ஆட்டோமொபைல்

இசுசு நிறுவனம் தனது டி மேக்ஸ் வி கிராஸ் மாடலை இந்திய சந்தையில் அப்டேட் செய்தது. புதிய மேம்பட்ட மாடலில் கூடுதலாக பாதுகாப்பு அம்சங்கள் வழங்கப்பட்டுள்ளன. 2024 இசுசு டி மேக்ஸ் வி கிராஸ் மாடலின் விலை ரூ. 21 லட்சத்து 20 ஆயிரம் என துவங்குகிறது. இதன் டாப் எண்ட் மாடல் விலை ரூ. 26 லட்சத்து 92 ஆயிரம் ஆகும். அனைத்து விலைகளும் எக்ஸ் ஷோரூம் அடிப்படையில் குறிப்பிடப்பட்டு இருக்கிறது.

இந்திய சந்தையில் புதிய இசுசு டி மேக்ஸ் வி கிராஸ் மாடலுக்கான முன்பதிவுகள் துவங்கியுள்ளன. விரைவில் இதன் வினியோகம் துவங்கும். மேம்பட்ட டி மேக்ஸ் வி கிராஸ் மாடலின் வெளிப்புற பம்ப்பர், பாக் லேம்ப் கிளஸ்டர், கிரில், ORVMகள் மற்றும் ரூப் ரெயில் உள்ளிட்டவைகளில் டார்க் கிரே அக்சென்ட் செய்யப்பட்டுள்ளது.

இந்த மாடலின் 18 இன்ச் அலாய் வீல்கள் பிளாக்டு-அவுட் செய்யப்பட்டுள்ளன. உள்புறம் அதிகளவு மாற்றங்கள் செய்யப்படவில்லை. எனினும், பாதுகாப்பு விஷயத்தில் கூடுதல் அம்சங்கள் வழங்கப்பட்டு இருக்கின்றன. இதில் டிராக்ஷன் கண்ட்ரோல், இ.எஸ்.சி., ஹில் அசிஸ்ட், ஹில் டிசெண்ட் மற்றும் 3-பாயின்ட் சீட் பெல்ட்கள், சீட் பெல்ட் ரிமைன்டர் உள்ளிட்டவை அடங்கும்.

பவர்டிரெயினை பொருத்தவரை 2023 இசுசு டி மேக்ஸ் வி கிராஸ் மாடலில் 1.9 லிட்டர், நான்கு சிலிண்டர்கள் கொண்ட டீசல் என்ஜின் வழங்கப்பட்டுள்ளது. இந்த என்ஜின் 163 ஹெச்.பி. பவர், 360 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இத்துடன் 6 ஸ்பீடு மேனுவல் அல்லது டார்க் கன்வெர்ட்டர் ஆட்டோமேடிக் டிரான்ஸ்மிஷன் வழங்கப்படுகிறது. இந்த பிக்கப் டிரக் 4x2 மற்றும் 4x4 என இருவித வெர்ஷன்களிலும் கிடைக்கிறது. 

போர்ஸ் மோட்டார்ஸ் நிறுவனம் இந்திய சந்தையில் 2024 குர்கா சீரிஸ் மாடல்களை அறிமுகம் செய்தது. புதிய 2024 போர்ஸ் குர்கா மாடலின் மூன்று கதவுகள் கொண்ட மாடலின் விலை ரூ. 16 லட்சத்து 75 ஆயிரம் என்றும் ஐந்து கதவுகள் கொண்ட மாடலின் விலை ரூ. 18 லட்சம் என்றும் நிர்ணயம் செய்யப்பட்டு உள்ளது. அனைத்து விலைகளும் எக்ஸ்-ஷோரூம் அடிப்பைடயில் குறிப்பிடப்பட்டு இருக்கிறது.

2024 போர்ஸ் குர்கா மாடலுக்கான முன்பதிவுகள் ஏற்கனவே துவங்கி நடைபெற்று வருகிறது. முன்பதிவு கட்டணம் ரூ. 25 ஆயிரம் ஆகும். 2024 குர்கா மாடலின் வெளிப்புறம் புதிய அலாய் வீல்கள், ஹெட்லேம்ப்கள் மற்றும் கிரில் வழங்கப்பட்டு இருக்கிறது.

