வெனிசுலா நிலநடுக்கம் குறித்து முன்கூட்டியே மக்களை எச்சரித்த கூகுள் - எப்படி சாத்தியம்?

அக்ஸிலரோமீட்டர்

ஒவ்வொரு ஸ்மார்ட்போனிலும் அக்ஸிலரோமீட்டர் என்ற மிக முக்கிய சென்சார் பொருத்தப்பட்டுள்ளது.

இதனால் மிகச்சிறிய அளவிலான அதிர்வுகளையும் துல்லியமாகக் உணர முடியும். இந்த சென்சார் நிலநடுக்கம் ஏற்படும் போது உருவாகும் ஆரம்பகட்ட அதிர்வுகளை இந்த சென்சார் கண்டறிந்து அந்த சிக்னலை அது பதிவான இடத்தின் விவரத்துடன் கூகுளின் ஆண்ட்ராய்டு நிலநடுக்க எச்சரிக்கை அமைப்பிற்கு அனுப்புகிறது.

சிக்னல்

ஒரு குறிப்பிட்ட பகுதியில் உள்ள ஒரு மொபைலில் இருந்து அதிர்வு சிக்னல் வந்தவுடன், கூகுளின் சர்வர்கள் அந்தப் பகுதியில் உள்ள மற்ற ஆண்ட்ராய்டு போன்களையும் ஆராய்ந்து அதேபோல அதிர்வு சிக்னல்கள் அந்த பகுதியில் வருகிறதா என கண்காணிக்கும்.

அப்படி நூற்றுக்கணக்கில் ஒரே இடத்தில் இருந்து சிக்னல்கள் வந்தால் கூகுள் சர்வர்கள் அதை கண்டறிந்து அந்தப் பகுதி மக்களுக்கு அலர்ட் அனுப்புகிறது.