சினிமா
விக்ரம் மகன் துருவ் விக்ரம் நடித்து வரும் ‘வர்மா’ படத்தில் ரஜினியுடன் ‘காலா’ படத்தில் நடித்த நடிகை முக்கிய கதாபாத்திரத்தில் நடித்து வருவதாக செய்திகள் வெளியாகியுள்ளது.
காலா படத்தில் ரஜினிக்கு ஜோடியாக செல்வி என்ற கதாபாத்திரத்தில் நடித்திருக்கிறார் ஈஸ்வரி ராவ். ரஜினியுடன் நடிக்க இளம் நடிகைகள் எல்லாம் போட்டி போட ஈஸ்வரி ராவை தேர்வு செய்து இருக்கிறார்கள்.
காலா படம் வெளியாவதற்கு முன்பே இன்னொரு தமிழ் படத்தில் ஒப்பந்தமாகி நடிக்கவும் தொடங்கி விட்டார். பாலா இயக்க விக்ரம் மகன் அறிமுகமாகும் வர்மா படத்தில் ஈஸ்வரி ராவ் முக்கிய வேடம் ஒன்றில் நடிக்கிறார். இதை படக்குழு ரகசியமாக வைத்து இருக்கிறது.
வர்மா படம் தெலுங்கில் வெளியான அர்ஜுன் ரெட்டி படத்தின் தழுவல். அந்த படத்தில் ஒரு வேலைக்காரி வேடம் இருக்கும். அந்த வேடத்தையே பெரிய கதாபாத்திரமாக்கி அதில் நடிக்க வைத்துள்ளார் பாலா.