நீங்கள் தேடியது "Smartphone"

ஆப்பிள் நிறுவனத்தின் ஐபோன் 16 ப்ரோ மேக்ஸ் மாடலின் டம்மி யூனிட் புகைப்படம் இணையத்தில் லீக் ஆகி உள்ளது. ஐபோன் 15 ப்ரோ மேக்ஸ் உடன் வைக்கப்பட்டு இருக்கும் ஐபோன் 16 ப்ரோ மேக்ஸ் டம்மி யூனிட் அளவில் பெரியதாக காட்சியளிக்கிறது. இந்த ஆண்டு செப்டம்பர் மாதம் அறிமுகம் செய்யப்பட இருக்கும் நிலையில், புதிய ஐபோன் 16 சீரிஸ் பற்றிய விவரங்கள் தொடர்ச்சியாக இணையத்தில் வெளியாகி வருகிறது.

அந்த வரிசையில், தற்போது வெளியாகி இருக்கும் ஐபோன் 16 ப்ரோ மேக்ஸ் மாடலின் டம்மி யூனிட் புகைப்படம் மூலம் புதிய போன் மாடலின் விவரங்கள் ஓரளவுக்கு தெரியவந்துள்ளது. புதிய ஐபோன் 16 ப்ரோ மேக்ஸ் இதுவரை வெளியான ஐபோன்களில் மிகவும் பெரியதாக இருக்கும் என்று தெரிகிறது. தற்போது விற்பனை செய்யப்படும் ஐபோன் 15 ப்ரோ மேக்ஸ் மாடலில் 6.7 இன்ச் ஸ்கிரீன் வழங்கப்பட்டு இருக்கிறது.

ஐபோன் 16 ப்ரோ மேக்ஸ் டம்மி யூனிட் புகைப்படத்தின் படி, இந்த மாடலில் 6.9 இன்ச் ஸ்கிரீன் வழங்கப்படும் என தெரிகிறது. இத்துடன் புதிய ஐபோன் சீரிசில் பெசல்களை கணிசமான அளவுக்கு குறைக்க ஆப்பிள் நிறுவனம் பார்டர் ரிடக்ஷன் ஸ்டிரக்ச்சர் (பி.ஆர்.எஸ்.) எனும் புதிய தொழில்நுட்பத்தை அறிமுகம் செய்யும் என்று தெரிகிறது.

இந்த தொழில்நுட்பம் ஐபோன்களின் பெசல்களை முடிந்தவரை மெல்லியதாக மாற்றும். புதிய பி.ஆர்.எஸ். தொழில்நுட்பம் ஸ்மார்ட்போன் அளவீடுகளில் எவ்வித மாற்றமும் இன்றி பெசல்களை குறைக்க உதவும் என்று தெரிகிறது. ஐபோன் 16 ப்ரோ மேக்ஸ் மாடலின் கேமரா சென்சார் தற்போதைய ஐபோனில் இருப்பதை விட அளவில் சற்று உயரமாக காட்சியளிக்கிறது.

அந்த வகையில் ஐபோன் 16 ப்ரோ மேக்ஸ் மாடலில் 1/1.14 இன்ச் அளவு கொண்ட சென்சார் வழங்கப்படும் என்று தெரிகிறது. இது உண்மையாகும் பட்சத்தில் ஐபோன் 15 ப்ரோ மேக்ஸ் மாடலில் வழங்கப்பட்டு இருக்கும் 1/1.28 இன்ச் சென்சாரை விட பெரியதாக இருக்கும். 

ஐகூ நிறுவனத்தின் முற்றிலும் புதிய பட்ஜெட் ரக ஸ்மார்ட்போன் இந்திய சந்தையில் அறிமுகம் செய்யப்பட்டது. புதிய குறைந்த விலை ஸ்மார்ட்போனில் 6.72 இன்ச் Full HD+ 120Hz ஸ்கிரீன், ஸ்னாப்டிராகன் 6 ஜென் 1 பிராசஸர், அதிகபட்சம் 8 ஜி.பி. ரேம் வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, 2MP டெப்த் சென்சார், 8MP செல்ஃபி கேமரா வழங்கப்பட்டுள்ளது. பக்கவாட்டில் கைரேகை சென்சார் கொண்டிருக்கும் ஐகூ Z9x 6000 எம்.ஏ.ஹெச். பேட்டரி மற்றும் 44 வாட் பாஸ்ட் சார்ஜிங் வசதி கொண்டிருக்கிறது. இத்துடன் IP64 தர வாட்டர் ரெசிஸ்டண்ட் வசதி வழங்கப்பட்டு உள்ளது.

