத்தினர் புத்திசாலிகள் என்பதாலும், எந்த வேலைகளையும் அர்ப்பணிப்பு உணர்வுடன் செய்யக் கூடியவர்கள் என்பதாலும், எதையும் சட்டென கிரகித்துக் கொள்வீர்கள் என்பதாலும், இந்த கிரக மாற்றத்தை நல்ல முறையில் உபயோகப்படுத்தி வாழ்க்கையில் செட்டில் ஆவீர்கள். பிறந்த ஜாதகத்தில் யோகமான தசா புக்திகள் நடந்து கொண்டிருப்பவர்களுக்கு இப்போது இரட்டிப்பு நல்ல பலன்கள் நடக்கும்.
வீட்டில் மங்களநிகழ்ச்சிகள் நடைபெறும் காலம் இது. திருமணம் ஆகாத இளைய பருவத்தினருக்கு திருமணம் நடைபெறும். நீண்ட காலமாக மகன், மகளுக்கு திருமணம் கூடி வரவில்லையே என்று வருத்தப்பட்டுக் கொண்டிருப்பவர்களுக்கு அந்தக் கவலை இப்போது நீங்கும். புத்திர பாக்கியம் தாமதப்பட்டுக் கொண்டு வந்தவர்களுக்கு குருபலம் வருவதால் குழந்தைச் செல்வம் கிடைக்கும்.
நல்ல வேலை கிடைக்காமல் சோர்ந்து போயிருந்தவர்களுக்கு மனதுக்கு பிடித்த வகையில் நல்ல சம்பளத்துடன் வேலை கிடைக்கும். பொது வாழ்க்கையில் இருப்பவர்கள், ஊடகம், பத்திரிக்கை போன்ற துறையில் இருப்பவர்கள், கலைஞர்கள் உள்ளிட்டவர்களுக்கு இது வசந்த காலமாகும். கலைத்துறையினர் நல்ல திருப்பங்களைக் காண்பீர்கள். வாய்ப்புகள் வந்து கதவைத் தட்டும்.
பொருத்தமில்லாத வேலையில் இஷ்டமில்லாமல் இருந்த இளைஞர்களுக்கு உடனடியாக மாற்றங்கள் உருவாகி நினைத்த மாதிரியான வேலை கிடைக்கும். அலுவலகத்தில் இருந்த பிரச்னைகள் மறையும். தொழில் ஆரம்பித்து இன்னும் காலூன்ற முடியாமல் சிரமப்பட்டுக் கொண்டிருப்பவர்களுக்கு தொழில் முன்னேற்றமாக நடக்கும்.
அரசு, தனியார்துறை ஊழியர்களுக்கு ‘இதர வருமானங்கள்’ சொல்லிக் கொள்ளும்படி இருக்கும். தொழிலாளர்களுக்கு வேலைப் பளு குறைந்து சம்பள உயர்வு, பதவி உயர்வு போன்றவைகள் கிடைக்கும். தொழிற்சங்கங்களில் பதவியில் இருப்பவர்கள் பாராட்டுகளைப் பெறுவீர்கள்.
கூட்டுத் தொழிலில் இதுவரை இருந்த வந்த கருத்து வேறுபாடுகளும், மந்தமான நிலைமையும் மாறும். நண்பர்களும், பங்குதாரர்களும் உதவிகரமாக இருப்பார்கள். தந்தையின் ஆதரவு கிடைக்கும். தந்தை வழி உதவிகள் நன்றாக இருக்கும். அப்பா வழி சொத்துக்கள் மூலம் ஆதாயம் உண்டு. தர்ம காரியங்கள் செய்ய முடியும். அறப்பணிகளில் ஈடுபட்டு நல்ல பெயர் வாங்குவீர்கள்.
சுயதொழில், வியாபாரம் போன்றவைகளில் இதுவரை இருந்து வந்த மந்தநிலை விலகி அனைத்தும் இனிமேல் சுறுசுறுப்பாக நடக்கும். குருவின் சிறப்புப் பார்வை உங்களின் ஜீவன ஸ்தானத்தில் விழுவதால் குரு பார்க்க கோடி நன்மை எனும் பழமொழிப்படி நல்லலாபமும் வருமானமும் கண்டிப்பாக கிடைக்கும்.
சுயதொழில் செய்வர்கள் சிறப்பான தொழில் வளர்ச்சியை காண்பார்கள். வியாபாரிகளுக்கு அற்புதமான காலகட்டம் இது. புதிய தொழில் ஆரம்பிக்கவோ, கிளைகள் ஆரம்பிக்கவோ, இருக்கும் தொழிலை விரிவாக்கம் செய்யவோ ஏற்ற நேரம். எனவே, தயக்கத்தையும், யோசனைகளையும் உதறித் தள்ளி சுறுசுறுப்பாக வேலைகளை கவனிக்க ஆரம்பித்தால் வெற்றிக்கொடி நாட்டலாம்.