உள்புறத்தில் புதிய இருக்கை மேற்கவர்கள், டிஜிட்டல் இன்ஸ்ட்ரூமென்ட் கிளஸ்டர் வழங்கப்பட்டுள்ளது. இத்துடன் TPMS, முன்புறம் டூயல் ஏர்பேக், 8.0 இன்ச் டிஸ்ப்ளே கொண்ட இன்போடெயின்மென்ட் சிஸ்டம் வழங்கப்பட்டு இருக்கிறது. புதிய குர்கா மாடலில் 2.6 லிட்டர் டீசல் என்ஜின் வழங்கப்பட்டுள்ளது.

இந்த என்ஜின் 132 ஹெச்.பி. பவர், 320 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இத்துடன் 6 ஸ்பீடு மேனுவல் கியர்பாக்ஸ் வழங்கப்படுகிறது. இந்த காரின் மூன்று கதவுகள் மற்றும் ஐந்து கதவுகள் கொண்ட வேரியண்டில் 4 வீல் டிரைவ் வசதி ஸ்டான்டர்டு அம்சமாக வழங்கப்படுகிறது.

இந்திய சந்தையில் புதிய போர்ஸ் குர்கா மாடல் மாருதி ஜிம்னி மற்றும் மஹிந்திரா தார் என்ட்ரி லெவல் மாடலுக்கு போட்டியாக அமைகிறது.

பஜாஜ் ஆட்டோ நிறுவனத்தின் அதிகம் எதிர்பார்க்கப்பட்ட பல்சர் NS400Z மோட்டார்சைக்கிள் இந்திய சந்தையில் அறிமுகம் செய்யப்பட்டது. புதிய பல்சர் NS400Z விலை ரூ. 1 லட்சத்து 85 ஆயிரம், எக்ஸ் ஷோரூம் என நிர்ணயம் செய்யப்பட்டு உள்ளது. இந்த பைக் பஜாஜ் நிறுவனம் இதுவரை அறிமுகம் செய்ததிலேயே சக்திவாய்ந்த பல்சர் மோட்டார்சைக்கிள் ஆகும்.

தோற்றத்தில் பல்சர் NS400Z மோட்டார்சைக்கிள் NS200 மாடலை தழுவி உருவாக்கப்பட்டு இருக்கிறது. இந்த பைக்கின் ஹெட்லைட் அளவில் பெரியதாகவும், எல்.இ.டி. ப்ரோஜெக்டர் லைட் மற்றும் டி.ஆர்.எல்.கள் வழங்கப்பட்டுள்ளன. இதன் டெயில் லைட் NS200 மாடலில் உள்ளதை போன்றே வழங்கப்படுகிறது.

அம்சங்களை பொருத்தவரை பல்சர் NS400Z மாடலில் எல்.இ.டி. லைட்கள், ஸ்விட்ச் செய்யக்கூடிய டிராக்ஷன் கண்ட்ரோல், நான்கு ரைட் மோட்கள் வழங்கப்படுகின்றன. இத்துடன் டிஜிட்டல் இன்ஸ்ட்ரூமென்ட் கிளஸ்டர், எல்.சி.டி. யூனிட் மற்றும் ப்ளூடூத் கனெக்டிவிட்டி வழங்கப்பட்டு இருக்கிறது.

புதிய பல்சர் NS400Z மாடலில் டாமினர் 400 மாடலில் உள்ளதை போன்றே 373சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 39.4 ஹெச்.பி. பவர், 35 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இத்துடன் 6 ஸ்பீடு கியர்பாக்ஸ், ஸ்லிப் மற்றும் அசிஸ்ட் கிளட்ச் வழங்கப்பட்டுள்ளது.

பி.எம்.டபிள்யூ. நிறுவனத்தின் சத்திவாய்ந்த கார்களில் ஒன்றான M4 காம்படிஷன் மாடல் இந்திய சந்தையில் அறிமுகமானது. புதிய கூப் மாடலில் பி.எம்.டபிள்யூ. எக்ஸ் டிரைவ் ஆல் வீல் டிரைவ் சிஸ்டம் வழங்கப்பட்டு இருக்கிறது.