ஹைப்ரிட் டூயல் சிம் ஸ்லாட், ஆண்ட்ராய்டு 14 மற்றும் ஃபன்டச் ஒ.எஸ். 14, கனெக்டிவிட்டிக்கு 5ஜி, டூயல் 4ஜி வோல்ட்இ, வைபை 6, ப்ளூடூத் 5.1, யு.எஸ்.பி. டைப் சி வழங்கப்படுகிறது. இந்திய சந்தையில் ஐகூ Z9x ஸ்மார்ட்போன் ஸ்டாம் கிரே மற்றும் டொர்னடோ கிரீன் என இரண்டு நிறங்களில் கிடைக்கிறது.

ஐகூ Z9x ஸ்மார்ட்போன் 4 ஜி.பி. ரேம், 128 ஜி.பி. மெமரி மாடல் விலை ரூ. 12 ஆயிரத்து 999 என்றும் 6 ஜி.பி. ரேம், 128 ஜி.பி. மெமரி மாடல் விலை ரூ. 14 ஆயிரத்து 499 மற்றும் டாப் எண்ட் மாடல் விலை ரூ. 15 ஆயிரத்து 999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போன் விற்பனை மே 21 ஆம் தேதி அமேசான் வலைதளத்தில் துவங்குகிறது.

ரியல்மி நிறுவனம் தனது GT 6T ஸ்மார்ட்போனினை இந்திய சந்தையில் அறிமுகம் செய்வதற்கான பணிகளில் ஈடுபட்டு வருகிறது. மே 22 ஆம் தேதி அறிமுகம் செய்யப்பட இருக்கும் ரியல்மி GT 6T ஸ்மார்ட்போன் தொடர்பாக அந்நிறுவனம் ஏராளமான டீசர்களை வெளியிட்டு வருகிறது.

அந்த வகையில், தற்போது வெளியிடப்பட்டு இருக்கும் டீசரில் புதிய ரியல்மி GT 6T ஸ்மார்ட்போன் சந்தையிலேயே முதல்முறையாக இரட்டை VC கூலிங் சிஸ்டம் வழங்கப்படும் என்று தெரிவித்துள்ளது. ரியல்மி GT 6T மாடலில் வழங்கப்படும் 9-அடுக்கு கூலிங் சிஸ்டம் ஸ்மார்ட்போன் அதிக சூடாவதை தடுக்கும் என்று ரியல்மி தெரிவித்துள்ளது.

இத்துடன் புதிய ஸ்மார்ட்போன் கிளாஸ் பேக் கவர் கொண்டிருக்கிறது. முன்னதாக இந்த ஸ்மார்ட்போன் 5500 எம்.ஏ.ஹெச். பேட்டரி மூலம் சக்தியூட்டப்படும் என்றும் இதில் 120 வாட் சூப்பர்வூக் சார்ஜிங் வசதி வழங்கப்படும் என்றும் ரியல்மி தெரிவித்து இருந்தது. இதை கொண்டு ஸ்மார்ட்போனை பத்து நிமிடங்கள் சார்ஜ் செய்தால் நாள் முழுக்க பயன்படுத்த முடியும்.

ரியல்மி GT 6T ஸ்மார்ட்போனில் குவால்காம் நிறுவனத்தின் ஸ்னாப்டிராகன் 7 பிளஸ் ஜென் 3 பிராசஸர் வழங்கப்படுகிறது. இந்தியாவில் இந்த பிராசஸருடன் அறிமுகமாகும் முதல் ஸ்மார்ட்போன் இது என்பது குறிப்பிடத்தக்கது.

இதுவரை வெளியாகி இருக்கும் தகவல்களின் படி ரியல்மி GT 6T ஸ்மார்ட்போனில் 6.78 இன்ச் 1.5K 120Hz LTPO ஸ்கிரீன், 50MP பிரைமரி கேமரா, 8MP லென்ஸ், 32MP செல்ஃபி கேமரா வழங்கப்படும் என்று கூறப்படுகிறது. வரும் நாட்களில் இந்த ஸ்மார்ட்போன் பற்றிய இதர விவரங்கள் வெளியாகும் என்று எதிர்பார்க்கலாம். 

சியோமி நிறுவனம் கடந்த ஆண்டு ஆகஸ்ட் மாதம் இந்திய சந்தையில் ரெட்மி 12 5ஜி ஸ்மார்ட்போனினை அறிமுகம் செய்தது. புதிய ஸ்மார்ட்போனின் பேஸ் மாடல் விலை ரூ. 11 ஆயிரத்து 999 என நிர்ணயம் செய்யப்பட்டது. தற்போது இந்த ஸ்மார்ட்போனிற்கு அமேசான் வலைதளத்தில் ரூ. 1250 வரை தள்ளுபடி வழங்கப்படுகிறது.

