உலக கோப்பையில் இருந்து அர்ஜென்டினாவை வெளியேற்றுங்க.., ஆன்லைனில் விஸ்வரூபம் எடுத்த கையெழுத்து பிரசாரம்

எகிப்துக்கு எதிரான போட்டியில் சர்ச்சை

எகிப்து அணிக்கெதிரான நாக்அவுட் போட்டியில் ஒரு கட்டத்தில் எகிப்பு 2-0 என முன்னிலைப் பெற்றிருந்தது. அதன்பின் அர்ஜென்டினா 13 நிமிடங்களில் 3 கோல் அடித்து வெற்றி பெற்றது. இந்த போட்டியின்போது, எகிப்து அணி 2-0 என முன்னிலையில் இருந்தபோது, அவர்களின் முக்கியமான கோல் ஒன்று VAR மூலம் ரத்து செய்யப்பட்டது. மேலும், எகிப்து வீரர் முகமது சலா மீது பெனால்டி எல்லைக்குள் நடந்த தவறான செயலுக்கு நடுவர் அனுமதி மறுத்தார்.

இதன் தொடர்ச்சியாக, என்ஸோ பெர்னாண்டஸ் 93-வது நிமிடத்தில் கோல் அடிக்க அர்ஜென்டினா 3-2 என்ற கோல் கணக்கில் வெற்றி பெற்று காலிறுதிக்குத் தகுதி பெற்றது. இதனால் ஆத்திரமடைந்த எகிப்து கால்பந்து சம்மேளனம் (EFA) பிபாவிடம் அதிகாரப்பூர்வமாக புகார் அளித்தது. எகிப்து பயிற்சியாளர் ஹோஸாம் ஹசன் இப்போட்டி "முன்கூட்டியே திட்டமிடப்பட்டது" என பகிரங்கமாகக் குற்றம்சாட்டினார். எனினும், எகிப்தின் கோரிக்கையை பிபா நிராகரித்ததுடன், நடுவர்களின் முடிவுகள் தொழில்நுட்ப ரீதியாகச் சரியானவை என்றது.

இது கால்பந்து ரசிகர்களை ஆதங்கத்தில் ஆழ்த்தியது. பிபா மற்றும் நடுவர்கள் இப்படி அர்ஜென்டினா மற்றும் மெஸ்சிக்கு ஆதரவாக செயல்பட்டால் என்ன ஆர்த்தம்? என கேள்வி எழுப்பினர்.