என் மலர்

    நீங்கள் தேடியது "Arvind Kejriwal"

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • நாடு முழுவதும் சிறந்த பள்ளிக் கல்வி மற்றும் சுகாதாரத்தை ஐந்து ஆண்டுகளில் ஏற்படுத்த முடியும்.
    • இந்தியாவுக்குப் பிறகு சுதந்திரம் பெற்ற பல நாடுகள் தற்போது அவற்றை வழங்கி விட்டன.

    தலைநகர் டெல்லியில் உள்ள சத்ரசல் ஸ்டேடியத்தில் டெல்லி அரசு சார்பில் நடைபெற்ற சுதந்திர தின விழாவில் பங்கேற்று பேசிய முதலமைச்சர் அரவிந்த் கெஜ்ரிவால், சிறந்த கல்வி மற்றம் சுகாதாரம் அனைத்து மக்களுக்கும் கிடைத்தால், நாட்டின் வறுமையை ஒரே தலைமுறையில் ஒழிக்க முடியும் என்றார்.

    அமெரிக்கா, கனடா, ஜெர்மனி மற்றும் டென்மார்க் போன்ற நாடுகள் தங்களது குடிமக்களுக்கு நல்ல கல்வி மற்றும் சுகாதார வசதிகளை ஏற்படுத்திக் கொடுத்ததன் மூலம் பணக்கார நாடுகளாக மாறின. அதேபோல் ஒவ்வொரு இந்தியருக்கும் சிறந்த சுகாதார வசதி மற்றும் கல்வி கிடைக்கும்போதுதான் மூவர்ணக் கொடி உயரப் பறக்கும் என்றும் அவர் குறிப்பிட்டார்.

    இந்தியாவுக்குப் பிறகு சுதந்திரம் பெற்ற பல நாடுகள் தற்போது அவற்றை வழங்கி விட்டன என்றும், அவர் சுட்டிக்காட்டினார். தேசிய தலைநகரில் தற்போது கிடைப்பதை போன்று நாடு முழுவதும் பள்ளிக் கல்வி மற்றும் சுகாதாரத்தை ஐந்து ஆண்டுகளில் ஏற்படுத்த தர முடியும் என்றும் அவர் நம்பிக்கை தெரிவித்தார்.

    மக்களை சிக்க வைக்கும் தூண்டில் போல் இலவச திட்டங்களை கெஜ்ரிவால் வழங்குவதாக பாஜக குற்றம் சாட்டி இருந்தது. இதற்கு பதில் அளித்த அவர், நல்ல கல்வி மற்றும் சிறந்த மருத்துவம் ஆகியவற்றை பொதுமக்களுக்கு வழங்குவது இலவசம் அல்ல என்று கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • இன்னும் ஒரு மாநிலத்தில் தேர்தல் ஆணையத்தின் அங்கீகாரம் கிடைத்தால் தேசிய கட்சியாக மாறும்.
    • குஜராத்தில் ஆட்சியமைத்தால் 300 யூனிட் வரை இலவச மின்சாரம் வழங்கப்படும் என கெஜ்ரிவால் வாக்குறுதி

    புதுடெல்லி:

    தேசிய கட்சி என்ற அங்கீகாரத்தை நெருங்க நினைக்கும் ஆம் ஆத்மி கட்சி, ஏற்கனவே டெல்லி மற்றும் பஞ்சாப் மாநிலங்களில் ஆட்சியில் உள்ளது. அந்த மாநிலங்களில் தேர்தல் ஆணையத்தின் அங்கீகாரத்தை பெற்றுள்ளது. இதேபோல் கோவாவிலும் கால்பதித்துள்ள ஆம் ஆத்மி கட்சி, சட்டமன்ற தேர்தலில் 2 எம்எல்ஏக்களை பெற்றது. இந்நிலையில், கோவாவில் அங்கீகரிக்கப்பட்ட கட்சியாக ஆம் ஆத்மியை தேர்தல் ஆணையம் அறிவித்துள்ளது.