அதன்படி ரெட்மி 12 5ஜி ஸ்மார்ட்போன் தற்போது ரூ. 10 ஆயிரம் பட்ஜெட்டில் கிடைக்கிறது. ரெட்மி 12 5ஜி ஸ்மார்ட்போனின் 4 ஜி.பி. ரேம், 128 ஜி.பி. மெமரி மாடல் ரூ. 11 ஆயிரத்து 999 என்றும் 6 ஜி.பி. ரேம், 128 ஜி.பி. மெமரி மாடல் ரூ. 12 ஆயிரத்து 499 என்றும் 8 ஜி.பி. ரேம், 256 ஜி.பி. மெமரி மாடல் ரூ. 14 ஆயிரத்து 499 விலையில் விற்பனைக்கு அறிமுகம் செய்யப்பட்டது.

தற்போது அமேசான் வலைதளத்தில் இந்த ஸ்மார்ட்போனின் 4 ஜி.பி. ரேம், 128 ஜி.பி. மெமரி மாடலுக்கு ரூ. 1250 தள்ளுபடி வழங்கப்படுகிறது. இதன் மூலம் ரெட்மி 12 5ஜி ஸ்மார்ட்போனின் விலை ரூ. 10 ஆயிரத்து 749 என மாறி இருக்கிறது.

இத்துடன் தேர்வு செய்யப்பட்ட கிரெடிட் கார்டு பயன்படுத்தும் போது ரூ. 750 உடனடி தள்ளுபடி வழங்கப்படுகிறது. இதை சேர்க்கும் போது ஸ்மார்ட்போனின் விலை ரூ. 9 ஆயிரத்து 999 என மாறிவிடும். இந்திய சந்தையில் ரெட்மி 12 5ஜி ஸ்மார்ட்போன் சில்வர், புளூ மற்றும் பிளாக் நிறங்களில் கிடைக்கிறது. 

மோட்டோரோலா நிறுவனம் தனது மோட்டோ ஜி ஸ்டைலஸ் 5ஜி ஸ்மார்ட்போனினை அமெரிக்க சந்தையில் அறிமுகம் செய்தது. புதிய மிட் ரேஞ்ச் ஸ்மார்ட்போன் மிகமெல்லிய தோற்றம், வீகன் லெதர் ஃபினிஷ் மற்றும் பில்ட்-இன் ஸ்டைலஸ் கொண்டிருக்கிறது. இதனுடன் வரும் ஸ்டைலஸ் கொண்டு பயனர்கள் குறிப்பு எடுத்தல், டூடுல் உருவாக்குதல், புகைப்படங்களை எடிட் செய்தல் என ஏராளமான அம்சங்களை இயக்க முடியும்.

அம்சங்களை பொருத்தவரை இந்த மாடலில் 6.7 இன்ச் Full HD+ pOLED 120Hz ஸ்கிரீன், குவால்காம் ஸ்னாப்டிராகன் 6 ஜென் 1 பிராசஸர், அட்ரினோ GPU, 8 ஜி.பி. ரேம், 256 ஜி.பி. மெமரி, மெமரியை கூடுதலாக நீட்டிக்கும் வசதி, ஆண்ட்ராய்டு 14 சார்ந்த மை யு.எக்ஸ். ஓ.எஸ். மற்றும் டூயல் சிம் ஸ்லாட் வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, OIS, 13MP அல்ட்ரா வைடு கேமரா, எல்.இ.டி. ஃபிளாஷ், 32MP செல்ஃபி கேமரா வழங்கப்பட்டுள்ளது. இத்துடன் இன் டிஸ்ப்ளே கைரேகை சென்சார், 3.5mm ஹெட்போன் ஜாக், டூயல் ஸ்டீரியோ ஸ்பீக்கர்கள், டால்பி அட்மோஸ் போன்ற வசதிகள் வழங்கப்பட்டுள்ளன.

கனெக்டிவிட்டிக்கு 5ஜி, டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப் சி போர்ட் உள்ளது. 5000 எம்.ஏ.ஹெச். பேட்டரி மூலம் சக்தியூட்டப்பட்டும் மோட்டோ ஜி ஸ்டைலஸ் 5ஜி மாடல் 30 வாட் ஃபாஸ்ட் சார்ஜிங் வசதி, 15 வாட் வயர்லெஸ் சார்ஜிங் வசதி கொண்டிருக்கிறது.

புதிய மோட்டோ ஜி ஸ்டைலஸ் 5ஜி ஸ்மார்ட்போன் காரமெல் லேட் மற்றும் ஸ்கார்லெட் வேவ் என இரண்டு நிறங்களில் கிடைக்கிறது. இதன் விலை 399.99 டாலர்கள், இந்திய மதிப்பில் ரூ. 20 ஆயிரத்து 450 என நிர்ணயம் செய்யப்பட்டு உள்ளது.