தொழிலில் சிக்கல்களை சந்தித்துக் கொண்டிருந்தவர்கள் இனிமேல் அது முன்னேற்றப் பாதையில் செல்வதைக் காண்பீர்கள். தொழிலாளர்கள் உங்களுக்கு ஆதரவாக இருந்து உற்பத்தியை மேலும் பெருக்கித் தருவார்கள். சரியான வருமானம் இல்லாமல் அவதிப்பட்டுக் கொண்டிருந்தவர்களுக்கு இனிமேல் நிலையான ஒரு தொழில் அமைப்பு உருவாகி மாதாமாதம் நிரந்தர வருமானம் வரும்.
விவசாயிகளுக்கு இந்த குருப்பெயர்ச்சி மிகுந்த நன்மையை அளிக்கும். விளைந்த பயிர் சிந்தாமல் சிதறாமல் வீட்டிற்கு பொன்னாக வரும். குடியானவனின் வீட்டில் குதூகலமும், சுப நிகழ்ச்சிகளும் இருக்கும். குறிப்பாக பணப்பயிர் விளைவிக்கும் விவசாயிகளுக்கு மேன்மை உண்டு.
தொழிலதிபர்களுக்கு இதுவரை இருந்து வந்த முட்டுக்கட்டைகள் விலகும். அரசாங்க ஆதரவு உண்டு. இடைத் தரகர்களை நீக்கி நேரடியாக அமைச்சர்களையோ அதிகாரிகளையோ பார்த்து காரியங்களை வெற்றியாக்க முடியும். எந்த ஒரு காரியத்திலும் எடுக்கும் முயற்சிகள் இப்போது பலிதமாகும். இரண்டாமிடத்தில் குரு இருக்கப் போவதால் பெண்களுக்கு குடும்பத்தில் நற்பெயரும் கௌரவமும் கிடைக்கும். பெண்களின் ஆலோசனை ஆண்களால் ஏற்கப்படும். வேலைக்குச் செல்லும் மகளிருக்கு பதவிஉயர்வு கூடுதல்சம்பளம் போன்ற நல்ல பலன்கள் இருக்கும். அதிகாரிகளால் பாராட்டப் படுவீர்கள். உடன் பணிபுரியும் ஆண்களின் ஒத்துழைப்பும் உங்களுக்கு கிடைக்கும்.
பெண்கள் நீண்டநாட்களாக நினைத்திருந்த காரியம் இந்தக் குருப்பெயர்ச்சியில் நிறைவேறும். அனைவரிடமும் பாராட்டுப் பெறுவீர்கள். பட்டுச்சேலை முதல் பாதக்கொலுசு வரை வாங்குவீர்கள். கேட்டது கேட்ட இடத்தில் உங்களுக்கு கிடைக்கும். குடும்பத்திலும் அலுவலகத்திலும் கௌரவமாக நடத்தப் படுவீர்கள்.
வீட்டிற்கு தேவையான பொருட்களை வாங்க முடியும். மனதில் உற்சாகமும் புத்துணர்ச்சியும் இருக்கும். குடும்பத்தில் குதூகலம் நிலவும். இன்பச் சுற்றுலா சென்று வருவீர்கள். கணவன் மனைவி உறவு நன்றாக இருக்கும். சகோதரர்கள் உதவுவார்கள்.
குழந்தைகளின் எதிர்காலத்திற்கான திட்டங்களை இப்போது செய்ய முடியும். இதுவரை சொந்த வீடு இல்லாதவர்களுக்கு வீடு கட்டும் வாய்ப்போ அல்லது கட்டிய பழைய வீடோ வாங்கும் யோகம் வருகிறது. மாணவர்களுக்கு பள்ளி கல்லூரிகளில் இனிய சம்பவங்கள் நிகழும். படிப்பது மனதில் பதியும். தேர்வுகளை நன்றாக எழுத முடியும்.
மத்திய மாநில நிர்வாகப் பதவிகளுக்கான ஐ. ஏ. எஸ், குரூப்ஒன் தேர்வுகளுக்கு படிப்பவர்களுக்கும் ஏற்கனவே எழுதி முடிவுகளுக்கு காத்துக் கொண்டிருப்பவர்களுக்கும் நல்ல செய்திகள் கிடைக்கும். இதுவரை வெளிமாநில வேலைக்குச் செல்ல இருந்த தடைகள் விலகும்.