இத்துடன் S58 ஆறு சிலிண்டர்கள் கொண்ட டர்போ என்ஜின் வழங்கப்பட்டுள்ளது. இந்த கார் முழுமையாக அசெம்பில் செய்யப்பட்ட நிலையில், இந்தியா கொண்டுவரப்படுகிறது. புதிய பி.எம்.டபிள்யூ. M சீரிஸ் காரில் உள்ள என்ஜின் 530 ஹெச்.பி. பவர், 650 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

இந்த கார் மணிக்கு 100 கிலோமீட்டர்கள் வேகத்தை 3.5 நொடிகளில் எட்டிவிடும். இத்துடன் 8 ஸ்பீடு ஆட்டோமேடிக் கியர்பாக்ஸ் வழங்கப்படுகிறது. என்ஜின், சேசிஸ், ஸ்டீரிங், பிரேக்கிங் சிஸ்டம் மற்றும் டிராக்ஷன் கண்ட்ரோல் போன்ற செட்டிங்களை இயக்குவதற்காக சென்டர் கன்சோலில் பட்டன் ஒன்று வழங்கப்பட்டு இருக்கிறது.

2024 M4 காம்படிஷன் மாடலின் விலை ரூ. 1 கோடியே 53 லட்சம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

கே.டி.எம். இந்தியா நிறுவனம் தனது மிகப்பெரிய மோட்டார்சைக்கிள் மாடல்களை இந்திய சந்தையில் அறிமுகம் செய்ய இருப்பதாக தகவல் வெளியாகி உள்ளது. முதற்கட்டமாக தேர்வு செய்யப்பட்ட நகரங்களில் கே.டி.எம்.-இன் பெரிய பைக்குகள் அறிமுகம் செய்யப்பட இருக்கின்றன.

தற்போது கே.டி.எம். இந்தியா நிறுவனம் புதிய 390 டியூக் மாடலை மட்டுமே பெரிய பைக் பிரிவில் விற்பனை செய்து வருகிறது. இந்த மாடலில் 399சிசி, லிக்விட் கூல்டு, சிங்கில் சிலிண்டர் என்ஜின் வழங்கப்பட்டு இருக்கிறது. இந்த என்ஜின் 40 ஹெச்.பி. பவர், 30 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது.

தற்போதைய தகவல்களின் படி கே.டி.எம். 890 டியூக் ஸ்டிரீட் நேக்கட், 890 அட்வென்ச்சர் அல்லது 990 டியூக் மற்றும் 1390 சூப்பர் டியூக் மாடல்கள் இந்திய சந்தையில் அறிமுகம் செய்யப்படும் என்று தெரிகிறது. 890 டியூக் மாடல் அதிக அம்சங்கள், புதிய தொழில்நுட்பங்களை கொண்டிருக்கிறது.

இதில் கே.டி.எம். 890 டியூக் மாடல் அந்நிறுவனத்தின் கே.டி.எம். 790 டியூக் மாடலை தழுவி உருவாக்கப்பட்டு இருக்கிறது. 890 அட்வென்ச்சர் மாடல் இந்திய சந்தையில் நல்ல வரவேற்பை பெறும் என்று தெரிகிறது.

டூரிங் மற்றும் ஆஃப் ரோட் ரைடிங் என இருவித பயன்பாடுகளுக்கும் ஏற்ற மாடலாக 890 அட்வென்ச்சர் விளங்குகிறது. இந்திய சந்தையில் இந்த பைக் டிரையம்ப் டைகர் 900 மற்றும் சுசுகி வி ஸ்டாம் 800DE மாடல்களுக்கு போட்டியாக அமையும்.

இந்திய சந்தையில் கே.டி.எம்.-இன் பெரிய பைக் மாடல்கள் அடுத்த ஆண்டு அறிமுகம் செய்யப்படும் என்று கூறப்படுகிறது. 