    இதனை பெருமை தரும் நிகழ்வாக பார்ப்பதாக கட்சியின் ஒருங்கிணைப்பாளர் அரவிந்த் கெஜ்ரிவால் டுவிட்டர் பக்கத்தில் தெரிவித்துள்ளார்.

    இன்னும் ஒரு மாநிலத்தில் தேர்தல் ஆணையத்தால் அங்கீகரிக்கப்படும் பட்சத்தில் தேசிய கட்சியாக மாறும். இதற்காக அனைத்து தொண்டர்களும் உழைக்க வேண்டும் என கெஜ்ரிவால் கேட்டுக்கொண்டுள்ளார்.

    ஆம் ஆத்மியின் அடுத்த பெரிய இலக்கு குஜராத் மாநில தேர்தல். இதற்காக அங்கு மாவட்ட வாரியாக பிரசாரம் தொடங்கியிருக்கிறார் கெஜ்ரிவால். டெல்லி பஞ்சாப் போன்ற மாநிலங்களில் அறிவித்ததுபோன்று குஜராத்திலும் ஆட்சியமைத்தால் 300 யூனிட் வரை இலவச மின்சாரம் வழங்கப்படும் என வாக்குறுதி அளித்துள்ளார். வேலையில்லா இளைஞர்களுக்கு வேலை கிடைக்கும்வரை மாதம் 3000 ரூபாய் ஊக்கத்தொகை வழங்கப்படும் என்று தெரிவித்திருந்தார். இதேபோல் அதிரடி திட்டங்களை கெஜ்ரிவால் தொடர்ந்து அறிவித்து வருவதால் இந்த தேர்தலில் ஆம் ஆத்மியின் நகர்வுகள் முக்கியத்துவம் வாய்ந்ததாக கருதப்படுகிறது. 

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • முதல்வர் கெஜ்ரிவால் சிங்கப்பூர் செல்வதற்கான ஆம் ஆத்மி அரசின் முன்மொழிவை ஆளுநர் சக்சேனா கடந்த வாரம் நிராகரித்தார்.
    • கடந்த வெள்ளிக்கிழமை நடைபெற்ற வாராந்திர கூட்டத்தை கெஜ்ரிவால் புறக்கணித்திருந்தார்.

    டெல்லி முதல்வர் அரவிந்த் கெஜ்ரிவால் இன்று துணைநிலை ஆளுநர் வினய் குமார் சக்சேனாவைச் நேரில் சந்தித்து பேசினார். அப்போது இருவரும் இணைந்து செயல்படுவது குறித்தும், டெல்லியின் முக்கிய வளர்ச்சி குறித்தும் ஆலோனை நடத்தப்பட்டதாக தெரிவித்தார்.

    ஆகஸ்ட் 1ம் தேதி நடைபெறும் உச்சிமாநாட்டில் கலந்து கொள்வதற்காக முதல்வர் கெஜ்ரிவால் சிங்கப்பூர் செல்வதற்கான ஆம் ஆத்மி அரசின் முன்மொழிவை ஆளுநர் சக்சேனா கடந்த வாரம் நிராகரித்தார். மேலும், மேயர்கள் மாநாட்டில் அவர் கலந்துகொள்வது மோசமான முன்னுதாரணத்தை அமைக்கும் என்றும் அவர் கூறினார்.

    துணை நிலை ஆளுநருடனான தனது வாராந்திர சந்திப்புக்குப் பிறகு, கெஜ்ரிவால் கூறுகையில், "இந்த சந்திப்பு மிகவும் சுமூகமான சூழ்நிலையில் நடந்தது. டெல்லிக்கு முதல்வரும் ஆளுநரும் இணைந்து செயல்படுவது முக்கியம். பல்வேறு விஷயங்களில் கருத்து வேறுபாடுகள் இருக்கலாம், ஆனால் எங்களிடையே எந்த வீழ்ச்சியும் இல்லை" என்றார்.

