கொல்கத்தா:
கொல்கத்தாவில் வங்காளதேசத்துக்கு எதிராக நடைபெற்று வரும் பகலிரவு டெஸ்ட் போட்டியில் இந்திய கேப்டன் விராட் கோலி, சிறப்பாக ஆடி தனது 27-வது சதத்தை நிறைவு செய்தார். இதன்மூலம் டெஸ்ட் மற்றும் ஒருநாள் போட்டிகளில் 70 சதங்களை எடுத்துள்ளார்.
ஆஸ்திரேலிய அணியின் முன்னாள் கேப்டன் ரிக்கி பாண்டிங் கேப்டனாக விளையாடி 41 சதங்கள் அடித்துள்ளார்.
இந்நிலையில், இன்றைய ஆட்டத்தில் விராட் கோலி சதமடித்ததன் மூலம் கேப்டனாக 41 சதங்கள் அடித்து, ரிக்கி பாண்டிங் சாதனையை சமன் செய்துள்ளார்.
ஏற்கனவே, கேப்டனாக டெஸ்ட் போட்டியில் அதிகவேகமாக 5 ஆயிரம் ரன்களை தாண்டிய வீரர் என்ற பெருமையை விராட் கோலி பெற்றுள்ளார் என்பது குறிப்பிடத்தக்கது.
