பாகிஸ்தான், வெஸ்ட் இண்டீஸ் அணிகள் இடையிலான 2-வது மற்றும் கடைசி டெஸ்ட் போட்டி நடைபெற்று வந்தது.
இப்போட்டியில் முதலில் பிட்டிங் செய்த வெஸ்ட் இண்டீஸ் முதல் இன்னிங்சில் 163 ரன்களுக்கு ஆல் அவுட் ஆனது. அடுத்து ஆடிய பாகிஸ்தான் முதல் இன்னிங்சில் 154 ரன்களுக்கு சுருண்டது.
இதையடுத்து, 9 ரன்கள் முன்னிலை பெற்ற வெஸ்ட் இண்டீஸ் அணி 2வது இன்னிங்சில் 244 ரன்களுக்கு ஆல் அவுட் ஆனது.
இதனை அடுத்து, 254 ரன்களை இலக்காகக் கொண்டு களமிறங்கிய பாகிஸ்தான் அணி 133 ரன்களுக்கு ஆல் அவுட்டானது. இதன்மூலம் 120 ரன்கள் வித்தியாசத்தில் வெஸ்ட் இண்டீஸ் அணி வெற்றி பெற்றது.
இதன்மூலம் 35 ஆண்டுகளுக்குப் பிறகு பாகிஸ்தான் மண்ணில் டெஸ்ட் வெற்றியை பதிவு வெஸ்ட் இண்டீஸ் அணி சாதனை படைத்துள்ளது. இதற்கு முன்பு 1990ல் பைசாலாபாத்தில் நடந்த டெஸ்டில் வெஸ்ட் இண்டீஸ் அணி வென்றிருந்தது குறிப்பிடத்தக்கது.
முதல் டெஸ்ட் போட்டியில் பாகிஸ்தான் வெற்றி பெற்ற நிலையில், 2 போட்டிகள் கொண்ட தொடர் 1-1 என சமனில் முடிந்தது.
