புதுடெல்லி:
இணையதள செய்தி நிறுவனமான ‘டெய்லி ஹன்ட்’ மற்றும் நீல்சென் இந்தியா ஆகிய நிறுவனங்கள் பிரதமர் மோடிக்கு உள்ள செல்வாக்கு தொடர்பாக இந்தியாவிலும், வெளிநாடுகளிலும் வாழும் சுமார் 54 லட்சம் மக்களிடம் ஆன்லைன் மூலம் கருத்துக் கணிப்பு ஒன்றை சமீபத்தில் நடத்தியது.
தற்போது வெளியாகியுள்ள முடிவுகளின்படி, பிரதமர் மோடி தலைமையிலான மத்திய அரசின் நான்காண்டு ஆட்சி தொடர்பாக 63 சதவீதம் பேர் நம்பிக்கை தெரிவித்ததாகவும், அவர் மீண்டும் பிரதமராக 50 சதவீதம் மக்கள் ஆதரிப்பதாகவும் தெரியவந்துள்ளது.
இரண்டாவது முறையாக மோடி பிரதமரானால் தங்களது எதிர்காலம் சிறப்பாக அமையும் என இவர்களில் பலர் குறிப்பிட்டுள்ளனர்.
இந்த கருத்துக் கணிப்பை பொய் தகவல் என்றும் வீண்வேலை எனவும் காங்கிரஸ் கட்சி நிராகரித்துள்ளது. #pmmodi #majority