மாருதி சுசுகி நிறுவனத்தின் முற்றிலும் புதிய ஸ்விப்ட் கார் முன்பதிவு துவங்கியுள்ளது. புதிய ஸ்விப்ட் காருக்கான முன்பதிவு கட்டணம் ரூ. 11 ஆயிரம் ஆகும். இந்திய சந்தையில் புதிய மாருதி ஸ்விப்ட் மாடல் மே 9 ஆம் தேதி அறிமுகம் செய்யப்படுகிறது.

இந்தியாவில் மிகவும் பிரபலமான ஸ்விப்ட் காரின் நான்காவது தலைமுறை மாடல் இது ஆகும். புதிய ஸ்விப்ட் மாடல் பெட்ரோல் மற்றும் சி.என்.ஜி. என இருவித பவர்டிரெயின் ஆப்ஷன்களில் கிடைக்கும் என்று தெரிகிறது.

கடந்த ஆண்டு ஜப்பானில் அறிமுகம் செய்யப்பட்ட புதிய ஸ்விப்ட் மாடல் முற்றிலும் புதிய எல்.இ.டி. ஹெட்லேம்ப்கள், வீல்கள், எல்.இ.டி. டெயில் லேம்ப்கள், டோர் ஹேண்டில்களை கொண்டிருக்கிறது. காரின் உள்புறம் ஃபுளோட்டிங் டிஸ்ப்ளே, அளவில் பெரிய MID மற்றும் கிளைமேட் கண்ட்ரோல் இன்டர்ஃபேஸ் உள்ளது.

புதிய மாருதி ஸ்விப்ட் மாடல் LXi, VXi மற்றும் Zxi வேரியண்ட்களில் கிடைக்கும் என்று கூறப்படுகிறது. சர்வதேச சந்தையில் புதிய ஸ்விப்ட் மாடல் 1.2 லிட்டர் பெட்ரோல், மைல்டு ஹைப்ரிட் தொழில்நுட்பம் கொண்டிருக்கும் என்று தேரிகிறது. இந்திய சந்தையில் இந்த மாடல் K12C 1.2 லிட்டர் நான்கு சிலிண்டர்கள் கொண்ட பெட்ரோல் என்ஜினுடன் கிடைக்கலாம்.

விலையை பொருத்தவரை புதிய மாருதி ஸ்விப்ட் மாடல் ரூ. 6.5 லட்சத்தில் துவங்கி அதிகபட்சம் ரூ. 10 லட்சம் வரை நிர்ணயம் செய்யப்படலாம். இந்திய சந்தையில் புதிய ஸ்விப்ட் மாடல் ரெனால்ட் க்விட், மாருதி வேகன் ஆர், மாருதி செலரியோ, டாடா பன்ச் மற்றும் ஹூண்டாய் எக்ஸ்டர் போன்ற மாடல்களுக்கு போட்டியாக அமையும்.

ஆம்பியர் எலெக்ட்ரிக் நிறுவனம் இந்திய சந்தையில் தனது முற்றிலும் புதிய எலெக்ட்ரிக் ஸ்கூட்டர் - ஆம்பியர் நெக்சஸ் மாடலை அறிமுகம் செய்தது. புதிய எலெக்ட்ரிக் ஸ்கூட்டர் விலை ரூ. 1 லட்சத்து 10 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய நெக்சஸ் மாடல் ஆம்பியர் நிறுவனத்தின் முதல் பிரீமியம் எலெக்ட்ரிக் ஸ்கூட்டர் ஆகும்.

ஆம்பியர் நெக்சஸ் மாடல் EX மற்றும் ST என இரண்டு வேரியண்ட்களில் கிடைக்கிறது. இந்த ஸ்கூட்டர் சான்ஸ்கர் அக்வா, ஸ்டீல் கிரே, இந்தியன் ரெட் மற்றும் லூனார் வைட் என நான்குவித நிறங்களில் கிடைக்கிறது. இந்த ஸ்கூட்டரில் 4 கிலோவாட் எலெக்ட்ரிக் மோட்டார் வழங்கப்பட்டு இருக்கிறது.