    இதற்கிடையே, கடந்த வெள்ளிக்கிழமை நடைபெற்ற வாராந்திர கூட்டத்தை கெஜ்ரிவால் புறக்கணித்திருந்தார் என்பது குறிப்பிடத்தக்கது.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்த பாடத்திட்டம் மாணவர்களின் மன அழுத்தத்தை குறைக்க உதவுகிறது.
    • இதனால் டெல்லியில் மாணவர் தற்கொலை என்பதே கிடையாது.

    தலைநகர் டெல்லியில் உள்ள பள்ளிகளில் மாணவர்களுக்காக மகிழ்ச்சிக்கான நிகழ்ச்சி என்ற பெயரில் பாட வகுப்புகள் நடத்தப்பட்டு வருகிறது.

    அரசு சார்பில் கடந்த 4 வருடங்களாக செயல்படுத்தப்பட்ட  இந்த வகுப்புகளில் 18 லட்சம் மாணவர்கள் பங்கேற்றுள்ளனர். இதன் நிறைவு விழாவில் சிறப்பு விருந்தினராக முதலமைச்சர் கெஜ்ரிவால் பங்கேற்றார்.

    அப்போது அரங்கில் கூடியிருந்த பள்ளி ஆசிரியர்களுடன் சேர்ந்து டிரம்ஸ் வாத்தியத்தை இசைத்து அவர் மகிழ்ச்சி தெரிவித்தார். 

    பின்னர் நிகழ்ச்சியில் பேசிய கெஜ்ரிவால், மாணவர்களின் மகிழ்ச்சியை உறுதி செய்தல், அவர்களின் திறமைகளை கண்டறிய உதவுதல் ஆகியவற்றிற்காக இந்த பாடத் திட்டம் செயல்படுத்தப்படுவதாக கூறினார்.

    இந்த பாடத்திட்டத்தால் பல மாணவர்களின் வாழ்க்கை மாறிவிட்டது என்றும் இதற்காக பட்ஜெட்டில் 25% ஒதுக்கீடு செய்யப்பட்டுள்ளது என்றும் அவர் தெரிவித்தார்.

    மாணவர்களை நல்ல மனிதர்களாகவும், தேச பக்தி உள்ளவர்களாகவும், வேலை வாய்ப்புக்கு தகுதியானவர்களாகவும் உருவாக்குவதே மகிழ்ச்சி பாடத்திட்டத்தின் நோக்கம் என்றும் அவர் கூறினார்.

    மகிழ்ச்சி பாடத்திட்டம் மன அழுத்தத்தை குறைக்க உதவுவதால் டெல்லியில் மாணவர், மாணவி தற்கொலை என்பதே கிடையாது என்றும் அவர் உறுதிபட தெரிவித்தார்.


    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • குஜராத்தின் கிர் சோம்நாத் மாவட்டத்தில் உள்ள சோம்நாத் கோவிலில் பிரார்த்தனை செய்ய இருக்கிறார்.
    • குஜராத்தில் காங்கிரஸை விட ஆம் ஆத்மியின் தொழிலாளர் தளம் பெரிதாக வளர்ந்துள்ளதாக கெஜ்ரிவால் கூறியுள்ளார்.

    குஜராத்தில் இந்த ஆண்டு இறுதிக்குள் சட்டசபை தேர்தல் நடைபெறவுள்ளது. ஆளும் பாஜக மற்றும் எதிர்க்கட்சியான காங்கிரஸ் ஆகிய இரு கட்சிகளுக்கும் மாற்றாக ஆம் ஆத்மி கட்சி தன்னை நிலைநிறுத்திக் கொள்ள தீவிரமாக இறங்கியுள்ளது.

    இந்நிலையில், டெல்லி முதல்வரும், ஆம் ஆத்மியின் ஒருங்கிணைப்பாளருமான அரவிந்த் கெஜ்ரிவால் நேற்று மாலை குஜராத் சென்றடைந்தார்.

