கால்சியம் சத்து நிறைந்த கேழ்வரகு பச்சை பயறு தோசை

தேவையான பொருட்கள்

கேழ்வரகு - அரை கப்

பச்சை பயறு - முக்கால் கப்

இஞ்சி - சிறிய துண்டு

சீரக தூள்- அரை டீஸ்பூன்

ப.மிளகாய் - 2

கொத்தமல்லி, கறிவேப்பிலை - சிறிதளவு

தக்காளி - 1

வெங்காயம் - 1

உப்பு, எண்ணெய் - தேவையான அளவு

செய்முறை

கேழ்வரகு, பச்சை பயறை நன்றாக கழுவி 4 மணிநேரம் ஊறவைக்கவும்.

வெங்காயம், தக்காளி, கொத்தமல்லியை பொடியாக நறுக்கி கொள்ளவும்.

ஊறவைத்த கேழ்வரகு, பச்சை பயறை மிக்சிஜாரில் போட்டு அதனுடன் தோல் நீக்கிய இஞ்சி, கறிவேப்பிலை, ப.மிளகாய் சேர்த்து தோசை மாவு பதத்தில் அரைத்து கொள்ளவும்.

அரைத்த மாவை ஒரு பாத்திரத்தில் ஊற்றி அதனுடன் சீரகத்தூள், நறுக்கிய வெங்காயம், தக்காளி, கொத்தமல்லி, உப்பு சேர்த்து நன்றாக கலந்து கொள்ளவும்.

தோசை கல்லை அடுப்பில் வைத்து சூடானதும் மாவை சற்று தடிமனாக ஊற்றி சுற்றி சிறிது எண்ணெய் விட்டு வெந்ததும் திருப்பி போட்டு வேக வைத்து எடுக்கவும்.

இப்போது சத்தான சுவையான கேழ்வரகு பச்சை பயறு தோசை ரெடி.

இதற்கு தொட்டுக்கொள்ள கார சட்னி அருமையாக இருக்கும்.

ஆரோக்கியம் சம்பந்தமான அனைத்து தகவல்களையும் அறிந்து கொள்ள இந்த லிங்க்கை கிளிக் செய்யவும்... https://www.maalaimalar.com/health