விருச்சிக ராசிக்கு அற்புதமான காலகட்டம் இது. நீங்கள் நினைப்பது நிறைவேறும். தொட்டது துலங்கும். இந்தக் குருப்பெயர்ச்சி உங்கள் எதிர்காலத்திற்கான அடித்தளங்களை அமைத்துத் தருவதாக அமையும். பரம்பொருளின் அருளினால் இதைப் பயன்படுத்தி வாழ்க்கையை வளமாக்கிக் கொள்வீர்கள் என்பது உறுதி.
பரிகாரங்கள்:
குரு தரும் நன்மைகளை முழுமையாகப் பெற புகழ்பெற்ற திருத்தலமான ஆலங்குடி சென்று சிறப்பு ஆராதனைகளை செய்யுங்கள். ஒரு வியாழக்கிழமை பகல் ஒரு மணியிலிருந்து இரண்டு மணிக்குள் குரு ஹோரையில் ஒரு யானைக்கு அதற்கு விருப்பமான உணவு என்ன என்று பாகனிடம் கேட்டு தெரிந்து கொண்டு உணவிடுவது மிகுந்த நன்மை தரும்.
ஆதித்ய குருஜி செல்: 8870 99 8888
ராகுகேது பெயர்ச்சி பலன்கள்
விருச்சிக ராசிக்காரர்களுக்கு சென்ற முறை அஷ்டம ராகுவாக இருந்து கடுமையான பலன்களைக் கொடுத்து வந்த ராகு அந்த சாதகமற்ற நிலையில் இருந்து விலகி இம்முறை ஏழாமிடத்திற்குச் செல்கிறார். இதுவும் ஒரு சுமாரான நிலைதான் என்றாலும் அஷ்டம ராகு போலத் துன்பங்கள் இருக்காது என்பதால் ஒருவகையில் இது உங்களுக்கு நல்ல அமைப்புத்தான்.
அதேபோல இதுவரை உங்களின் இரண்டாமிடத்தில் இருந்து பொருளாதாரச் சிக்கல்களை கொடுத்து வந்த கேதுவும் இப்போது உங்கள் ராசிக்கே மாறுகிறார். ராசியில் இருக்கும் கேது சுபத்துவமும் சூட்சும வலுவும் பெறுவதால் கேதுவால் உங்களுக்கு கெடுதல்கள் இல்லாமல் நன்மைகள் இருக்கும்.
சென்ற காலங்களில் விருச்சிக ராசிக்கு இருந்து வந்த சரியில்லாத கோட்சார நிலையினால் சிலருக்கு கசப்பான அனுபவங்களும், சிக்கல்களும், கடன் தொல்லைகளும், உடல்நலப் பிரச்னைகளும் இருந்து வந்தன. தற்போதைய ராகுகேது பெயர்ச்சிக்குப் பிறகும் மாறும் கிரக நிலைகளால் உங்களுடைய அந்தஸ்து, கௌரவம், சிந்தனை, செயல்திறன் அனைத்தும் பொலிவடையும். உங்கள் உடலும், மனமும் புத்துணர்ச்சி பெறும். இதுவரை மனதில் இருந்து வந்த குழப்பங்கள் விலகும்.
விருச்சிகத்திற்கு இனி என்றும் வேதனைகள் இல்லை. நீங்கள் கஷ்டப்பட்ட காலங்கள் போய்விட்டது. அடுத்தடுத்து நடக்க இருக்கும் கோட்சார கிரக மாறுதல்கள் அனைத்தும் இனி உங்களுக்கு நன்மைகளை மட்டுமே செய்யும். இனி விருச்சிக ராசியினர் அனைவரும் நன்றாக இருக்கப் போகிறீர்கள்.
இந்தப் பெயர்ச்சியால் ஏழாமிடத்திற்கு ராகு மாறினாலும் வரும் நவம்பர் மாதம் முதல் மூன்றாமிடத்திற்கு மாறும் குருவின் பார்வையை பெறப்போவதால் உங்களுக்கு கெடுபலன்களை ராகு செய்யமாட்டார். இப்போது கஷ்டப்பட்டுக் கொண்டிருக்கும் விருச்சிக ராசிக்காரர்கள் அனைவரையும் சந்தோஷமாக இருக்க வைப்பதே குரு பார்த்த ராகுவின் பலனாக இருக்கும்.
ஏழில் சுபத்துவமாக அமரும் ராகுவால் ஏற்கனவே மணவாழ்வில் குறைகள் இருந்தவர்கள் வாழ்க்கைத் துணையால் நிம்மதிக் குறைவை சந்தித்தவர்கள் இனிமேல் அது நீங்கப் பெறுவீர்கள். கருத்துவேறுபாடுகளாலோ, வேலை விஷயமாகவோ பிரிந்திருந்த தம்பதியினர் ஒன்று சேர்வீர்கள்.