    இந்நிலையில், ராஜ்கோட் நகரில் இன்று பிரசாரம் மேற்கொள்ள உள்ளார். அதற்கு முன்பாக, குஜராத்தின் கிர் சோம்நாத் மாவட்டத்தில் உள்ள சோம்நாத் கோவிலில் பிரார்த்தனை செய்ய இருக்கிறார்.

    கடந்த ஜூலை 3-ம் தேதி அன்று அகமதாபாத் மற்றும் சூரத் ஆகிய இடங்களுக்குச் சென்று மக்கள் மத்தியில் பிரசாரம் மேற்கொண்டார். அப்போது, ஆம் ஆத்மி கட்சி ஆட்சிக்கு வந்தால் மாதத்திற்கு 300 யூனிட் வரை இலவச மின்சாரம் வழங்கப்படும் என்று உறுதியளித்தார்.

    மேலும், குஜராத்தில் காங்கிரஸை விட ஆம் ஆத்மியின் தொழிலாளர் தளம் பெரிதாக வளர்ந்துள்ளதாக கெஜ்ரிவால் கூறினார்.

    இந்நிலையில், மாநிலத்தில் மொத்தமுள்ள 182 சட்டசபைத் தொகுதிகளில் சுமார் 50 இடங்களைக் கொண்ட சௌராஷ்டிரா தொகுதியில் கெஜ்ரிவால் கவனம் செலுத்துகிறார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • இந்தியாவில் குரங்கு அம்மை நோய் பாதிப்பு 4 ஆக உயர்ந்துள்ளது.
    • பாதிக்கப்பட்ட நபரின் உடல்நிலை சீராக உள்ளது.

    கொரோனா பாதிப்பைத் தொடர்ந்து, குரங்கு அம்மை நோய் உலகம் முழுவதும் பரவி பாதிப்பை ஏற்படுத்தி வருகிறது. இந்தியாவிலும் இந்நோய் பரவி உள்ளது. கேரளாவில் 3 பேருக்கு குரங்கு அம்மை தொற்று உறுதி செய்யப்பட்டது. அவர்களுடன் தொடர்பில் இருந்தவர்கள் கண்காணிக்கப்படுகின்றனர்.

    டெல்லியில் இன்று ஒருவருக்கு குரங்கு அம்மை பாதிப்பு உறுதி செய்யப்பட்டுள்ளது. மேற்கு டெல்லியைச் சேர்ந்த அந்த நபருக்கு குரங்கு அம்மை பரிசோதனையில் அவருக்கு தொற்று இருப்பது இன்று உறுதி செய்யப்பட்டது. இதன்மூலம் இந்தியாவில் குரங்கு அம்மை நோய் பாதிப்பு 4 ஆக உயர்ந்துள்ளது.

    இந்நிலையில், குரங்கு அம்மை பாதிப்பால் மக்கள் பீதியடைய வேண்டாம் என்று டெல்லி முதல்வர் அரவிந்த் கெஜ்ரிவால் தெரிவித்துள்ளார்.

    இதுகுறித்து அரவிந்த் கெஜ்ரிவால் மேலும் கூறியதாவது:-

    டெல்லியில் குரங்கு காய்ச்சல் பாதிப்பு கண்டறியப்பட்டுள்ளது. பாதிக்கப்பட்ட நபரின் உடல்நிலை சீராக உள்ளது. அவர் குணமடைந்து வருகிறார்.

    அதனால் பொதுமக்கள் பீதியடைய தேவையில்லை. நிலையையும் கட்டுக்குள் உள்ளது. லோக் நாயக் மருத்துவமனையில் தனிமைப்படுத்தப்பட்ட வார்டை உருவாக்கியுள்ளோம். காய்ச்சல் பரவுவதைத் தடுக்கவும் பாதுகாக்கவும் சிறந்த குழு அமைக்கப்பட்டுள்ளது.

