தொலைநோக்கு திட்டங்கள் இல்லாத பட்ஜெட் - முக ஸ்டாலின்

சென்னை:

தி.மு.க. தலைவர் மு.க.ஸ்டாலின் சட்டசபை வளாகத்தில் இன்று செய்தியாளர்களை சந்தித்தார். அப்போது அவர் கூறியதாவது;

ஓ.பன்னீர்செல்வம் வாசித்த 10-வது பட்ஜெட் யாருக்கும் பத்தாத பட்ஜெட்டாக உள்ளது. மத்திய அரசை தமிழக அரசு எப்படி பின்பற்றுகிறது என்பதற்கு பட்ஜெட் உரை சாட்சி.

குறிப்பிட்ட சில அமைச்சர்களின் துறைக்கு அதிக நிதி ஒதுக்கப்பட்டுள்ளது. அ.தி.மு.க. ஆட்சியில் கடன் தொகை 3 மடங்கு உயர்ந்துள்ளது.

பட்ஜெட்டில் அரசின் கடன் சுமை ரூ. 4.56  லட்சம் கோடி என தெரிவிக்கப்பட்டுள்ளது.

ஒவ்வொருவர் தலை மீதும் ரூ. 57 ஆயிரம் கடன் சுமத்தப்பட்டுள்ளது. பட்ஜெட்டில் தொலை நோக்கு திட்டங்களும் இல்லை. வளர்ச்சி பணிகளும் இல்லை என தெரிவித்துள்ளார்.