முக ஸ்டாலின், கனிமொழி, திமுக எம்.எல்.ஏ.க்கள் மருத்துவமனையில் இருந்து புறப்பட்டனர்

சென்னை:

காவேரி மருத்துவமனையில் அனுமதிக்கப்பட்டுள்ள திமுக தலைவர் கருணாநிதியின் உடல்நிலை பின்னடவை சந்தித்துள்ளதாக மருத்துவமனை இன்று அறிக்கை வெளியிட்டது. இதனால், திமுக தொண்டர்கள் மருத்துவமனை வளாகத்தில் குவிந்துள்ளனர்.

இந்நிலையில், திமுக செயல்தலைவரும் கருணாநிதியின் மகனுமாகிய முக ஸ்டாலின், கனிமொழி எம்.பி, ஆ.ராசா, துரை முருகன், அன்பழகன் உள்ளிட்ட திமுக எம்.எல்.ஏ.க்களும் மருத்துவமனையில் இருந்து புறப்பட்டுச் சென்றனர். திமுகவின் முக்கிய நிர்வாகிகளும் புறப்பட்டுச் சென்றனர். 

இதற்கிடையே, மயிலாப்பூர் துணை ஆணையர் அலுவலகத்தில், மாநகர போலீஸ் கமிஷ்னர் விஸ்வநாதன் தலைமையில் ஆலோசனை கூட்டம் நடந்து வருகிறது. போக்குவரத்து மற்றும் பாதுகாப்பு பணிகள் தொடர்பாக ஆலோசனை நடந்து வருவதாக தகவல்கள் தெரிவிக்கின்றன.