    இவ்வாறு அவர் கூறியுள்ளார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • 24 மணி நேரமும் தடையில்லா மின்சாரம் வழங்கப்படும் என கெஜ்ரிவால் உறுதி
    • டெல்லி மற்றும் பஞ்சாப் ஆகிய மாநிலங்களில் வாக்குறுதிகளை நிறைவேற்றியிருக்கிறோம்.

    சூரத்:

    குஜராத் மாநிலத்தில் இந்த ஆண்டு சட்டமன்றத் தேர்தல் நடைபெற உள்ளது. இந்த தேர்தலுக்கான பணிகளை ஆம் ஆத்மி கட்சி தொடங்கி உள்ளது. டெல்லி, பஞ்சாப் மாநிலங்களைத் தொடர்ந்து குஜராத்தில் ஆட்சியைப் பிடிக்க வியூகம் வகுத்து வருகிறது.

    இந்நிலையில், சூரத்தில் நடைபெற்ற நிகழ்ச்சியில் ஆம் ஆத்மி கட்சியின் ஒருங்கிணைப்பாளரும் டெல்லி முதல்வருமான அரவிந்த் கெஜ்ரிவால் பேசியதாவது:-

    குஜராத்தில் ஆம் ஆத்மி கட்சியின் ஆட்சி அமைந்ததும், அனைத்து நகரங்கள் மற்றும் கிராமங்களில் 24 மணி நேரமும் தடையில்லா மின்சாரம் வழங்கப்படும். வீடுகளுக்கு மாதம் 300 யூனிட் வரை இலவச மின்சாரம் வழங்கப்படும். டிசம்பர் 2021 வரையிலான நிலுவையில் உள்ள மின் கட்டணங்கள் ரத்து செய்யப்படும்.

    கடந்த 27 ஆண்டுகளாக குஜராத்தில் பாஜக ஆட்சி செய்திருக்கிறது. அவர்களிடம் புதிய யோசனைகள் இல்லை. தேர்தலுக்கு முன்பு நிறைவேற்றப்படாத பொய்யான வாக்குறுதிகளை கொடுப்பார்கள். ஆட்சிக்கு வந்ததும் அந்த தேர்தல் அறிக்கையை குப்பைத் தொட்டியில் போட்டுவிடுவார்கள். டெல்லி மற்றும் பஞ்சாப் ஆகிய மாநிலங்களில் நாங்கள் கொடுத்த வாக்குறுதிகளை நிறைவேற்றியிருக்கிறோம். எனவே, எங்களுக்கு மக்கள் வாய்ப்பு வழங்குங்கள். நாங்கள் கொடுத்த வாக்குறுதிகளை நிறைவேற்றவில்லை என்றால் அடுத்தமுறை எங்களுக்கு வாக்களிக்க வேண்டாம்.

    இவ்வாறு கெஜ்ரிவால் பேசினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • டெல்லி, அதன் கலாச்சாரம், உணவு மற்றும் ஷாப்பிங் ஆகியவற்றை அனுபவிக்க உள்நாடு மற்றும் வெளிநாடுகளில் இருந்து ஏராளமானோர் வருவார்கள்.
    • இன்னும் சில ஆண்டுகளில் உலகின் மிகப்பெரிய ஷாப்பிங் திருவிழாவாக இதை மாற்றுவோம் என்று எதிர்பார்க்கிறேன்.

    டெல்லியில் அடுத்த ஆண்டு ஜனவரி 28-ம் தேதி முதல் பிப்ரவரி 26-ம் தேதி வரை 'டெல்லி ஷாப்பிங் திருவிழா' நடத்தப்படுகிறது. இது நாட்டின் மிகப்பெரிய நிகழ்வாக இருக்கும் என்று முதல்வர் அரவிந்த் கெஜ்ரிவால் அறிவித்துள்ளார்.

