மூளை செல் நோயால் பாதிக்கப்பட்டுள்ள பிரபல ஹாலிவுட் நடிகர் புரூஸ் வில்லிஸ்

ஹாலிவுட்டில் முன்னணி நடிகராக வலம் வந்தவர் புரூஸ் வில்லிஸ்(வயது66). இவரது நடிப்பில் வெளியான டைஹார்ட் சீரியஸ் படங்கள் பெரும் வெற்றி பெற்றன. இவர் தனது நடிப்பிற்காக பல்வேறு விருதுகளை பெற்றுள்ளார். இந்த நிலையில் புரூஸ் வில்லிஸ் உடல் நலக்குறைவு காரணமாக கடந்த ஆண்டு சினிமாவை விட்டு விலகினார். இந்த நிலையில் புரூஸ் வில்லிஸ் மூளை பாதிப்பு நோயால் பாதிக்கப்பட்டுள்ளதாக அவரது குடும்பத்தினர் தெரிவித்துள்ளனர்.

புரூஸ் வில்லிஸ்

இதுகுறித்து அவரது குடும்பத்தினர் கூறியதாவது, புரூஸ் வில்லிஸ் மூளை பாதிப்பு நோயால் பாதிக்கப்பட்டுள்ளார். இந்த நோய் பாதித்தவர்களின் மூளை செல்களில் பெரும் பாதிப்பை இது ஏற்படுத்தும். செயல் திறனில் குறைபாடும், பேச்சில், எழுத்தில் மற்றும் புரிந்து கொள்வதிலும் தடுமாற்றம் ஏற்படும் என அவர்கள் தெரிவித்துள்ளனர்