சினிமா செய்திகள்

அருண் விஜய்

பைரசியில் படம் பார்க்கக்கூடாது என்ற எண்ணம் வரும் - நடிகர் அருண் விஜய்

Update: 2022-08-17 14:05 GMT
  • அறிவழகன் இயக்கத்தில் உருவாகியுள்ள வெப்தொடர் தமிழ் ராக்கர்ஸ்.
  • இந்த தொடரில் அருண் விஜய் முக்கிய கதாபாத்திரத்தில் நடித்திருக்கிறார்.

இயக்குனர் அறிவழகன் இயக்கத்தில் அருண் விஜய் முதன்மை கதாபாத்திரத்தில் நடித்திருக்கும் வெப்தொடர் தமிழ் ராக்கர்ஸ். இந்த தொடரில் வாணி போஜன், ஐஸ்வர்யா மேனன், அழகம் பெருமாள், வினோதினி வைத்தியநாதன் மற்றும் எம்.எஸ்.பாஸ்கர் ஆகியோர் முக்கிய கதாபாத்திரத்தில் நடித்திருக்கின்றனர். இந்த தொடரை மனோஜ் குமார் கலைவாணன் எழுத ஏவிஎம் புரொடக்‌ஷன் நிறுவனம் தயாரித்துள்ளது.


தமிழ் ராக்கர்ஸ்

இந்த வெப் தொடர் ஆகஸ்ட் 19ஆம் தேதி வெளியாகவுள்ள நிலையில், பத்திரிகையாளர்களுக்கான சிறப்புக் காட்சி திரையிடப்பட்டது. அதன் பின்னர் பத்திரிகையாளர்களிடம் அருண் விஜய் பேசியதாவது, " இந்த வெப்சீரிஸ் பார்த்த பிறகு இனி பைரசியில் படம் பார்க்கக்கூடாது என்ற எண்ணம் எல்லோருக்குமே ஆழ்மனதில் ஏற்படும்.

சினிமா எடுப்பதில் எவ்வளவு கஷ்டங்கள் உள்ளது என்பதையும் இந்த சீரிஸில் காட்டியிருக்கிறோம். இயக்குனர் அறிவழகனுடன் மூன்றாவது முறையாக இணைந்திருக்கிறேன். சீரிஸில் சில கற்பனையான விஷயங்களும் உள்ளன" என்று பேசினார்.

Tags:    

Similar News