    இந்த விழாவில் டெல்லி, அதன் கலாச்சாரம், உணவு மற்றும் ஷாப்பிங் ஆகியவற்றை அனுபவிக்க உள்நாடு மற்றும் வெளிநாடுகளில் இருந்து ஏராளமானோர் வருவார்கள் என்றும் இந்த நிகழ்வு ஆயிரக்கணக்கான வேலை வாய்ப்புகளை உருவாக்கும் என்று கெஜ்ரிவால் தெரிவித்துள்ளார்.

    இதுகுறித்து டெல்லி முதல்வர் அரவிந்த் கெஜ்ரிவாலக கூறியதாவது:-

    30 நாள் டெல்லி ஷாப்பிங் திருவிழா ஜனவரி 28 முதல் பிப்ரவரி 26 வரை (2023 இல்) ஏற்பாடு செய்யப்படும். இது இந்தியாவின் மிகப்பெரிய ஷாப்பிங் திருவிழாவாக இருக்கும். நாங்கள் அதை இப்போது தொடங்குகிறோம். இன்னும் சில ஆண்டுகளில் உலகின் மிகப்பெரிய ஷாப்பிங் திருவிழாவாக இதை மாற்றுவோம் என்று எதிர்பார்க்கிறேன்.

    இந்த திருவிழாவின் மூலம் டெல்லியின் பொருளாதாரம் பெரும் ஏற்றம் பெறும். டெல்லியின் தொழிலதிபர்களுக்கு இது ஒரு பெரிய வாய்ப்பாக இருக்கும், அவர்கள் தங்கள் வியாபாரத்தை அதிகரிக்க ஒரு வாய்ப்பாக இருக்கும். டெல்லியை சர்வதேச அளவில் முன்னிலைப்படுத்த இது ஒரு பெரிய வாய்ப்பாக இருக்கும். இதன் மூலம் ஆயிரக்கணக்கான வேலைவாய்ப்புகள் உருவாகும்.

    டெல்லி மற்றும் அதன் கலாச்சாரத்தை அனுபவிக்க நாடு முழுவதும் இருந்தும் உலகம் முழுவதிலும் இருந்து மக்கள் அழைக்கப்படுவார்கள். இது ஒரு இணையற்ற ஷாப்பிங் அனுபவமாக இருக்கும். ஏராளமான தள்ளுபடிகள் வழங்கப்படும். டெல்லி முழுவதும் அலங்கரிக்கப்படும். கண்காட்சிகளும் ஏற்பாடு செய்யப்படும்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • ஊழலை நாட்டிலிருந்து ஒழிப்போம் என்று சபதம் எடுத்தோம்.
    • சுகாதார அமைச்சர் தவறான செயல்களில் ஈடுபட்டுள்ளார் என்பதை மான் கண்டுபிடித்தார்.

    இமாச்சலப் பிரதேசத்தில் இந்த ஆண்டு இறுதியில் சட்டப்பேரவை தேர்தல் நடைபெறுகிறது. இதில் ஆம் ஆத்மி கட்சி போட்டியிட பல்வேறு நடவடிக்கைகளை எடுத்து வருகிறது.

    இதைமுன்னிட்டு டெல்லி முதல்வரும் ஆம் ஆத்மி கட்சியின் தேசிய ஒருங்கிணைப்பாளருமான அரவிந்த் கெஜ்ரிவால் மற்றும் பஞ்சாப் முதல்வர் பகவந்த் மான் குலுவில் சாலைப் பேரணி நடத்தினர்.

    அப்போது முதல்வர் அரவிந்த் கெஜ்ரிவால் பொது மக்களிடம் உரையாற்றினார்.

    இதுகுறித்து அவர் பேசியதாவது:-

    எங்களுக்கு அரசியல் தெரியாது. நாங்கள் இங்கு அரசியல் செய்ய வரவில்லை. அண்ணா ஹசாரே இயக்கத்தில் தொடங்கிய எங்கள் பயணம், பின்னர் கட்சியை உருவாக்கினோம். ஊழலை நாட்டிலிருந்து ஒழிப்போம் என்று சபதம் எடுத்தோம். முதலில், டெல்லியில் ஊழலை முடிவுக்கு கொண்டு வந்தோம். பின்னர் பஞ்சாபில் அதை முடிவுக்கு கொண்டுவருவதற்கான செயல்முறையைத் தொடங்கினோம்.