இந்த ஸ்கூட்டர் பவர் மோடில் மணிக்கு 93 கிலோமீட்டர் வேகத்தில் செல்லும் தறன் கொண்டிருக்கிறது. சிட்டி மோடில் இந்த ஸ்கூட்டர் மணிக்கு அதிகபட்சம் 63 கிலோமீட்டர்களும், இகோ மோடில் மணிக்கு அதிகபட்சம் 42 கிலோமீட்டர்கள் வேகத்திலும் செல்லும் வகையில் கட்டுப்படுத்தப்பட்டு இருக்கிறது. ஸ்கூட்டரின் பேட்டரி அளவு 20 சதவீதத்திற்கும் கீழ் குறையும் போது லிம்ப் ஹோம் மோட் செயல்படுத்தப்படுகிறது.

இத்துடன் ரிவர்ஸ் மோட் வசதியும் உள்ளது. இந்த ஸ்கூட்டரில் 3 கிலோவாட் ஹவர், IP67 தர பேட்டரி வழங்கப்பட்டு இருக்கிறது. இந்த பேட்டரியை முழுமையாக சார்ஜ் செய்தால் 136 கிலோமீட்டர்கள் வரையிலான ரேன்ஜ் வழங்கும் என சான்று பெற்றுள்ளது. இத்துடன் 15A மற்றும் 25A என இரண்டு சார்ஜிங் ஆப்ஷன்கள் வழங்கப்படுகிறது. 

மஹிந்திரா நிறுவனத்தின் அதிகம் எதிர்பார்க்கப்பட்ட XUV 3XO மாடல் இந்திய சந்தையில் அறிமுகம் செய்யப்பட்டது. இந்த காரின் விலை ரூ. 7 லட்சத்து 49 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது. புதிய மஹிந்திரா XUV 3XO மாடல் முற்றிலும் புதிய டிசைன், அதிக அம்சங்கள், தொழில்நுட்பங்கள் மற்றும் மேம்பட்ட செயல்திறன் கொண்டிருக்கிறது.

புதிய மஹிந்திரா XUV 3XO மாடல் MX1, MX2, MX3 மற்றும் MX2 ப்ரோ, AX5, AX5L, AX7 மற்றும் AX7L போன்ற வேரியண்ட்களில் கிடைக்கிறது. டிசைனை பொருத்தவரை இந்த மாடலில் C வடிவம் கொண்ட எல்.இ.டி. டி.ஆர்.எல்.கள், ஸ்ப்லிட் எல்.இ.டி. ஹெட்லேம்ப்கள், பிளாக்டு அவுட் கிரில், மெஷ் பேட்டன் மற்றும் மேம்பட்ட முன்புற பம்ப்பர் வழங்கப்படுகிறது.

காரின் பின்புறத்தில் எல்.இ.டி. லைட் பர், எல்.இ.டி. டெயில் லேம்ப்கள் வழங்கப்படுகின்றன. இந்த காரில் டெயில்கேட், ரியர் வைப்பர் மற்றும் வாஷர், ரியர் டிஃபாகர், அகலமான பம்ப்பர் மற்றும் புதிய XUV 3XO லெட்டரிங் வழங்கப்பட்டு இருக்கிறது.

உள்புறம் 10.25 இன்ச் டச் ஸ்கிரீன் இன்போடெயின்மென்ட் சிஸ்டம், ஆல் டிஜிட்டல் இன்ஸ்ட்ரூமென்ட் பேனல் வழங்கப்படுகிறது. இந்த காரில் முற்றிலும் புதிய ஸ்டீரிங் வீல், டூயல் ஜோன் கிளைமேட் கண்ட்ரோல், வயர்லெஸ் சார்ஜர், ஆம்பியண்ட் லைட்டிங், 360 டிகிரி சரவுண்ட் கேமரா, லெதர் இருக்கைகள், ரிவைஸ்டு சென்டர் கன்சோல், ரியர் ஏ.சி. வெண்ட்கள் வழங்கப்படுகின்றன.

