கொரோனா தொற்றால் பாதிக்கப்பட்டு தனியார் மருத்துவமனையில் அனுமதிக்கப்பட்டிருந்த திமுக எம்எல்ஏ ஜெ.அன்பழகன் இன்று சிகிச்சை பலனின்றி உயிரிழந்தார். அவரது உடல் கண்ணம்மாபேட்டை மயானத்தில் அடக்கம் செய்யப்பட்டது.
கடந்த ஓராண்டில் மட்டும் 4 எம்.எல்.ஏ.க்களை இழந்திருக்கிறது திமுக. விக்கிரவாண்டி- ராதாமணி, குடியாத்தம்- காத்தவராயன், திருவொற்றியூர்- கே.பி.பி.சாமி ஆகியோரைத் தொடர்ந்து இன்று சேப்பாக்கம்- திருவல்லிக்கேணி ஜெ.அன்பழகன் காலமாகி உள்ளார்.
ஜெ.அன்பழகன் மறைவால் தமிழக சட்டசபையில் திமுகவின் பலம் 98ல் இருந்து 97 ஆக குறைந்துள்ளது. அத்துடன் தமிழக சட்டமன்ற தொகுதிகளின் காலியிடம் 3 ஆக உயர்ந்துள்ளது.