    எந்த ஒரு முதலமைச்சரும் தன் அமைச்சரை சிறைக்கு அனுப்பியதாக நீங்கள் கேள்விப்பட்டிருக்கிறீர்களா? தனது சுகாதார அமைச்சர் தவறான செயல்களில் ஈடுபட்டுள்ளார் என்பதை மான் கண்டுபிடித்தார். அவருக்கு ஏதாவது வேண்டுமென்றால் அவர் அதை கம்பளத்தின் கீழ மறைத்திருக்கலாம் அல்லது அமைச்சரிடம் தனது பங்கைக் கேட்டிருக்கலாம். ஆனால் அவர் அவரை சிறைக்கு அனப்பினார்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    இந்த செய்தியை ஆடியோ வடிவில் கேட்க "Play" பட்டனை கிளிக் செய்யவும்
    • டெல்லி முதல்வர் அரவிந்த் கெஜ்ரிவால், துணை முதல்வர் மணீஷ் சிசோடியா உள்ளிட்ட தலைவர்கள் கலந்துக் கொண்டு யோகாசனங்கள் செய்தனர்.
    • கொரோனா வைரஸ் மூன்றாவது அலையின்போது, இலவச ஆன்லைன் யோகா வகுப்புகள் மூலம் 4700 நோயாளிகள் பங்கேற்றனர்.

    சர்வதேச யோகா தினத்தையொட்டி டெல்லி அரசு சார்பில் யோகாசன நிகழ்ச்சிக்கு தியாராஜ் மைதானத்தில் ஏற்பாடு செய்யப்பட்டது. இதில் பங்கேற்ற நூற்றுக்கணக்கான மக்கள் யோகா ஆசனங்கள் செய்தனர்.

    இந்நிகழ்ச்சியில், டெல்லி முதல்வர் அரவிந்த் கெஜ்ரிவால், துணை முதல்வர் மணீஷ் சிசோடியா உள்ளிட்ட தலைவர்கள் கலந்துக் கொண்டு யோகாசனங்கள் செய்தனர்.

    பின்னர் நிகழ்ச்சியில் பங்கேற்றவர்களிடம் முதல்வர் அரவிந்த் கெஜ்ரிவால் பேசியதாவது:-

    யோகா பயிற்சி செய்யும் பழக்கம் குழந்தைகளிடம் ஏற்படுத்தப்பட்டால் அவர்கள் வாழ்நாள் முழுவதும் அதனுடன் இணைந்திருப்பார்கள். குழந்தைக்கு யோகா கற்பிப்பதும், பள்ளிகளில் அதை எவ்வாறு தொடங்குவது என்பது குறித்தும் ஆலோசித்து வருகிறோம்.

    டெல்லி அரசு நகரத்தில் சுகாதார உள்கட்டமைப்பை மேம்படுத்தியுள்ளது. என்றாலும், யோகா செய்வதை அவர்களின் அன்றாட வாழ்க்கையின் ஒரு பகுதியாக இருப்பதால், மக்கள் மருத்துவமனைகளுக்குச் செல்ல வேண்டிய அவசியமில்லை.

    யோகா பயிற்சி செய்வோரின் எண்ணிக்கை ஆயிரக்கணக்கானோர் என்கிற நிலையில் இருந்து லட்சக்கணக்கானோர் என்கிற நிலைக்கு கொண்டு செல்ல வேண்டும். நான் 8-ம் வகுப்பில் யோகாவை இலவசமாகக் கற்றுக்கொண்டேன். எனவே இது மக்களுக்கு இலவசமாக இருக்கும். காற்றைப் போன்று வாழ்வின் அனைத்து அத்தியாவசியப் பொருட்களும் இலவசம்.