மஹிந்திரா XUV 3XO மாடல் 1.2 லிட்டர் டர்போ பெட்ரோல் மற்றும் 1.5 லிட்டர் டீசல் என்ஜின் வழங்கப்படுகிறது. இத்துடன் 6 ஸ்பீடு மேனுவல், மற்றும் 6 ஸ்பீடு டார்க் கன்வெர்ட்டர் யூனிட் வழங்கப்படுகிறது.

பஜாஜ் நிறுவனம் இதுவரை அறிமுகம் செய்ததில் சக்திவாய்ந்த பல்சர் மோட்டார்சைக்கிளை இன்னும் சில நாட்களில் அறிமுகம் செய்ய உள்ளது. பஜாஜ் பல்சர் NS400 பெயரில் அறிமுகமாகும் இந்த பைக் முழுமையான டிஜிட்டல் இன்ஸ்ட்ரூமென்ட் கன்சோல் கொண்டிருக்கும் என்றும் இது முற்றிலும் புதிய NS200 மாடலில் உள்ளதை போன்றே இருக்கும் என்று தெரிகிறது.

இந்த யூனிட் ஸ்மார்ட்போன் கனெக்டிவிட்டி, அழைப்புகள் மற்றும் எஸ்.எம்.எஸ். அலர்ட், நேவிகேஷன் போன்ற வசதிகளை கொண்டிருக்கும் என்று கூறப்படுகிறது. இந்த மோட்டார்சைக்கிள் பல்வேறு நிறங்களில் கிடைக்கும் என்று தெரிகிறது. இந்த மாடலில் ஏ.பி.எஸ். மோட்கள், டிராக்ஷன் கண்ட்ரோல் சிஸ்டம் போன்ற வசதிகள் வழங்கப்படும் என்றும் எதிர்பார்க்கலாம்.

புதிய பஜாஜ் பல்சர் NS400 மாடலில் டாமினர் 400 மாடலில் உள்ளதை போன்ற 373சிசி என்ஜின் வழங்கப்படலாம். இது 39.42 ஹெச்.பி. பவர், 35 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டுள்ளது. இந்த என்ஜினுடன் 6 ஸ்பீடு கியர்பாக்ஸ் வழங்கப்படுகிறது.

இத்துடன் புதிய பல்சர் NS400 மாடலில் முன்புறம் யு.எஸ்.டி. ஃபோர்க்குகள், பின்புறம் மோனோஷாக் யூனிட், பிரேக்கிங்கிற்கு டிஸ்க் பிரேக்குகள் வழங்கப்படுகின்றன. டிசைனை பொருத்தவரை இந்த மாடலில் ஸ்ப்லிட் சீட், டெயில் பகுதியில் கிராப் ரெயில் வழங்கப்படுகிறது. இதன் ஒட்டுமொத்த தோற்றம் NS200 மாடலை தழுவி உருவாக்கப்பட்டு இருக்கும் என்று தெரிகிறது.

அறிமுகம் செய்யப்பட்டதும், இந்திய சந்தையில் பஜாஜ் பல்சர் NS400 மோட்டார்சைக்கிள் கே.டி.எம். 390 டியூக், பி.எம்.டபிள்யூ. G 310 R மற்றும் டி.வி.எஸ். அபாச்சி RTR 310 போன்ற மாடல்களுக்கு போட்டியாக அமையும். 

டொயோட்டா நிறுவனம் இந்திய சந்தையில் தனது ருமியன் காரின் புது வேரியண்டை அறிமுகம் செய்தது. ருமியன் G AT என அழைக்கப்படும் புது வேரியண்ட் விலை ரூ. 13 லட்சம், எக்ஸ்-ஷோரூம் என்று துவங்குகிறது. இந்த காரின் வினியோகம் மே 5 ஆம் தேதி முதல் துவங்குகிறது. புதிய டொயோட்டா ருமியன் G AT வேரியண்டுக்கான முன்பதிவு துவங்கி நடைபெற்று வருகிறது. முன்பதிவு கட்டணம் ரூ. 11 ஆயிரம் ஆகும்.