மோட்டோரோலா நிறுவனத்தின் முற்றிலும் புதிய எட்ஜ் 50 பியூஷன் ஸ்மார்ட்போன் அடுத்த வாரம் இந்திய சந்தையில் அறிமுகம் செய்யப்படுகிறது. இந்த ஸ்மார்ட்போன் ப்ளிப்கார்ட் வலைதளத்தில் விற்பனை செய்யப்படுகிறது. முன்னதாக ஐரோப்பாவில் தேர்வு செய்யப்பட்ட நாடுகளில் மோட்டோரோலா எட்ஜ் 50 அல்ட்ரா மற்றும் எட்ஜ் 50 ப்ரோ மாடல்களுடன் இந்த ஸ்மார்ட்போன் அறிமுகம் செய்யப்பட்டது.

அந்த வரிசையில், இந்த ஸ்மார்ட்போன் இந்தியாவில் வெளியாக இருக்கிறது. மோட்டோரோலா எட்ஜ் 50 பியூஷன் ஸ்மார்ட்போன் 144 ஹெர்ட்ஸ் ரிப்ரெஷ் ரேட் கொண்ட டிஸ்ப்ளே, 50MP பிரைமரி கேமரா, 68 வாட் பாஸ்ட் சார்ஜிங் வசதி, ஸ்னாப்டிராகன் 7s ஜென் 2 பிராசஸர், IP68 தர வாட்டர் மற்றும் டஸ்ட் ரெசிஸ்டண்ட் வசதி வழங்கப்பட்டு இருக்கிறது.

இந்திய சந்தையில் மோட்டோரோலா எட்ஜ் 50 பியூஷன் ஸ்மார்ட்போன் மே 16 ஆம் தேதி வெளியாக இருக்கிறது. புதிய ஸ்மார்ட்போன் வெளியீட்டை உணர்த்தும் டீசர்கள் மோட்டோரோலா இந்தியா அதிகாகரப்பூர்வ சமூக வலைதள அக்கவுண்ட்களில் வெளியிடப்பட்டு வருகின்றன. இதுதவிர ப்ளிப்கார்ட் தளத்திலும் டீசர்கள் வெளியாகி உள்ளன.

அதன்படி இந்தியாவில் மோட்டோரோலா எட்ஜ் 50 பியூஷன் ஸ்மார்ட்போன் பாரஸ்ட் புளூ, ஹாட் பின்க் மற்றும் மார்ஷ்மல்லோ புளூ என மூன்று நிறங்களில் கிடைக்கும் என்று தெரியவந்துள்ளது. இந்த ஸ்மார்ட்போனில் அதிகபட்சம் 128 ஜி.பி. மெமரி வழங்கப்படுகிறது. இதில் ஆண்ட்ராய்டு 14 சார்ந்த ஹெல்லோ யு.ஐ. வழங்கப்படுகிறது.

இத்துடன் 6.7 இன்ச் கர்வ்டு pOLED டிஸ்ப்ளே, 144Hz ரிப்ரெஷ் ரேட், கார்னிங் கொரில்லா கிளாஸ் 5 பாதுகாப்பு, இன் டிஸ்ப்ளே கைரேகை சென்சார், ஸ்னாப்டிராகன் 7s ஜென் 2 பிராசஸர், அதிகபட்சம் 12 ஜி.பி. வரையிலான ரேம், இரட்டை கேமரா சென்சார்கள் வழங்கப்படுவது உறுதியாகி இருக்கிறது. 

கூகுள் நிறுவனம் தனது புதிய பிக்சல் ஸ்மார்ட்போன்- பிக்சல் 8a மாடலை இந்திய சந்தையில் அறிமுகம் செய்தது. புதிய பிக்சல் 8a மாடலில் 6.1 இன்ச் FHD+ OLED டிஸ்ப்ளே, 120Hz ரிப்ரெஷ் ரேட், அதிகபட்சம் 2000 நிட்ஸ் பீக் பிரைட்னஸ் வழங்கப்பட்டு இருக்கிறது.

இந்த ஸ்மார்ட்போன் கூகுள் டென்சார் G3 பிராசஸர், டைட்டன் M2 செக்யூரிட்டி சிப், ஆண்ட்ராய்டு 14 ஒ.எஸ்., அதிகபட்சம் ஏழு ஆண்டுகளுக்கு மென்பொருள் சப்போர்ட் அதாவது செக்யூரிட்டி அப்டேட்கள், ஆண்ட்ராய்டு ஒ.எஸ். அப்கிரேடுகள் வழங்கப்படும் என கூகுள் அறிவித்துள்ளது.

