கேழ்வரகு கருப்பட்டி பணியாரம்

தேவையான பொருட்கள்:

இட்லி அரிசி - 200 கிராம்,

கேழ்வரகு - 200 கிராம்,

உளுந்து - 50 கிராம்,

வெந்தயம்-1 டீஸ்பூன்,

கருப்பட்டி - 500 கிராம்,

ஏலக்காய்த் தூள் - சிறிதளவு,

உப்பு - சிறிதளவு,

நல்லெண்ணெய் அல்லது நெய் - தேவையான அளவு

செய்முறை:

இட்லி அரிசி, கேழ்வரகு, உளுந்து, வெந்தயம் இவை அனைத்தையும் நன்றாகக் கழுவி மூன்று மணி நேரம் ஊற வைத்து நன்கு ஊறியதும், கெட்டியாக மாவு போல் அரைத்து சிறிது உப்பு சேர்த்து புளிக்க வைக்க வேண்டும்.

கருப்பட்டியை தூளாக்கி, தண்ணீர் சேர்த்து சில நிமிடங்களில் கரைந்ததும் வடிகட்டி மாவில் ஊற்ற வேண்டும்.

அத்துடன் ஏலக்காய்த்தூள் சேர்த்து 5 மணிநேரம் புளிக்க விட வேண்டும்.

பின்னர் அடுப்பில் பணியாரச் சட்டியை வைத்து ஒவ்வொரு குழியிலும் நல்லெண்ணெய் அல்லது நெய் ஊற்றி சூடானதும் காய்ந்ததும் மாவை ஊற்றி வேகவைத்து எடுத்து பரிமாற வேண்டும்.

இப்போது சத்தான சுவையான கருப்பட்டி பணியாரம் ரெடி.