    டெல்லி யோகா பள்ளியின் கீழ், இலவச வகுப்புகளின் ஒரு பகுதியாக ஆண்கள், பெண்கள், பணக்காரர்கள் மற்றும் ஏழைகள் என 17,000க்கும் மேற்பட்ட டெல்லிவாசிகள் தினமும் 546 இடங்களில் யோகா பயற்சி செய்கின்றனர்.

    கொரோனா வைரஸ் மூன்றாவது அலையின்போது, வீட்டில் தனிமைப்படுத்தப்பட்ட கொரோனா நோயாளிகளுக்கு நடத்தப்பட்ட இலவச ஆன்லைன் யோகா வகுப்புகள் மூலம் 4700 பேர் பங்கேற்றனர்.

    இவ்வாறு அவர் கூறினார்.

    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • Whatsapp
    • Telegram
    • Linkedin
    • Print
    • koo
    • காஷ்மீரில் காஷ்மீர் பண்டிட்டுகளை குறிவைத்து பயங்கரவாதிகள் நடத்தி வரும் தாக்குதல்கள் அதிகரித்துள்ளன.
    • காஷ்மீர் பண்டிட்டுகளுக்கு பாதுகாப்பு வழங்க அரசு தவறிவிட்டதாக கெஜ்ரிவால் குற்றச்சாட்டு.

    காஷ்மீரில் பயங்கரவாதிகளால் பண்டிட்கள் கொலை செய்யப்படுவதை கண்டித்து டெல்லியில் நேற்று கெஜ்ரிவால் தலைமையில் ஆம் ஆத்மி கட்சியினர் போராட்டத்தில் ஈடுபட்டனர்.

    அப்போது பேசிய கெஜ்ரிவால், காஷ்மீர் பண்டிட்டுகளுக்கு பாதுகாப்பு வழங்க பாஜக அரசு தவறிவிட்டதாக குற்றம் சாட்டினார். மத்திய உள்துறை மந்திரி அமித் ஷா, காஷ்மீரில் நிலவும் சூழ்நிலையைச் சமாளிக்க எந்த ஒரு செயல் திட்டத்தையும் வழங்கவில்லை என்று அவர் கூறினார்.

    காஷ்மீரில் கடந்த 1990-களில் இருந்த நிலை மீண்டும் திரும்புகிறது என்றும், காஷ்மீர் பண்டிட்டுகள் தங்கள் வீடுகளைவிட்டு வெளியேறும் கட்டாயத்துக்கு தள்ளப்பட்டு உள்ளதாகவும் கெஜ்ரிவால் குறிப்பிட்டார்.

    இந்நிலையில் காஷ்மீர் விவகாரத்தில் கெஜ்ரிவால் மலிவான அரசியல் செய்வதாக மத்திய தகவல் ஒலிபரப்புத்துறை அமைச்சர் அனுராக் தாக்கூர் தெரிவித்துள்ளார்.

    ஒட்டுமொத்த தேசமும் ஜம்மு காஷ்மீர் மக்களுடன் தோளோடு தோள் நின்று பயங்கரவாதச் செயல்களைக் கண்டித்து வரும் இந்த நேரத்தில், பிரிவினைவாத சக்திகளுக்கு எதிராக ஒரு வார்த்தை கூட கெஜ்ரிவால் பேசவில்லை என்றும் அனுராக் தாக்கூர் கூறினார்.

    ஆயுதப் படை வீரர்களின் வீரத்தை கேள்விக்குள்ளாக்குபவர்கள் மற்றும் அதிகாரத்திற்காக தேச விரோத காலிஸ்தான் படைகளுடன் கைகோர்ப்பவர்கள், எந்த முகத்தைக் கொண்ட பயங்கரவாதத்தை கண்டனம் செய்வார்கள்? என்றும் அவர் கேள்வி எழுப்பியுள்ளார்