ஹார்முஸ் பஞ்சாயத்து: ஈரான் மீது மீண்டும் தாக்குதலை தொடங்கிய அமெரிக்கா!

ஹார்முஸ் நீரிணையில் மூன்று வணிக கப்பல்கள் தாக்கப்பட்ட சில மணிநேரங்களுக்கு பிறகு, இன்று (புதன்கிழமை) அதிகாலை ஈரான் மீது அமெரிக்க ராணுவம் தாக்குதல் நடத்தியது. இரு நாடுகளுக்கும் இடையிலான மோதலை முடிவுக்குக் கொண்டுவருவதற்கான இடைக்கால ஒப்பந்தத்திற்கு அச்சுறுத்தலாக அமைந்துள்ள சமீபத்திய மோதல் இதுவாகும்.

இந்தத் தாக்குதல்கள் பல்வேறு ராணுவ தளங்கள் மற்றும் துறைமுக வசதிகளை குறிவைக்கும் என்று அமெரிக்க அதிகாரிகள் தெரிவித்தனர். நீரிணையை முழுமையாக மீண்டும் திறப்பது, சர்ச்சைக்குரிய ஈரானின் அணுசக்தி திட்டத்தை குறைப்பது மற்றும் பிப்ரவரி 28 அன்று தொடங்கிய போருக்கு நிரந்தர முற்றுப்புள்ளி வைப்பது ஆகியவற்றை நோக்கமாகக் கொண்ட பேச்சுவார்த்தைகளுக்கு, இந்தத் தாக்குதல்கள் கூடுதல் சிக்கலை ஏற்படுத்தியுள்ளன.