கடந்த தி.மு.க. ஆட்சியில் மின்வாரியத்தில் செய்த ஊழலை வெள்ளை அறிக்கையாக வெளியிடுவோம்- அமைச்சர் நிர்மல் குமார்

மதுரையில் எரிசக்தி மற்றும் சட்டத்துறை அமைச்சர் நிர்மல் குமார் இன்று நிருபர்களிடம் கூறியதாவது:-

தமிழக வெற்றிக்கழகம் ஆட்சி அமைத்த பின்னர் ஊழலற்ற வெளிப்படை தன்மையுடன் நிர்வாகம் இருக்கிறது. தற்போது சோலார் மின் இணைப்பு பெறுவதிலே கடந்த 10 ஆண்டு கால ஆட்சியில் முறைகேடுகள், விதி மீறல்கள் நடைபெற்று இருப்பது கண்டறியப்பட்டு உள்ளது. இதற்கு உடந்தையாக இருந்த அதிகாரிகளை பணி நீக்கம் செய்திருக்கின்றோம்.

தற்போது மின்வாரியத்தை 5 மண்டலங்களாக பிரித்து செயல்படுத்த இருக்கிறோம். வெளிப்படைத்தன்மையுடன் டெண்டர் கோரப்பட்டுள்ளது. சோலார் மின் இணைப்புகள் அதிகப்படுத்த வேண்டும் என்பது எங்கள் நோக்கமாகும்.

மின்சாரத்துறை சார்பில் அடுத்த வாரத்தில் வெள்ளை அறிக்கை தயார் செய்து வெளியிடப்படும். அதில் மின்சாரத்துறையின் நிலைமை என்ன, இந்த துறையில் எவ்வளவு நஷ்டம் ஏற்பட்டிருக்கிறது என்பது வெளியிடப்படும். எந்தெந்த இடத்தில் கடந்த தி.மு.க. ஆட்சி காலத்தில் ஊழல் செய்யப்பட்டிருக்கிறது என்பதனை வெள்ளை அறிக்கையாக வெளியிடுவோம்.