முன்னோட்டம்
விருது பெற்று குறும்பட இயக்குநர் தாமோதரன் செல்வகுமார் இயக்கத்தில் உருவாகி இருக்கும் 'ஆத்மிகா' படத்தின் முன்னோட்டம்.
சில குறும்படங்கள் இயக்கியதுடன் பெங்களூரில் நடைபெற்ற 'ஆசிய விருதுகள்' திரைப்பட விழாவில் தான் இயக்கிய 'மூடர் 'குறும் படத்திற்காகச் சிறந்த இயக்குநருக்கும் சிறந்த வசனகர்த்தாவுக்கும் என இரு விருதுகள் பெற்றவர் தாமோதரன் செல்வகுமார். இவர் தற்போது இயக்கியுள்ள படத்திற்கு 'ஆத்மிகா' என்று பெயர் வைத்து இருக்கிறார்கள்.
இப்படத்தில் வெற்றிவேல் படத்தில் சசிகுமாரின் தம்பியாக நடித்தவரும் பிரேமம், நேரம் போன்ற படங்களில் நடித்தவருமான ஆனந்த்நாக் நாயகனாக நடித்துள்ளார். விஜே ஐஸ்வர்யா முத்துசிவம் நாயகியாக நடித்துள்ளார். மற்றும் ஜீவா ரவி, பிர்லா போஸ் முக்கிய கதாபாத்திரங்களில் நடித்துள்ளார்கள்.
இப்படத்திற்கு கலைசக்தி ஒளிப்பதிவு செய்துள்ளார். சரண்குமார் இசையமைத்துள்ளார். படத்தொகுப்பை ராஜேஷ் கவனிக்க, கலை இயக்கத்தை கார்த்தி மேற்கொள்ள, சண்டைக்காட்சிகளை ஆனந்த் அமைத்துள்ளார்.