புது வேரியண்ட் அறிமுகம் செய்த கையோடு ருமியன் சி.என்.ஜி. வேரியண்டுக்கான முன்பதிவுகளை டொயோட்டா நிறுவனம் மீண்டும் துவங்கியது. ருமியன் சி.என்.ஜி. ஆப்ஷன் S வேரியண்டில் கிடைக்கிறது. இதன் விலை ரூ. 11 லட்சத்து 39 ஆயிரம், எக்ஸ்-ஷோரூம் முதல் துவங்குகிறது.

புதிய ருமியன் G AT வேரியண்டில் 1.5 லிட்டர், நான்கு சிலிண்டர்கள் கொண்ட K சீரிஸ் பெட்ரோல் என்ஜின் வழங்கப்படுகிறது. இத்துடன் 6 ஸ்பீடு டார்க் கன்வெர்ட்டர் ஆட்டோமேடிக் டிரான்ஸ்மிஷன் வழங்கப்படுகிறது. இந்த என்ஜின் 102 ஹெச்.பி. பவர், 137 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இந்த கார் லிட்டருக்கு 20.51 கிலோமீட்டர்கள் வரையிலான மைலேஜ் வழங்குகிறது.

அம்சங்களை பொருத்தவரை டொயோட்டா ருமியன் G AT வேரியண்டில் 7 இன்ச் அளவில் டச் ஸ்கிரீன் வசதி கொண்ட இன்போடெயின்மென்ட் சிஸ்டம், வயர்லெஸ் ஆப்பிள் கார் பிளே, ஆண்ட்ராய்டு ஆட்டோ, டொயோட்டா ஐ கனெக்ட் தொழில்நுட்பம், டூயல் ஏர்பேக், ஏ.பி.எஸ். மற்றும் இ.பி.டி., இ.எஸ்.பி., ஹில் ஹோல்டு கண்ட்ரோல், ப்ரோஜெக்டர் ஹெட்லேம்ப்கள், எல்.இ.டி. டெயில் லைட்கள், ஆட்டோமேடிக் கிளைமேட் கண்ட்ரோல், பேடில் ஷிஃப்டர்கள், என்ஜின் ஸ்டார்ட் - ஸ்டாப் பட்டன் வழங்கப்படுகிறது.

பஜாஜ் ஆட்டோ நிறுவனம் தனது செட்டாக் ஸ்கூட்டரின் புது வேரியண்டை அறிமுகம் செய்யும் பணிகளில் ஈடுபட்டு வருகிறது. இதன் மூலம் தனது எலெக்ட்ரிக் ஸ்கூட்டர் மாடலை மேலும் அதிக வாடிக்கையாளர்களிடம் கொண்டுசேர்க்க முடியும் என்று பஜாஜ் ஆட்டோ நிறுவனம் நம்புகிறது.

இதோடு, புதிய வேரியண்ட் மூலம் எலெக்ட்ரிக் இருசக்கர வாகனங்கள் சந்தையில் போட்டியை பலப்படுத்த முடியும் என பஜாஜ் ஆட்டோ நினைக்கிறது. தரம் மற்றும் செயல்திறனில் எவ்வித சமரசமும் இன்றி குறைந்த விலையில் விற்பனைக்கு கொண்டு வரும் நோக்கில் புதிய வேரியண்ட் உருவாக்கப்படுகிறது.

அதன்படி புதிய வேரியண்ட் இளம் வாடிக்கையாளர்களை கவரும் வகையில், பல்வேறு புதிய நிறங்களில் கிடைக்கும் என்று தெரிகிறது. இத்துடன் அலாய் வீல்களுக்கு மாற்றாக அழகிய டிசைன் கொண்ட வீல்கள், டிரம் பிரேக்குகளை கொண்டிருக்கும் என ஸ்பை படங்களில் தெரியவந்துள்ளது.

தற்போது விற்பனை செய்யப்படும் செட்டாக் வேரியண்டில் உள்ள டி.எஃப்.டி. இன்ஸ்ட்ரூமென்ட் ஸ்கிரீனுக்கு மாற்றாக புதிய வேரியண்டில் வட்ட வடிவம் கொண்ட எல்.சி.டி. யூனிட் வழங்கப்படலாம். புதிய வேரியண்டில் மிட்-டிரைவ் மோட்டார் வழங்கப்படும் என்று தெரிகிறது.

