பராமரிப்பு பணிகளுக்காக ஈரோடு- செங்கோட்டை ரெயில் திடீர் நிறுத்தம்!

மேலும் இந்த ரெயில் ஜூலை 10, 11, 12, 13, 14, 17, 18, 19, 20, 21, 24, 25, 26, 27, 28, 31 மற்றும் ஆகஸ்ட் 1, 2, 3, 4, 6, 7 ஆகிய தேதிகளில், செங்கோட்டை முதல் திண்டுக்கல் வரை ரெயில் சேவை பகுதியளவு ரத்து செய்யப்படும்.

ஜூலை 10, 14 மற்றும் 18 ஆகிய தேதிகளில், இந்த ரெயில் கரூர் ரெயில் நிலையம் வரை மட்டுமே இயக்கப்படும்.

பராமரிப்புப் பணிகள் நிறைவடைந்ததும், ரெயில் எண் 16846 செங்கோட்டை - ஈரோடு எக்ஸ்பிரஸ் ரெயிலின் அதே நிறுத்தங்களுடன், கரூர் முதல் ஈரோடு வரை முன்பதிவு இல்லாத சிறப்பு ரெயிலாக இந்த ரெயில் இயக்கப்படும், என்று தெரிவிக்கப்பட்டுள்ளது.

திடீரென ஈரோடு- செங்கோட்டை இடையே இரு மார்க்கத்திலும் இயக்கப்பட்டு வந்த இந்த ரெயில் இரண்டு மாதங்களுக்கு போதிய அளவில் இயக்கப்படாமல் நிறுத்தப்படுவது ஈரோடு, கரூர், திண்டுக்கல், மதுரை, தென்காசி மாவட்ட பயணிகளை வெகுவாக பாதித்துள்ளது.

இதுகுறித்து பயணிகள் கூறுகையில், ஈரோடு - செங்கோட்டை மற்றும் செங்கோட்டை- ஈரோடு ஆகிய இரு மார்க்கத்திலும் இயக்கப்படும் இந்த ரெயில் தென் மாவட்டங்களையும் மேற்கு மாவட்டங்களையும் இணைக்கும் முக்கியத்துவம் வாய்ந்த ரெயிலாகும். லட்சக்கணக்கான மக்கள் இந்த ரயிலை பயன்படுத்தி வரும் நிலையில் திடீரென 2 மாதங்களுக்கு இந்த ரயில் போக்குவரத்தில் மாற்றம் செய்திருப்பது பயணிகளை பெரும் சிரமத்திற்கு ஆளாக்கியுள்ளது. கொரோனா காலத்தில் இந்த ரெயில் நிறுத்தி வைக்கப்பட்டு நீண்ட இடைவெளிக்குப்பின் இப்போதுதான் இயக்கப்படுகிறது. தற்போது இந்த ரெயிலை நிறுத்தி வைப்பது பயணிகளுக்கு பெரும் பாதிப்பை ஏற்படுத்தும் என்பதால் மீண்டும் பழையபடி இந்த ரெயிலை தொடர்ந்து இயங்க தென்னக ரெயில்வே அதிகாரிகள் உரிய நடவடிக்கை எடுக்க வேண்டும்.