5 நிமிட வீடியோ கால்..ரூ.36 லட்சம் செலவில் திருமணம்: 9 நாட்களில் விவாகரத்து கோரிய நபர்!

இந்நிலையில், திருமணம் ஆன 9 நாட்களில், பெண்ணின் வங்கி விவரங்களைச் சரிபார்த்தபோது, அவருக்கு ரூ.13.9 லட்சம் கடன் இருப்பது தெரியவந்தது. பெண்ணின் மொபைல் பணப் பரிவர்த்தனைக் கணக்கில் வேறொரு பெயர் இருந்தது கண்டறியப்பட்டது. அதுமட்டுமல்லாமல், தனக்குக் கல்லீரல் நொதி பாதிப்பு இருப்பதாகவும், உடல் எடையைக் குறைக்க வேண்டும் என்றும் திருமணத்திற்குப் பின் அந்தப் பெண் கூறியுள்ளார்.

இந்த ஏமாற்றங்களால் அதிர்ச்சியடைந்த 'கு', திருமணம் நடந்த 9 நாட்களிலேயே விவாகரத்து கோரி நீதிமன்றத்தை நாடினார்.

ஆரம்பத்தில் விவாகரத்திற்குச் சம்மதித்த அந்தப் பெண், பின்னர் மன உளைச்சலுக்கு ஆளானதாகக் கூறி 'கு' மீது வழக்குத் தொடர்ந்தார். அவர் தன்னை மேக்கப் போடச் சொல்லியும், வீட்டு வேலைகள் செய்யக் கட்டாயப்படுத்தியும் கொடுமைப்படுத்தியதாகக் கூறி ரூ.7 லட்சம் இழப்பீடு கோரியுள்ளார்.

மறுபுறம், ஏமாற்றிய திருமணத் தகவல் மையத்தின் மீது 'கு' வழக்குத் தொடர்ந்துள்ளார். ஆனால், "நாங்கள் பெண்ணை அறிமுகப்படுத்தும் வேலையைச் செய்து முடித்துவிட்டோம்; பணத்தை வாங்குவதற்காக இவர்களே நாடகமாடுகிறார்கள்" என முகமை தரப்பில் கூறப்பட்டுள்ளது. அவசரப்பட்டு எடுத்த முடிவால் அந்த நபர் தற்போது நீதிமன்றப் படிகளில் ஏறி வருகிறார்.