கூகுள் பிக்சல் 8a அம்சங்கள்:

6.1 இன்ச் 2400x1080 பிக்சல் FHD+OLED டிஸ்ப்ளே, 120Hz ரிப்ரெஷ் ரேட்

கார்னிங் கொரில்லா கிளாஸ் 3 பாதுகாப்பு

கூகுள் டென்சார் G3 பிராசஸர்

டைட்டன் M2 செக்யூரிட்டி சிப்

8 ஜி.பி. ரேம்

128 ஜி.பி., 256 ஜி.பி. மெமரி

ஆண்ட்ராய்டு 14

டூயல் சிம் ஸ்லாட்

64MP பிரைமரி கேமரா, எல்.இ.டி. ஃபிளாஷ், ஒ.ஐ.எஸ்.

13MP அல்ட்ரா வைடு கேமரா

13MP செல்ஃபி கேமரா

இன் டிஸ்ப்ளே கைரேகை சென்சார்

வாட்டர் மற்றும் டஸ்ட் ரெசிஸ்டண்ட்

யு.எஸ்.பி. டைப் சி ஆடியோ

ஸ்டீரியோ ஸ்பீக்கர்கள், 2 மைக்ரோபோன்கள்

5ஜி, 4ஜி வோல்ட்இ, வைபை, ப்ளூடூத்

யு.எஸ்.பி. டைப் சி

4492 எம்.ஏ.ஹெச். பேட்டரி

18 வாட் ஃபாஸ்ட் சார்ஜிங் வசதி

வயர்லெஸ் சார்ஜிங்

இந்திய சந்தையில் கூகுள் பிக்சல் 8a ஸ்மார்ட்போனின் 128 ஜி.பி. மெமரி மாடல் விலை ரூ. 52 ஆயிரத்து 999 என்றும் 256 ஜி.பி. மெமரி மாடல் விலை ரூ. 59 ஆயிரத்து 999 என்றும் நிர்ணயம் செய்யப்பட்டு உள்ளது. இந்த ஸ்மார்ட்போனிற்கான முன்பதிவு ஏற்கனவே துவங்கி நடைபெற்று வருகிறது. விற்பனை மே 14 ஆம் தேதி துவங்குகிறது.

உலகளவில் அதிகம் விற்பனையான டாப் 10 ஸ்மார்ட்போன் மாடல்கள் பட்டியலில் ஆப்பிள் மற்றும் சாம்சங் நிறுவனங்கள் ஆதிக்கம் செலுத்தி உள்ளன. 2024 ஆண்டின் முதல் காலாண்டு வாக்கில் ஸ்மார்ட்போன் வினியோகம் தொடர்பாக கவுன்ட்டர்பாயின்ட் ரிசர்ச் நிறுவனம் வெளியிட்டுள்ள சமீபத்திய அறிக்கையில் இந்த தகவல்கள் வெளியாகி உள்ளன.

அதன்படி இந்த காலாண்டு வாக்கில் விற்பனைான டாப் 10 ஸ்மார்ட்போன்கள் அனைத்திலும் 5ஜி கனெக்டிவிட்டி இடம்பெற்றிருந்தது. மேலும், பயனர்கள் பிரீமியம் சாதனங்களை அதிகளவில் வாங்க துவங்கியுள்ளது தெரியவந்துள்ளது. அதிகம் விற்பனையான டாப் 10 ஸ்மார்ட்போன்களில் 7 மாடல்களின் விலை குறைந்த பட்சம் 600 டாலர்கள் (இந்திய மதிப்பில் ரூ. 50 ஆயிரத்து 90) என துவங்கின.

2024 ஆண்டின் முதல் காலாண்டில் அதிகம் விற்பனையான ஸ்மார்ட்போன் மாடலாக ஆப்பிள் நிறுவனத்தின் ஐபோன் 15 ப்ரோ மேக்ஸ் இடம்பெற்று இருக்கிறது. டாப் 10 விற்பனையான ஸ்மார்ட்போன்களில் ஐபோன் 15 மற்றும் ஐபோன் 14 சீரிஸ் மாடல்கள் ஆதிக்கம் செலுத்தி உள்ளன. இதில் முதல் மூன்று இடங்களை ஐபோன் 15 சீரிஸ் மாடல்கள் ஆகும்.

முதல் காலாண்டின் டாப் 10 பட்டியலில் இரண்டு இடங்களை சாம்சங் கேலக்ஸி S24 சீரிஸ் பெற்றுள்ளது. இதில் கேலக்ஸி S24 அல்ட்ரா ஐந்தாவது இடமும், கேலக்ஸி S24 பேஸ் வேரியண்ட் ஒன்பதாவது இடமும் பிடித்துள்ளது.