இந்த வேரியண்டிலும் 2.9 கிலோவாட் ஹவர் யூனிட் வழங்கப்படலாம். இது முழு சார்ஜ் செய்தால் 113 கிலோமீட்டர்கள் வரையிலான ரேன்ஜ் வழங்கும் என்று தெரிகிறது. இந்திய சந்தையில் புதிய வேரியண்ட் ஓலா S1 X பிளஸ், ஏத்தர் ரிஸ்டா, டி.வி.எஸ். ஐகியூப் மற்றும் சிம்பில் டாட் ஒன் போன்ற மாடல்களுக்கு போட்டியாக அமையும்.

வோக்ஸ்வேகன் நிறுவனம் டைகுன் GT லைன் மற்றும் டைகுன் GT பிளஸ் ஸ்போர்ட் மாடல்களை இந்திய சந்தையில் அறிமுகம் செய்தது. இவற்றின் விலை முறையே ரூ. 14 லட்சத்து 08 ஆயிரம் மற்றும் ரூ. 18 லட்சத்து 53 ஆயிரம், எக்ஸ்-ஷோரூம் என்று நிர்ணயம் செய்யப்பட்டு உள்ளது.

புது வேரியண்ட்கள் கடந்த மாதம் அறிமுகம் செய்யப்பட்ட எஸ்.யு.வி.யின் பிளாக் ஸ்போர்ட் தீம் கொண்ட ஸ்பெஷல் வெர்ஷன் ஆகும். இவை புதிதாக உருவாக்கப்பட்டு இருக்கும் ஸ்போர்ட் லைன் பிரிவில் இடம்பெற்றுள்ளன.

GT பிளஸ் மாடலில் கார்பன் ஸ்டீல் கிரே நிற ரூஃப், முன்புற கிரில், ஃபெண்டர் மற்றும் டெயில்கேட் பகுதிகளில் ரெட் நிறத்தில் "GT" பிராண்டிங் வழங்கப்பட்டு இருக்கிறது. GT லைன் வேரியண்டில் "GT" பிராண்டிங் பிளாக் நிறத்தில் வழங்கப்பட்டு இருக்கிறது.

இரண்டு வேரியண்ட்களிலும் 17 இன்ச் கசினோ பிளாக் அலாய் வீல்கள் வழங்கப்பட்டுள்ளன. GT பிளஸ் வேரியண்டில் முன்புறம் ரெட் நிற கேலிப்பர்கள் வழங்கப்படுகின்றன. உள்புறம் பிளாக் நிற இருக்கை மேற்கவர்கள் வழங்கப்படுகின்றன.

GT பிளஸ் மாடலில் சிவப்பு நிற ஸ்டிட்ச் (தையல்) செய்யப்பட்டுள்ளது. GT லைன் மாடலில் கிரே நிற ஸ்டிட்ச் செய்யப்பட்டுள்ளது. இத்துடன் GT பிளஸ் மாடலில் ரெட் நிற GT லோகோ, அலுமினியம் பெடல்கள், அறிமுக சலுகையாக நான்கு ஆண்டுகளுக்கு சர்வீஸ் வேல்யூ பேக்கேஜ் வழங்கப்படுகிறது.

வோக்ஸ்வேகன் டைகுன் ஸ்போர்ட் GT லைன் மாடலில் 1.0 லிட்டர் TSI என்ஜின் வழங்கப்பட்டு இருக்கிறது. இந்த என்ஜின் 114 ஹெச்.பி.பவர், 178 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது.

புதிய டைகுன் GT பிளஸ் மாடலில் சற்றே சக்திவாய்ந்த 1.5 லிட்டர் TSI பெட்ரோல் என்ஜின் வழங்கப்படுகிறது. இந்த என்ஜின் 148 ஹெச்.பி. பவர், 250 நியூட்டன் மீட்டர் டார்க் இழுவிசையை வெளிப்படுத்தும் திறன் கொண்டிருக்கிறது. இரு என்ஜின்களுடன் 6 ஸ்பீடு மேனுவல் கியர்பாக்ஸ் வழங்கப்படுகிறது.