தந்தையின் உடல்நிலை குறைவால் இந்தியா வந்த H-1B விசா ஊழியர் பணிநீக்கம் - அமெரிக்க ஸ்டார்ட்அப் நிறுவனம் நடவடிக்கை!

போன் காலில் வந்த பணிநீக்கம்

இந்தியா வந்த நிலையிலும் பிரயுத் நிறுவனத்தின் வேலைகளில் இருந்து முழுமையாக விலகாமல், தந்தையுடன் இருந்தபடியே தொடர்ந்து லேப்டாப்பில் வேலை செய்து வந்துள்ளார்.

ஆனால், ஜூலை 30 அன்று அவருக்கு வந்த ஒரு சாதாரண போன் காலில், "அடுத்த 15 நாட்களில் உங்கள் வேலை முடிகிறது" என்று கூறப்பட்டுள்ளது.

இதுவரை அவருக்கு முறையான பணிநீக்கக் கடிதம் கூட வழங்கப்படவில்லை இதனால் அவர் அதிர்ச்சியடைந்துள்ளார்.

விசா அந்தஸ்து மற்றும் எதிர்காலம் கேள்விக்குறி

பிரயுத் அமெரிக்காவில் H-1B விசாவில் பணிபுரிந்து வருகிறார். அமெரிக்க சட்டப்படி, இந்த விசாவில் இருப்பவர்கள் வேலையை இழந்தால், அடுத்த 60 நாட்களுக்குள் புதிய வேலையைக் கண்டறிய வேண்டும்; இல்லையெனில் நாட்டை விட்டு வெளியேற வேண்டும்.

இதுகுறித்து பிரயுத் ஜெயின் கூறுகையில். "எனது தந்தை உயிருக்குப் போராடிக் கொண்டிருந்த அந்த நேரத்தில், மருத்துவர்கள் நுரையீரல் மாற்று அறுவை சிகிச்சைதான் ஒரே வழி என்றார்கள்.

மருத்துவ ரீதியாகவும், உணர்வுபூர்வமாகவும், நிதி ரீதியாகவும், தொழில் ரீதியாகவும் என் வாழ்க்கையில் எல்லாமே ஒரே நேரத்தில் நெருங்கி விழுவது போல் இருந்தது. ஒரு ஸ்டார்ட்அப் நிறுவனத்தை நம்முடைய சொந்த நிறுவனம் போல நினைத்து உழைக்கச் சொல்கிறார்கள்.

ஆனால் கஷ்ட காலம் வரும்போது ஊழியர்களை துவைத்து தூக்கி எறிகிறார்கள்" என்று வேதனையுடன் லிங்க்ட்இன் பதிவில் தனது ஏமாற்றத்தையும் கோபத்தையும் வெளிப்படுத்தினார்.