அதிகம் விற்பனையான டாப் 10 ஸ்மார்ட்போன்கள் பட்டியல்

ஐபோன் 15 ப்ரோ மேக்ஸ்

ஐபோன் 15

ஐபோன் 15 ப்ரோ

ஐபோன் 14

கேலக்ஸி S24 அல்ட்ரா

கேலக்ஸி A15 5ஜி

கேலக்ஸி A54

ஐபோன் 15 பிளஸ்

கேலக்ஸி S24

கேலக்ஸி A34

ஆப்பிள் நிறுவனம் மடிக்கக்கூடிய ஐபோன் உருவாக்கி வருவது தொடர்பான தகவல்கள் பல ஆண்டுகளாக இணையத்தில் வெளியாகி வருகின்றன. மடிக்கக்கூடிய ஐபோன் தொடர்பாக இதுவரை ஏராளமான புகைப்படங்கள், ரெண்டர்கள் மற்றும் தகவல்கள் வெளியாகி உள்ளன. எனினும், இது தொடர்பாக ஆப்பிள் சார்பில் இதுவரை எந்த தகவலும் வழங்கப்படவில்லை.

சமீபத்தில் வெளியான தகவல்களிலும், ஆப்பிள் நிறுவனம் மடிக்கக்கூடிய ஐபோன் உருவாக்கும் திட்டத்தை ரத்து செய்துவிட்டதாக கூறப்பட்டது. மேலும், இதற்கு மாற்றாக ஆப்பிள் நிறுவனம் முற்றிலும் புதிய மடிக்கக்கூடிய சாதனம் ஒன்றை உருவாக்கி வருவதாகவும், இது அளவில் பெரியதாக இருக்கும் என்றும் கூறப்பட்டது.

இந்த நிலையில், கடந்த ஆண்டு அமெரிக்க காப்புரிமை மற்றும் டிரேட்மார்க் அலுவலகத்தில் விண்ணப்பிக்கப்பட்ட காப்புரிமை சார்ந்த விவரங்கள் வெளியாகி இருக்கிறது. இதில் ஆப்பிள் நிறுவனம் கிளாம்ஷெல் டிசைன் கொண்ட புதிய ஐபோன் மாடலை உருவாக்கி வருவது அம்பலமாகி இருக்கிறது. கடந்த ஆண்டு அக்டோபர் மாதம் விண்ணப்பிக்கப்பட்ட காப்புரிமை விவரங்கள் மே 2 ஆம் தேதி வெளியாகியுள்ளது.

காப்புரிமைகளின் படி ஆப்பிள் நிறுவனம் புதிய மடிக்கக்கூடிய சாதனத்தில் சுவாரஸ்யமான ஹிஞ்ச் டிசைனை உருவாக்கி இருப்பது தெரியவந்துள்ளது. புதிய டிசைனின் படி புதுவித ஹிஞ்ச் காரணமாக இந்த சாதனம் தற்போது விற்பனை செய்யப்படும் மடிக்கக்கூடிய சாதனங்களை விட தடிமனாக இருக்கும் என்று தெரியவந்துள்ளது.

இதன் காரணமாக ஏற்கனவே வெளியான தகவல்களை உறுதிப்படுத்தும் வகையில், ஆப்பிள் நிறுவனம் மடிக்ககூடிய ஐபோன் மட்டுமின்றி மடிக்க்கூடிய ஐபேட் மாடலையும் உருவாக்கலாம் என்பதை உணர்த்தும் வகையில் அமைந்துள்ளது. 

விவோ நிறுவனத்தின் இரண்டு புதிய ஸ்மார்ட்போன்கள் இந்திய சந்தையில் அறிமுகம் செய்யப்பட்டன. விவோ Y18 மற்றும் Y18e என அழைக்கப்படும் இரு மாடல்களிலும் ஆக்டா கோர் மீடியாடெக் பிராசஸர் மற்றும் 5000 எம்.ஏ.ஹெச். பேட்டரி, அதிவேக சார்ஜிங் வசதி வழங்கப்பட்டு இருக்கிறது. இரு ஸ்மார்ட்போன்களிலும் ஆண்ட்ராய்டு 14 சார்ந்த யு.ஐ. வழங்கப்பட்டுள்ளது.

டிசைனை பொருத்தவரை இரு மாடல்களும் விவோ Y03 மாடலை தழுவி உருவாக்கப்பட்டு இருக்கிறது. விவோ Y03 ஸ்மார்ட்போன் இந்த ஆண்டு மார்ச் மாத வாக்கில் தேர்வு செய்யப்பட்ட நாடுகளில் மட்டும் விற்பனைக்கு அறிமுகம் செய்யப்பட்டது.