கூட்டுத்தொழிலில் இதுவரை இருந்து வந்த கருத்து வேறுபாடு நீங்கி பங்குதாரர்களிடையே இணக்கமான சூழ்நிலை உருவாகி தொழில் மேன்மை பெறும். தவறான மூன்றாம் நபர்களால் பிரிக்கப்பட்ட நண்பர்களும், குடும்ப உறுப்பினர்களும் ஒன்று சேர்வீர்கள். சண்டை போட்டுக் கொண்டிருந்த எதிர்கால தம்பதியினர் தவறுகளை உணர்ந்து ஒருவருக்கொருவர் குணங்களை மாற்றிக் கொள்வீர்கள். இதுவரை தாமதமான இளைய பருவத்தினருக்கு உடனடியாக திருமணம் கூடி வரும்.
இதுவரை உங்களை விட்டு விலகியிருந்த சுறுசுறுப்பு மீண்டும் உங்களிடம் வந்து ஒட்டிக்கொள்ளும்\. தவறான முடிவுகளை எடுத்து வருந்திக் கொண்டிருந்தவர்கள் இப்போது உங்களை சீர்ப்படுத்திக் கொள்வீர்கள். ஏற்கனவே எடுக்கப்பட்ட முடிவுகளால் ஏற்பட்ட பாதிப்புகளுக்கு தற்போது நிவாரணம் கிடைக்கும்.
உங்கள் சிந்தனை தெளிவாக இருக்கும். பேச்சு சிறக்கும், செயல்திறன் கூடும், உங்களுடைய நல்ல வார்த்தைகளைக் கொண்ட பேச்சுக்களால் அடுத்தவர்களால் விரும்பப்படுவீர்கள். குறிப்பிட்ட சிலருக்கு இதுவரை இருந்து வந்த தாழ்வு மனப்பான்மை இனிமேல் நீங்கும்.
கேதுவின் முக்கிய பலனாக குறிப்பிட்ட சில விருச்சிக ராசிக்காரர்களுக்கு இதுவரை இல்லாத அளவிற்கு ஆன்மீக ஈடுபாடு அதிகரிக்கும். சிலருக்கு கோவில் பணி செய்யும் பாக்கியம் கிடைக்கும். சிலர் சிதிலமடைந்து கவனிப்பாரற்று கிடைக்கும் பழைய கோவில்களை புனருத்தானம் செய்வித்து அதன் மூலம் ஏழு தலைமுறைக்குத் தேவையான புண்ணியத்தை சேர்த்துக் கொள்வீர்கள்.
உங்கள் உடலும் மனமும் புத்துணர்ச்சி பெறும். முகத்தில் எந்நேரமும் சந்தோஷம் தெரியும். இதுவரை மனதில் இருந்து வந்த குழப்பங்கள் விலகும். சென்ற காலங்களில் உங்களை வாட்டி வதைத்த சோம்பல், மந்தம், விரக்தி மற்றும் தோல்வி மனப்பான்மைகள் இனி உங்களிடம் நெருங்காது.
அடுத்தடுத்து வரும் நல்ல கிரக நிலைகளால் புதிய மனிதரைப் போல உணருவீர்கள். உங்களின் அந்தஸ்து மதிப்பு அனைத்தும் உயரும் நேரம் இது. அடுத்தவர்களால் கௌரவமாக நடத்தப் படுவீர்கள். நீங்கள் தொட்டது துலங்கும் நேரம் இது. நீங்கள் நினைத்தது நடக்கும் காலம் இது. பிறந்த ஜாதகத்தில் நல்ல யோக தசா புக்திகள் நடந்து கொண்டு இருந்தால் உங்களில் சிலர் சாதனைகளை படைத்து புகழின் உச்சிக்கு செல்வீர்கள்.
பரிகாரங்கள்
ராகு கேதுக்களால் ஏற்படும் நன்மைகளைக் கூட்டிக் கொள்ள ஒரு முறை ஸ்ரீகாளஹஸ்தி திருநாகேஸ்வரம் குன்றத்தூர் நாகநாதசுவாமி திருக்கோவில் காஞ்சிபுரம் சித்திரகுப்தன் ஆலயம் போன்ற திருத்தலங்களுக்குச் சென்று வழிபட்டு வாருங்கள்.
ஜோதிடக்கலை அரசு ஆதித்யகுருஜி
(செல்: 8870 99 8888)