விவோ Y18 மற்றும் Y18e மாடல்களில் 6.56 இன்ச் HD+ 1612x720 பிக்சல் LCD ஸ்கிரீன், 90Hz ரிப்ரெஷ் ரேட், ஆக்டா கோர் மீடியாடெக் டிமென்சிட்டி G85 பிராசஸர், 4 ஜி.பி. ரேம், அதிகபட்சம் 128 ஜி.பி. மெமரி, ஆண்ட்ராய்டு 14 சார்ந்த ஃபன்டச் ஒ.எஸ். 14 வழங்கப்பட்டு இருக்கிறது.

புகைப்படங்களை எடுக்க Y18 மாடலில் 50MP பிரைமரி கேமரா, 0.08 சென்சார் மற்றும் 8MP செல்ஃபி கேமரா வழங்கப்பட்டுள்ளது. விவோ Y18e மாடலில் 13MP பிரைமரி கேமரா, 0.08MP சென்சார் மற்றும் 5MP செல்ஃபி கேமரா வழங்கப்பட்டு இருக்கிறது. இரு மாடல்களிலும் 5000 எம்.ஏ.ஹெச். பேட்டரி, 15 வாட் சார்ஜிங் வசதி வழங்கப்பட்டுள்ளது.

இத்துடன் பக்கவாட்டில் கைரேகை சென்சார், IP54 தர வாட்டர் ரெசிஸ்டண்ட் வசதி, 4ஜி, வைபை, ப்ளூடூத், ஜி.பி.எஸ்., யு.எஸ்.பி. டைப் சி கனெக்டிவிட்டி வழங்கப்பட்டு இருக்கிறது.

விலை விவரங்கள்:

விவோ Y18 ஸ்மார்ட்போனின் 4 ஜி.பி. ரேம், 64 ஜி.பி. மெமரி மாடல் விலை ரூ. 8 ஆயிரத்து 999 என்றும் 4 ஜி.பி. ரேம், 128 ஜி.பி. மெமரி மாடல் விலை ரூ. 9 ஆயிரத்து 999 என்றும் நிர்ணயம் செய்யப்பட்டுள்ளது. விவோ Y18e ஸ்மார்ட்போனின் 4 ஜி.பி. ரேம், 64 ஜி.பி. மெமரி மாடல் விலை ரூ. 7 ஆயிரத்து 999 என நிர்ணயம் செய்யப்பட்டு உள்ளது.

இரு ஸ்மார்ட்போன்களும் ஜெம் கிரீன் மற்றும் ஸ்பேஸ் பிளாக் என இருவித நிறங்களில் கிடைக்கிறது. இவை விவோ இந்தியா இ ஸ்டோர் மூலம் விற்பனை செய்யப்படுகின்றன. 

ஐகூ நிறுவனம் கடந்த ஏப்ரல் மாதம் தனது Z9x 5ஜி ஸ்மார்ட்போனினை சீன சந்தையில் அறிமுகம் செய்தது. தற்போது இந்த ஸ்மார்ட்போன் இந்தியாவில அறிமுகம் செய்யப்படும் என்று தகவல் வெளியாகி உள்ளது. இந்த ஸ்மார்ட்போன் ஐகூ இந்தியா வலைதளத்தில் இடம்பெற்று இருப்பதை தொடர்ந்து இதன் இந்திய வெளியீடு கிட்டத்தட்ட உறுதியாகி இருக்கிறது.

புதிய ஐகூ Z9x 5ஜி மாடல் விவோ T3x 5ஜி ஸ்மார்ட்போனின் ரிபிராண்டு செய்யப்பட்ட வெர்ஷனாக இருக்கும் என்று தெரிகிறது. இதன் டிசைன் மற்றும் தோற்றம் அதன் சீன வேரியண்டை போன்றே காட்சியளிக்கும்.

சீன சந்தையில் கிடைக்கும் ஐகூ Z9x 5ஜி மாடலில் 6.72 இன்ச் 120Hz LCD ஸ்கிரீன், குவால்காம் ஸ்னாப்டிராகன் 6 ஜென் 1 பிராசஸர், அதிகபட்சம் 12 ஜி.பி. ரேம், 256 ஜி.பி. மெமரி, ஆண்ட்ராய்டு 14 சார்ந்த ஒரிஜின் ஒ.எஸ். 4 வழங்கப்பட்டு இருக்கிறது.

புகைப்படங்களை எடுக்க 50MP பிரைமரி கேமரா, ஏ.ஐ. சென்சார், 8MP செல்ஃபி கேமரா வழங்கப்படுகிறது. இந்த ஸ்மார்ட்போன் 6000 எம்.ஏ.ஹெச். பேட்டரி மூலம் சக்தியூட்டப்படுகிறது. இத்துடன் 44 வாட் ஃபாஸ்ட் சார்ஜிங் வசதி வழங்கப்படுகிறது. சீனாவில் இந்த ஸ்மார்ட்போனின் விலை இந்திய மதிப்பில் ரூ. 15 ஆயிரம் பட்ஜெட்டில் துவங்குகிறது.

முன்னதாக இதேபோன்ற அம்சங்கள் கொண்ட விவோ T3x 5ஜி ஸ்மார்ட்போன் ஏப்ரல் மாத வாக்கில் இந்திய சந்தையில் அறிமுகம் செய்யப்பட்டது. இந்த ஸ்மார்ட்போனின் 4 ஜி.பி. ரேம், 128 ஜி.பி. மெமரி மாடல் விலை ரூ. 13 ஆயிரத்து 499 என்றும் 6 ஜி.பி. ரேம், 128 ஜி.பி. மெமரி மாடல் விலை ரூ. 14 ஆயிரத்து 999 என்றும் 8 ஜி.பி. ரேம், 128 ஜி.பி. மெமரி மாடல் விலை ரூ. 16 ஆயிரத்து 499 என்றும் நிர்ணயம் செய்யப்பட்டு இருந்தது. 

சாம்சங் நிறுவனம் தனது கேலக்ஸி S24 ஸ்மார்ட்போனின் புது வேரியண்டை இந்திய சந்தையில் அறிமுகம் செய்தது. முன்னதாக இந்த ஸ்மார்ட்போன் 256 ஜி.பி. மற்றும் 512 ஜி.பி. என இருவித மெமரி ஆப்ஷன்களில் மட்டுமே விற்பனை செய்யப்பட்டு வந்தது. தற்போது இந்த ஸ்மார்ட்போனின் 128 ஜி.பி. மெமரி ஆப்ஷன் அறிமுகமாகி இருக்கிறது.

புதிய மெமரி தவிர இந்த ஸ்மார்ட்போனின் மற்ற அம்சங்களில் எவ்வித மாற்றமும் மேற்கொள்ளப்படவில்லை. அந்த வகையில் கேலக்ஸி S24 ஸ்மார்ட்போனில் எக்சைனோஸ் 2400 பிராசஸர், 6.1 இன்ச் AMOLED டிஸ்ப்ளே, 50MP பிரைமரி கேமரா வழங்கப்பட்டு இருக்கிறது. கேலக்ஸி S24 மாடலின் புதிய 128 ஜி.பி. மெமரி மாடல் விலை ரூ. 74 ஆயிரத்து 999 என நிர்ணயம் செய்யப்பட்டுள்ளது.

கேலக்ஸி S24 ஸ்மார்ட்போனின் புது வேரியண்ட் வாங்குவோர் ஹெச்.டி.எஃப்.சி. வங்கி கிரெடிட் மற்றும் டெபிட் கார்டுகளை பயன்படுத்தும் போது ரூ. 5 ஆயிரம் தள்ளுபடி வழங்கப்படுகிறது. இத்துடன் ரூ. 10 ஆயிரம் வரை எக்சேஞ்ச் போனஸ் வழங்கப்படுகிறது. இந்த ஸ்மார்ட்போனின் 256 ஜி.பி. மற்றும் 512 ஜி.பி. மெமரி மாடல்கள் விலை முறையே ரூ. 79 ஆயிரத்து 999 மற்றும் ரூ. 89 ஆயிரத்து 999 ஆகும்.

கேலக்ஸி S24 அம்சங்கள்:

6.2 இன்ச் 2340x1080 பிக்சல் FHD+ டிஸ்ப்ளே

1-120 ஹெர்ட்ஸ் அடாப்டிவ் ரிப்ரெஷ் ரேட், 2600 நிட்ஸ் பிரைட்னஸ்

கார்னிங் கொரில்லா கிளாஸ் விக்டஸ் 2 பாதுகாப்பு

சாம்சங் எக்சைனோஸ் 2400 பிராசஸர்

எக்ஸ்-க்ளிப்ஸ் 940 GPU

8 ஜி.பி. ரேம்

128 ஜி.பி./ 256 ஜி.பி. / 512 ஜி.பி. மெமரி

ஆண்ட்ராய்டு 14 சார்ந்த ஒன் யு.ஐ. 6.1

டூயல் சிம் ஸ்லாட்

50MP பிரைமரி கேமரா, எல்.இ.டி. ஃபிளாஷ், OIS

12MP 120 டிகிரி அல்ட்ரா வைடு கேமரா

10MP டெலிபோட்டோ லென்ஸ், OIS

12MP செல்ஃபி கேமரா

டஸ்ட் மற்றும் வாட்டர் ரெசிஸ்டன்ட் IP68

5ஜி, 4ஜி வோல்ட்இ, வைபை, ப்ளூடூத் 5.3

4000 எம்.ஏ.ஹெச். பேட்டரி, 25 வாட் ஃபாஸ்ட் சார்ஜிங்